hósdagur 9. februar 2017síða 10

FRÍGGJADAGUR 10. FEBRUAR 2017 SOSIALURIN 18 10 TEMA – Hvørjum tænir tað, at Praveen Satthi skal fara av landinum? Er tað so galið, at vit lata knortlutar skipanir gera av, hvørja lagnu fyritøkur og fólk fáa í Føroyum, spyr Mariann Klein Ivansdóttir, eigari av Yoga&Vælvera. – MÍNAR FØROYAR ERU IKKI SO KALDAR Útlendingar í Føroyum Mariann Klein Ivansdóttir: BARBARA HOLM M ariann Klein Ivans­ dótt­ir er arb­eiðs­gev­ ar­in, sum er komin í klemmu, nú danskir mynd­ug­leikar hava tikið avgerð um, at hon ikki longur sleppur at hava Praveen Satthi í starvi í fyri­ tøk­uni Yoga&Vælvera. Praveen Satthi kann kanska sleppa aftur til Føroya, men fyrst skal hann til India at venda í minst tríggjar mán­að­ir, meðan hann søkir um arb­eiðs­loyvi av nýggjum. Teir 350 kund­ar­nir, sum fyritøkan hevur fing­ið nú hon hevur áleið hálvt ann­að ár á baki, mugu sostatt finna aðrar leiðir. Tað er av álvara fallið Mariann Klein Ivansdóttir fyri brósti, at tað ikki skal vera møguligt at vísa vælvild í hesum máli. – Tað, sum eg ikki skilji er, at eg ikki kann blíva hoyrd. Eg biði ikki myndugleikarnar, um bara at broyta meining og geva honum arb­eiðsloyvi uttan at fyrihalda seg til fakta. Tað, sum eg biðið um er, at mál­ið verður viðgjørt av nýggjum. Hetta so at fíggjarligi veruleikin í fyri­tøkuni seinastu 15 mánaðirnar verð­ur tikin við í viðgerðina og so, at eg kann fáa mín lógartryggjaða hoyr­ings­rætt, sigur Mariann Klein Ivansdóttir. Tí støðan, sambært Mariann Klein Ivansdóttir er, at ein røð av misskiljingum liggur sum grund­ ar­lag fyri, at ein maður, sum sein­ astu trý árini hevur búð í Før­oy­ um, skal sendast til ein annan heims­part – heim aftur til India. – Í einum rættarsamfelag má tað vera so, at man hevur møgu­ leika at rætta skeivleikar. Um ikki ann­að mátti tað verið so, at mynd­ ug­leikarnir vildu hoyrt meg í hes­ um málinum, sigur Mariann Klein Ivans­dóttir. Hon vísir til eina paragraff í donsku útlendingalóggávuni sum sigur, at hevur tað stórar av­leið­ ing­ar fyri útlendingin at venda heim til heimlandið, meðan bíðað verð­ur eftir avgerðini hjá mynd­ug­ leikunum, so skulu tey fáa loyvi til at bíða eftir avgerðini heima. – Í hesum førinum fær tað stórar avleiðingar fyri Praveen Satthi og ikki minst fyritøkuna, sum fer á heysin sama dag hann fer av landinum, sigur Mariann Klein Ivansdóttir. Føroyar eigur ikki at vera so Yoga&Vælvera er ikki einasta fyri­tøkan, sum Mariann Klein Ivans­dóttir stendur á odda fyri. Tí seinastu 11 árini hevur hon átt fyri­tøk­una Royal Intercoiffure – fri­sør­salongin, sum heldur til á Landa­vegnum í Havn. Mariann hevur eisini latið upp fyri­tøkuna Balmain Hair Danmark í Keyp­mannahavn og árliga er Mari­ann eftirspurd at undirvísa í hár­stílum, standa á odda fyri al­tjóða mótaframsýningum, og hetta kring allan knøttin. Her­ fyri var hon aftur í París, har hon saman við sjey øðrum stóð á odda fyri mótasýning fyri heims­ kollekti­ónina hjá Inter­coif­fure, sum er ein felagsskapur fyri heims­ins bestu frisørar, og í mai gong­ur leiðin til Japan í líknandi ør­ind­um. Mariann hevur tí drúgvar royndir við íverksetan, bæði í Før­ oy­um og aðrastaðni við. – Eg má siga, at mín stoltleiki av at vera føroyingur hevur fingið eitt skot fyri bógvin. Eg kann ikki skilja, at summir politikarar og stovnar lata eina fyritøku fara á heysin, og at teir ikki vilja standa upp fyri fólki, tá ið ein borg­ari kemur í neyð. Eg eri ein før­oysk­ur borgari, sum kenni meg full­komi­ liga vanvirda av systeminum, sig­ ur Mariann Klein Ivansdóttir. Spyrt tú hana, so er tað ein álv­ ar­som støða, tá ið regluverkið so­ leið­is trumfar tað menniskjaliga sjón­ar­mið­ið. – Eg biðið jú ikki um so nógv. Tað einasta eg vil hava er, at støð­an verður viðgjørd út frá røttu upplýsingunum og at eg kann blíva hoyrd. Eg havi fingið møgu­leika at kæra, men mítt hoyringssvar er ongantíð tikið við í viðgerðina, sig­ur Mariann Klein Ivansdóttir. Tey horvnu brøvini Tað sentrala í hesum málinum eru tvey brøv frá donskum myndugleikum. Fyrsta brævið er dagfest 8. desember 2015, har Yoga&Vælvera og Praveen Satthi fáa tríggjar vikur at viðmerkja støðuna, nú Útlendingastovan hevur frámælt at longja loyvið orsaka av ónøktandi fíggjarligum viðurskiftum. Hetta brævið finnir tó ikki sín veg til Mariann Klein Ivansdóttir og Praveen Satthi fyrr enn í februar 2016. Hitt seinna brævið er tað, sum inniheldur endaliga dómin. Sambært innlitinum, sum føroysku partarnir í málinum hava fingið stendur, at endaligi dómur frá donsku myndugleikunum er fallin tann 11. februar 2016. Men hetta skrivið er ongantíð komið til Mariann Klein Ivansdóttir ella Praveen Satthi, og hóast sakførarin hevur sent umbøn um at fáa hetta sentrala dokumentið, so er tað kortini framvegis ikki komið, sambært Eyðfinni Jacobsen, sakførara.