mánadagur 6. februar 2017síða 14

Mánadagur 6. februar 2017 · Nr. 16 14 Sosialurin Hugskot og viðmerkingar – send sms til 225000 Tróndur Arge Klaksvíkingurin Bogi Isaksen gjørdi bart um vikuskiftið og vann A-bólkaspælið í 8. umfari í FM kappingini. Tað er kappingin, tá spælt verður við bólkaspæli og styrkismeting. Í beinleiðis steypakappingini, sum eisini gevur stig til FM stigatalvuna, vann favoritturin Remy G. Hansen. 34 menn og fimm kvinnur vóru við í kappingini hesaferð. Remy í trupulleikum Eins og undanfarnu kappingar hjá monnum, sást beinanvegin, at nakrir av stykismettu spælarunum høvdu trupulleikar í bólkaspælinum. Av teimum átta styrkismettu spælarunum, vóru tað bert tveir, ið megnaðu at vinna bólkin. Eitt nú mátti Remy G. Hansen út í umspæl, fyri at koma víðari í A-bólkinum. A-bólkurin Tað gav eina heldur óvæntaða samanseting í endaspælinu, at styrkismettu spælararnir kláraðu seg illa í bólkaspælinum. Hans Eivind Olsen rendi seg beinanvegin í Remy G. Hansen, sum vann 4-0. Magne Thomassen var fyri fyrstu ferð í A-bólkinum, men megnaði ikki at halda støðið frá bólkaspælinum og tapti heldur óvæntað móti Gudmundi Djurhuus, ið var við til FM- kapping fyri fyrstu ferð. Í fjórðingsfinaluni var mest spennandi dysturin millum Boga Isaksen og Remy G. Hansen. Ein javnur dystur, har Bogi Isaksen megnaði at finna góða spælið frá undanfarna kappingarárið fram aftur. Bogi Isaksen vann spennandi dystin 4-3. Klkasvíkingur vann eisini hálvfinaluna móti Esmari Mikkelsen.Í hinari hálvfinlauni vann Jens Albert Simonsen heldur óvæntað 4-2 á Peturi Thomsen. Í finlauni vann Bogi Isaksen 5-3, eftir at tað stóð á jøvnum 3-3. Í B-bólkinum vann Jón Johansen 4-3 í finaluni á Jan Erik Fjallstein Beinleiðis kapping Seinna kappingin hjá monnum er endaspæl allan vegin, uttan nakra styrkismeting. Her rendu Petur Thomsen og Bogi Isaksen saman longu í 1/16 finlauni. Toftamaðurin vann 4-2. Í 1/8 finlauni vann Remy G. Hansen á Hans Eivind Olsen. Í finlauni vann Remy G. Hansen 5-2 á Jan MacIntosh. Sagt verður, at talan var um finalu á høgum stigi, tí flestu settini vóru færri enn tjúgu pílar brúktir. Gunnbjørg vann alt Hjá kvinnunum vóru bert fimm spælarar við hesaferð. Í finaluni hittust Gunnbjørg Dam og Annika Joensen. Tær høvdu báðar vunnið hálvfinaluna 3-1 móti ávíkavist Birthe Sikivat og Terju Ósá. Gunnbjørg vann trygt finaluna 4-1. Gunnbjørg Dam var aftur í finaluni í seinnu kappingini eftir at hava vunnið 3-1 á Terju Ósá í hálvfinaluni. Hin finalisturin var Eyðna Olsen. Hon hevði vunnið hálvfinaluna 3-1 móti Vivian Andersen. Heldur ikki í hesi finaluni lat Gunnbjørg nakran iva verða um, at hon er "the grand old lady" í føroyskum darti. Gunnbjørg vann finaluna 4-2. Kongshavnar Dartfelag skipar fyri næstu kapping, ið verður 25. februar. Úrslit: Menn A-bólkur 1. Bogi Isaksen (KDF) 2. Jens Albert Simonsen (VDF) 3. Esmar Mikkelsen (Pílar & Skot) 3. Petur Thomsen (Tofta Dart) Hægst útgang: Hans Emil Haraldsen 130 Fæst pílar: Bogi Isaksen 16 Menn B-bólkur 1. Jón Johansen (VDF) 2. Jan Erik Fjallstein (VDF) 3. Jógvan Joensen (VDF) 3. Ólavur Ellingsgaard (Pílar & Skot) Kvinnur (kapping 1) 1. Gunnbjørg Dam (VDF) 2. Annika Joensen (Team Sandoy) 3. Terja Ósá (KDF) 3. Birthe Sikivat (HDF) Hægst útgang: Gunnbjørg Dam 77 Fæst pílar: Birthe Sikivat 25 Menn beinleiðis cup 1. Remy G. Hansen (Kongshavn) 2. Jan MacIntosh (HDF) 3. Jens Albert Simonsen (VDF) 3. Jón Johansen (VDF) Hægst útgang: Jens Albert Simonsen 140 Fæst pílar: Esmar Mikkelsen 16 Kvinnur (kapping 2) 1. Gunnbjørg Dam (VDF) 2. Eydna Olsen (Team Sandoy) 3. Terja Ósá (KDF) 3. Vivian Andersen (HDF) Hægst útgang: Vivian Andersen (HDF) 88 Fæst pílar: Vivian Andersen (HDF) 27 8. umfar í FM kappingini Bogi Isaksen vann heldur óvæntað A-bólkin í 8. umfari í FM kappingini í dart, sum var í Miðvági um vikuskiftið. Fleiri styrkismettir spælarar høvdu trupulleikar hesaferð KLAKSVÍKINGUR STÓÐ FYRI TÍ ÓVÆNTAÐA DART