hósdagur 26. januar 2017síða 4

FRÍGGJADAGUR 27. JANUAR 2017 SOSIALURIN 12 4 SAMRØÐA TÓNLEIKURIN ER MÍN MÁTI AT TAKLA HEIMIN UPPÁ Eivør Pálsdóttir: – Onkuntíð fær man ilt av at bróta rammurnar. Skiftið frá tí fólksliga til tað meira rokk-elektroniska var ræðandi á mangan hátt. Tað var hart at spæla fyri fólkum, ið vóru komin at hoyra Elisabeth og Elinborg, men í staðin fingu tungan rokk/triphop tónleik við fullum orkestri, sigur Eivør Pálsdóttir HALLUR AV RANA T að er mánamorgun tá eg stígi inn í hugna­ligu kaffistovuna Kaffe­ baren á Amager. Eg heilsi upp á starvsfólkini innan diskin og biði um ein kaffi, áðrenn eg seti meg við eitt av høgu borðunum miðskeiðis í hølinum, har Politiken og onnur donsk bløð liggur spjødd yvir borðið. Bløðini eru full við tíðindum frá vikuskiftinum, ið hevur verið óvanliga hendingaríkt. Donald Trump er tikin í eið sum forseti í USA, og setir tað, saman við nógvu mótmælisgongunum um vikuskiftið, dagsskránna í nærum øllum bløðunum. Men hóast Donald Trump fyll­ ir nógv, so hendi eisini ymiskt annað um vikuskiftið, ið ikki hevði nakað at gera við nývalda forsetan. Millum annað var eitt hátíðarhald um vikuskiftið í Aarhus í samband við, at býurin er ársins evropeiskur mentanarbýur, og fylti tað ment­ anarsíðurnar í bløðunum. Eitt hátíðarhald har Eivør Pálsdóttir, dagsins viðtalsevni, var ein av høvuðspersónunum, tá hon framførdi nøkur løg, standandi ovast á einum eftirgjørdum vík­ ingaskipi, ið bleiv hálaður gjøgnum miðbýin framman fyri 70.000 áskoðarum. Í tí eg leggi bløðini frá mær, stígur Eivør Pálsdóttir inn í kaffistovuna. Hon virkar avslappað og úthvíld, tá hon heilsar upp á meg og starvsfólkini í kaffistovuni, hóast hon um vikuskiftið hevur framført á stóra hátíðarhaldinum í Aarhus, umframt at hon síðan ársskiftið hevur havt fleiri konsertir, og lagt síðstu hond á eina nýggja fløgu. Nýggj live fløga á veg Fyrr í ár høvdu føroyingar høvi at uppliva Eivør Pálsdóttir á palli, tá hon trý kvøld á rað framførdi í einum fullsettum Sjónleikarhúsi í høvuðsstaðnum. Talan var um nakrar serligar konsertir, ið skulu brúkast til – Alt sum eg geri, og havi gjørt, er ein partur av mær og tí tónleikinum eg skapi í dag MYND: SIGGA ELLA