hósdagur 9. februar 2017síða 11

FRÍGGJADAGUR 10. FEBRUAR 2017 SOSIALURIN 18 11 Oktober 2015 – Praveen fekk arbeiðsloyvi hjá Yoga&Vælveru Oktober 2016 – Praveen og Yoga&Vælvera senda umbøn um at longja arbeiðs og upphaldsloyvið, eins og treytirnar eru. 8. desember 2015 - Februar 2016 – Yoga&Vælvera fær í februar 2016 eitt hoyringsskriv sendandi, har donsku mynd­ ug­leikarnir biðja um viðmerking. Í hoyringsbrævinum stendur, at Útlendingastovan hevur boðað donskum myndugleikum frá, at Praveen Satthi ikki hevur fingið alla lønina í mánaðunum áðrenn og harvið frámælir føroyski stovnurin, at Praveen Satthi fær arbeiðsloyvi longt. Freistin hjá Yoga&Vælvera at svara er tríggjar vikur. Men brævið er dagfest 8. desember og sostatt er freistin at svara langt síðani farin, tí hvørki Praveen Satthi ella Mariann Klein Ivansdóttir siga seg hava fingið brævið fyrr enn í februar 2016 – tveir mánaðir eftir dagfestingina. Februar 2016 – Mariann Klein Ivansdóttir, eigari á Yoga&Vælvera sigur seg fáa at vita frá avvarðandi føroyskum myndugleikum, at tað skuldi ikki verið nakar trupuleiki at rætta støðuna, um hon útfyllur tað sum eitur FOArk2 og sendir rokniskap við sum vísir, at støðan er komin í rætt lag. Mars 2016 – FOArk 2 og rokniskapurin verður avleveraður á politistøðina sum síðani sendir tað víðari til danskar myndugleikar. Orsøkin til tað tók langa tíð er, at fyri at FOArk2 skal vera fullført, so skal Als søkja eftir einum yogalærara við somu royndum sum Praveen Satthi í 14 dagar, tí soleiðis eru mannagongdirnar. Juni 2016 – Praveen fer á løgreglustøðina og spyr, hvussu hann fatur á rætta visum til at fara at ferðast. Har fær hann at vita, at hann hevur fingið útferðarboð. Juni 2016 – Yoga&Vælvera biður um innlit í málið. Innlitið vísir: • at 11. februar er dómur felur í málinum hjá donsku myndugleikum, og niðurstøðan er, at Praveen Satthi ikki hevur fingið longt sítt loyvi. Tað dokumentið hava hvørki Mariann Klein Ivansdóttir, Praveen Satthi ella sakførararnir í málinum sæð enn, hóast umbøn um at síggja týðandi skjalið er farin til myndugleikarnar fleiri ferðir. • at 18. apríl eru boð komin úr Danmark um, at Praveen skal fara av landinum. Orsøkin er, at FOArk2 er skeiva skjalið. Tað verður mett sum ein nýggj umsókn og sostatt hevur danski málsviðgerðin avvíst hoyringssvarið og ikki tikið upplýsingarnar í tí skjalinum og hjálagt tí skrivinum til umrøðu. Tað var heldur tulkað sum, at einki svar var komið upp á hoyringsskrivið. Samstundis var freistin farin, tí brævið ikki kom avvarðandi pørtum í hendi fyrr enn í mars. August 2016 – Eftir fleiri royndir at fáa samband við danska málsviðgerðan eydnaðist tað sakføraranum hjá Praveen Satthi og Yoga&Vælvera at fáa orðið á hendan persónin. Hesin sendir so útferðarboðini av nýggjum og gevur harvið Yoga&Vælvera og Praveen nýggjan møguleika at kæra niðurstøðuna – men enn er verður hoyringssvarið ikki viðgjørt. Og tey kæra niðurstøðuna. 21.- 31. desember 2016 – Úr Danmark koma boð til Føroya um, at tey viðgerða kæruna. Tað kann taka upp í 7 mánaðir, og meðan skal Praveen Satthi av landinum. Hesu seinastu boðini elva til enn eina kæru um, at Praveen Satthi ikki sleppur at vera í landinum, meðan upprunaliga kæran verður viðgjørd. 27. januar 2017 – Einki svar er komið úr Danmark um seinnu kæruna, men løgreglan bankar á dyrnar hjá Praveen Satthi og boðar frá, at hann hevur eina viku at fara úr landinum. 2. og 3. januar 2017 – Sakførarin hjá Praveen Satthi og Yoga&Vælvera ringir til danska málaráðið og spyr, hvør støðan við seinnu kæruni er. Her verður hann sendur víðari til Útlendingenævnet, men hesi hava einki upp á Praveen Satthi. Síðani ringir hann aftur til málaráðið og tey senda hann víðari til sama danska myndugleika, sum upprunaliga vísti mannin av landinum. Also vita danskir myndugleikar ikki, hvør hevur seinnu kæruna um hendi. 7. februar 2017 – Sakførarin hjá Praveen Satthi og Yoga&Vælvera sendir enn eitt harðmælt skriv til danskar myndugleikar, um at taka málið upp av nýggjum og at lata Praveen Satthi vera í landinum, meðan málið verður viðgjørt. Orsøkin er, at eingin veit hvør kærumyndugleiki er, og at Yoga&Vælvera ongantíð hevur fingið síni sjónarmið hoyrd í upprunaligu viðgerðini. Løna­r­viður­ skiftini í málinum Frá oktober 2015 og 9 mánaðir fram, hevur Praveen Satthi ikki fingið fulla løn í A-inntøku frá Yoga&Vælvera. Orsøkin er, at fyritøkan tók tíð at fáa nøktandi kundagrundarlag. Men tað er ikki óvanligt, sambært løgfrøðingum, sum Sosialurin hevur tosað við, at myndugleikarnir hyggja eftir útviklingini í einari fyritøku, áðrenn tey fella so álvarsaman dóm. Tí, tá ið fyrsta hoyringsskrivið kom úr Danmark – í februar 2016 – var lønargrundarlagið blivið í lagið og útlitini fyri virksemi vóru góð, tí kundatalið øktist munandi um hetta mundið. Tó so er rætt, at Praveen Satthi ikki fekk nøktandi løn fyrstu tíðina. Spurningarnir, sum fólk eru ósamd um, eru hesir : Skal hetta vera so avgerandi, at tað skal kosta Praveen Satthi sín gerandisdag í Føroyum og kosta Yoga&Vælvera lívið. Er tað er rætt, at ein so álvarsamur dómur verður feldur, uttan at Mariann Klein Ivansdóttir fær síni sjónarmið hoyrd. Hví tað er so avgerandi, at Praveen Satthi fer av landinum, meðan kæran verður viðgjørd av donskum myndugleikum. Tí vist er – fer hann av landinum, er grundarlagið undir Yoga&Vælvera burturi – sama hvat danskir myndugleikar um nakrar mánaðir koma til. Tað eydnaðist okkum ikki at fáa viðmerking frá donskum myndugleikum til hetta blað.