týsdagur 24. januar 2017síða 23

23 Mikudagur 25. januar 2017 · Nr. 11 Sosialurin Hugskot og viðmerkingar – send sms til 225000 Páll Rubek Joensen hevur tær seinastu vikurnar verið í starvsvenjing í Eik Banka, har hann hevur gjørt alt møguligt ymiskt. Hann fekk eina yvirlitsætlan, tá ið hann byrjaði, og so hevur hann gjørt eitt sindur av hvørjum. Hann hevur talt pengar og skilt myntir. Eisini hevur Páll verið við einum byggifrøðingi og hjálpt honum við ymiskum. Ein dagin var hann við postmanninum og koyrdi runt við honum. Ein annan dagin var hann í kantinuni og gjørdi mat. So hann hevur gjørt eitt sindur av hvørjum. Páll valdi at fara í starvsvenjing í Eik Banka, tí hann helt, at tað fór at vera spennandi og vildi fegin læra eitt sindur um bankaverðina. Páll heldur, at hann kann brúka hettar til ymisk arbeiðisøkir. Hann vil fegin viðmæla øðrum at fara í starvsvenjing í Eik Banka, tí hann lærdi nógv nýtt og hevur lært at gera mat, og um KT- infrastruktur, um virðisbrøv og virði á pengum. Vildi læra eitt sindur um bankaverðina Royndi seg í donsku verjuni Iris Jónleifsdóttir Magnussen fór á eitt heldur øðvísi stað í starvsvenjing. Hon valdi at fara í Forsvarið í Danmark. Iris hevur áhugað fyri herinum og kríggji og vildi prøva okkurt stuttligt og øðrvísi. Í Forsvarinum var Iris saman við umleið 20 øðrum starvsnæmingum. Tey lærdu serstakliga nógv um herin. Allar kommandoirnar og hermannavenjingarnar, so sum at ganga ordiligt, vinstra bein fyrst, brúka armarnar rætt. Tey vandu á forðabreyt, vitjaðu eitt KFUM heim fyri særdar hermenn. Eisini lærdu tey um vápn, taka tey sundur, at skjóta, hvussu tú heldur í vápninum og siktar, og hvussu tú kastar hond- og roykgranatir. Sjálvandi lærdu tey eisini um herin, flogvápn, sjóverjuna og um hernaðarbilar. Iris veit ikki, um hon kann brúka tíðina í Forsvarinum til nakað. Hon fór mest fyri upplivingina. Iris legði afturat, at øll áttu at roynt hesa lærduríku uppliving, og at hon lærdi simpulten so nógv. Andrias Nolsøe Jacobsen hevur verið í starvsvenjing á bæði Løgmansskrivstovuni, Fíggjarmálaráðnum, Sam­ ferðslu­málaráðnum og Uttan­ ríkis- og Vinnumálaráð­num á Tinganesi. Andrias hevur verið runt á øllum deildunum, ið eru har. Fólkini, ið arbeiða har, hava greitt honum frá, hvat tey arbeiða við. Andrias hevur lært nógv nýtt um politisku skipanina, hann hevur lært at hyggja kritiskt eftir politikarunum. Hann hevur verið við til fundir og gjørt nakrar smáar uppgávur. Eisini hevur hann stóran áhuga fyri samfelags­ frøði, tí var Tinganes upplagda staðið fyri hann at fara í starvsvenjing. Andrias heldur, at Tinganes ger eitt so fjølbroytt arbeiði. Hann vildi síggja Tinganes frá eini aðrari síðu, sum vit vanliga ikki síggja í miðlunum. Andrias helt, at Tinganes er eitt stað fyri eitt serligt slag av persónum. Tú skalt duga at lurta, læra og hava áhuga fyri tí, tey greiða frá. Um tú hevur áhugað fyri samfelagsfrøði og vilt vita, hvussu samfelagið verður stýrt, so heldur Andrias, at Tinganes er rætta staðið at fara í starvsvenjing. Lært at hyggja kritiskt eftir politikarunum Durita Dam Slættanes hevur tær tvær seinastu vikurnar verið í starvsvenjing í XL Byg í Tórshavn. Hon hevur ruddað uttanfyri, borið jólavørur út á lagrið og koyrt nýggjar vørur út í handilin. Henni dámdi tað væl, og hon helt, at tað var stuttligt og læruríkt. Durita heldur tó ikki, at hon fer at arbeiða innan fyri hesa yrkisleið, tá hon verður eldri. Durita hevur lært nakað nýtt og vil viðmæla øðrum at fara í starvsvenjing í XL Byg. Havi lært nógv nýtt Lag til rættis: Anna Lindenskov Schiller, Jóhanna Óladóttir Joensen, Janita Sivertsen og Elisabet Holm Simonsen, sum hava verið í starvsvenjing í Miðlahúsinum