mánadagur 6. februar 2017síða 13

13 Mánadagur 6. januar 2014 · Nr. 2 Sosialurin Mánadagur 6. februar 2017 · Nr. 16 Hugskot og viðmerkingar – send sms til 225000 FØROYSKT MEDALJU­ REGN Í PARÍS Føroyskir rógvarar skaraðu framúr í EM í París um vikuskiftið. Eisini er nýtt kurvabóltsfelag sett á stovn Neli Heldarskarð INNIRÓÐUR Leygardagin varð EM í inni­róðri hildið í franska høvuðs­stað­num, París. Heili 10 før­oysk­ir rógvarar tóku lut í evropa­meistara­ kapp­ingini, og ikki kann sigast ann­að enn, at teir av sonnum skar­aðu framúr. Samanlagda heið­ urs­merkja­úrtøkan gjørdist ikki færri enn níggju heiðurs­merki. Fýra gull, tríggjar silvur og tvær brons­ur. Best gekk tað hjá teimum trim­ um føroyingum, ið eru vorðnir evropameistarar. Í aldursbólkinum 50-54 ár í tungvekt var tað Toni R. Dam, sum róði 2000 metrar við tíðini 6.25.2. Ongin stóð honum kurl, og harvið er hann evropameistari í hesum aldursbólkinum. Í opnu tungvektsbólkunum eru tað eisini tveir føroyingar, sum eru teir bestu í Evropa til sína grein. Hjá monnum vann Sverri Nielsen við tíðini 05.47. 9., meðan Elsa Magnussen gjørdist evropameistari hjá kvinnum við tíðini 07.17.8. Tey róðu somuleiðis 2000 metrar. Føroysku rógvararnir, ið vóru við til at tryggja hesa frálíku heið­urs­ merkjaúrtøkuna, eru hesir: Hávar Patursson, Steinar W. á Tórgarði, Inga Weihe, Sverri Nielsen, Toni R. Dam, Elsa Magnussen, Kem Weihe, Róland Michelsen, Bergur Robert Dam Jensen, Jens Kristian Dam og Sarita Kristina Joensen. KURVABÓLTUR Nýtt, føroyskt kurvabóltsfelag er sett á stovn. Í gjárkvøldi gjørd­ist greitt, at nú eru fýra kurva­bólts­ feløg í Føroyum. Nýggja kurva­ bólts­felagið eitur Hávur, og hetta felagið hevur heimstað í Klaksvík. Nevndin hjá nýggjasta liminum í føroysku kurvabóltsfamiljuni er mannað soleiðis: Forkvinna er Erla Mirmansdóttir, næstformaður er Petur Olsen, skrivari er Áron Sofus Vest, kassameistari er Johannes Klakk og nevndarlimur er Anna Jónsveinsdóttir Simonsen. Hini trý feløgini í føroyskum kurvabólti eru Hamar og Sporð­ drekin úr Havn og Ravnur av Toftum. RENNING: Leygardagin varð skipað fyri árligu kappingini í lendisrenning í Hoydølum. Í ár luttóku 70 rennarar í kappingini, sum er ein hørð avbjóðing við brekkum, veitum og vátum lendi. Hjá kvinnunum vann Rebekka Fuglø sum væntað ein tryggan sigur. Meira óvæntað var tað tó, at 49 ára gamla Hergerð Heldarskarð endaði á tryggum øðrum plássi. Hetta merkir eisini, at hon á fyrsta sinni hevur vunnið sítt fyrsta FM- heitið hjá kvinnuveteranunum. Hjá monnunum rann Jan Elmar Sørensen skjótast, og honum á baki kom Andrias Hansen. BADMINTON Hetta vikuskiftið hava ungir, før­ oyskir badmintonleikarar luttikið í einmansleiki, tvímansleiki og blandaðum tvímansleiki í Reykja­ vík International Games í Íslandi. Leygardagin skaraðu føroysku badmintonspælararnir framúr og spældu seg í heili 38 av 51 møgu­ ligum hálvfinalum. Hetta er met fyri føroyingar, sum eru farnir uttanlands at royna seg í bad­ minton­høpi. Í gjár varð føroyski Bartal Poul­ sen eisini kosin til besta leikara í kappingini. Hann er 17 ára gamal. FLOGBÓLTUR Í bestu kvinnudeildini er ein dyst­ur spældur um vikuskiftið. Á Toftum tók botnliðið Ternan ímóti Fleyr, sum liggur miðskeiðis í deildini. Rættiliga óvæntað vann Ternan 3-2, og er hetta bert annar sigurin hjá toftakvinnum í 10 lands­ kappingardystum í hesum kapp­ ingarárinum. FÓTBÓLTUR Tveir fótbóltsútisetar vóru hetta vikuskiftið á blettinum fyri felag sítt í venjingardysti. Fremad Amag­er við bæði Heina Vatnsdal og Finni Justinussen á vøllinum spældu ímóti svenska Trelleborg, ið vann 4-2. Finnur Justinussen varð innskiftur í seinna hálvleiki og mink­aði um munin til 3-2 við sínari fyrstu nerting. Hin føroyingurin, sum kom á máltalvuna, var landsliðsmið­ vall­arin Hallur Hansson. AC Hor­ sens hevur í 10 dagar verið á venj­ ingarlegu í Murcia í Spania, og leygardagin var seinasti dysturin á venjingarleguni spældur ímóti suðurkoreanska Seongnam FC. Hallur Hansson legði AC Horsens á odda 2-0 í dysti, sum Horsens vann 2-1. Seinastu vikurnar er afrikanska svarið upp á EM, African Cup of Nations, blivið spælt í Gabon. Sunnudagin varð finala spæld ímillum mest vinnandi landið í kappingini, Egyptaland, sum hevur vunnið kappingina sjey ferðir, og næstmest vinnandi tjóðina, Kamerun, ið undan finaluni hevði vunnið kappingina fýra ferðir. Arsenal-miðvallarin, Mohamed Elneny, legði Egyptaland á odda miðskeiðis í fyrra hálvleiki, men við málum frá innskiftu Nicolas N’Koulou og Vincent Aboubakar í seinna hálvleiki vann Kamerun 2-1, sum sostatt er besta landsliðið í Afrika fyri fimtu ferð. Í Premier League setti Chelsea leygardagin eina tjúkka striku undir, at felagið er á meistarakós. Arse­nal var komið á vitjan á Stam­ ford Bridge og bleiv sent heimaftur til norðara partin av London við greiðum 3-1 tapi. Úrslitið merkir, at heili 12 stig skilja Chelsea og Arsenal, og harvið er ongin ivi um, at meistaravónin hjá Arsenal enn einaferð er brostin. Nærmastu kappingarneytarnir hjá Chelsea eru nú Tottenham og Manchester City, sum eru ávíkavist níggju og 10 stig aftanfyri bláa London-felagið. Hesi liðini vunnu bæði teprar heimasigrar hetta viku­ skiftið. Tottenham vann 1-0 ímóti Middlesbrough, meðan City vann 2-1 ímóti Swansea. Ringa gongdin hjá Liverpool heldur fram, tí leygardagin tapti Liverpool 2-0 á útivølli ímóti Hull, sum er undir niðurflytingarstrikuni. Betur gekk hjá Manchester United, ið eftir eitt vónbrot av einum javnleiki ímóti júst Hull í miðvikuni, kom aftur á røttu kós við at vinna 3-0 á útivølli ímóti Leicester. Bæði Liver­ pool og United eru í løtuni beint uttan fyri tey fýra Champions League-plássini á stigatalvuni. STUTTSØGD TÍÐINDI Ovurfegnir føroyskir rógvarar eftir góðu úrslitini í París Føroyski Bartal Poulsen varð valdur til besta badmintonleikara í Reykjavík International Games hetta vikuskiftið Mynd: Badmintonsamband Føroya Árliga kappingin í lendisrenning varð hildin leygardagin