mánadagur 13. februar 2017síða 23

23 Mánadagur 6. januar 2014 · Nr. 2 Sosialurin Mánadagur 13. februar 2017 · Nr. 19 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð KLUMMAN Hilmar Jan sigur sína hugsan... Terji Nielsen Venjarin hjá føroyska U21- landsliðnum í hondbólti, ið jú sum kunnugt skrivaði søgu í farnu viku við at spæla seg til HM-endaspælið Al­ geria í summar, Kári Nielsen, hevur boðað nevndini í Hondbóltssambandinum frá, at hann ikki ætlar sær við til HM-endaspælið. Hann gevst nevnliga longu nú sum U21- landsliðsvenjari. Tað váttar forkvinnan í HSF, Gunn Ellefsen, fyri Sosialinum. U21 verður ov nógv – Tað er rætt, at Kári Nielsen hevur boðað okkum frá, at hann ikki ætlar sær við U21- landsliðnum til Algeria. Hann heldur, at tað verður ov nógv við U21-landsliðnum, tá ið hann eisini hevur A-lands­liðið. Júst A-lands­ liðið hevur ein uppgáva í juni, sum er fyri eitt sonevnt U24-landslið, sum kann hava tríggjar eldri leikarar við, og ta uppgávuna vóni eg, at Kári kemur at taka sær av, sigur Gunn Ellefsen. Kári Nielsen hevði avtalu við HSF um A-landsliðið og U21-landsliðið fram til januar í ár, tá ið kvalifikatións­kapp­ ingarnar vóru í Før­oyum, og eftir tær kapp­ingarnar setti nevndin í HSF seg niður saman við Kára Nielsen at tosa um framtíðina. – Vit settu okkum niður saman við Kára, tí vit ynsktu at leingja avtaluna við hann, og tá var tað, at hann boðaði frá, at hann vildi siga U21 frá sær, men hann hevur sagt, at hann kundi hugsað sær at hildið fram við A-lands­lið­ num, sigur Gunn Ellefsen. Hon greiðir frá, at HSF áður hevur havt avtalur við venjarar, sum hava verið baseraðar á uppgávurnar, sum hava ligið fyri framman, og tí hava allar verið tíðar­ avmarkaðar avtalu. – Tað var hendan eisini, men eg haldi sjálv, at hatta blívur nakað rót, sigur for­ kvinnan í HSF. Sonni Larsen helst nýggjur venjari Forkvinnan í Hondbólts­sam­ bandi Føroya sigur, at HSF hevur arbeitt við einum nýggjum venjara til U21- landsliðið. Sosialurin hevur frætt, at venjarin hjá H71, Sonni Larsen, er eitt gott boð uppá nýggja venjaran, og Gunn Ellefsen váttar, at HSF hevur havt samband við Sonna Larsen. – Tað kann væl vera, at tað verður Sonni Larsen. Vit hava spurt hann, um hann kundi verið áhugaður, men tað er einki avgjørt enn, sigur hon. Tá ið U21-landsliðið spældi seg til HM-endaspælið, var Ingi Olsen hjálparvenjari hjá Kára Nielsen, men royndi vestmenningurin verður ikki nýggjur høvuðsvenjari. – Vit hava eina grund­ leggjandi reglu, at foreldur at spælarum ikki skulu vera høvuðsvenjarar, og tí er Ingi Olsen ikki eitt evni til høvuðsvenjarastarvið, tí hann eigur ein son í brutto­ hópinum. Tað eru ikki vant­ andi dygdir. Samfelagið er so lítið, og tað er nóg ringt, at venjarar hoyra til ávís feløg. Eiga teir eisini børn í hópinum, so blívur tað kanska ein ov stórur trupulleiki, sigur Gunn Ellefsen. Men kann tað so ikki gerast ein trupulleiki, um Sonni Larsen verður settur sum venjari, at hann hevur ov tætt tilknýti til mongu leikararnar úr H71. – Sjálvandi kennir Sonni nógvar spælarar væl, tí hann venur teir, men tað eru altíð fyrimunir og vansar. Men eg veit ikki, um tað verður Sonni Larsen, sigur forkvinnan í HSF at enda. Á síðu 9 í ítróttinum er samrøða við Kára Nielsen, har hann greiðir frá, at vantandi karmar eru høv­ uðs­orsøkin til, at hann takk­ ar fyri seg Vit eru nú farin inn í eina ta mest spennandi hondbóltsvikuna á árinum, tí um vikuskiftið verða allar steypafinalurnar spældar, so finalistarnir eru hesa vikuna í holt við síðstu fyrireikingarnar til, hvussu spælast skal í finaluni, so steypið í ár skal fáast í skápið. Tilsamans er talan um 22 lið úr átta feløgum, so steypafinalurnar í ár eru onkursvegna eisini ein avspegling av breiddini í føroyskum hondbólti, ið røkkur víða um land. Hjá teimum vaksnu skuldi tað vísa seg, at Kyndil og Neistin hjá kvinnunum í hálvfinalunum vóru ov sterk til, at nøkur av hinum liðunum av álvara kundu hótta tey, og somuleiðis vístu menninir hjá H71 øgiliga styrki í sínum hálvfinalum. Tí var tað befríandi at uppliva seinnu hálvfinaluna millum StÍF og Neistan, har bæði lið spældu við hjørtunum uttan á blusunum – sum um tað var sjálv finalan. Í farnu kundu vit staðfesta, at á ovastu rók í føroyska fótbóltsheiminum hendir einki nýtt. Í øllum førum verður ikki val um ein einasta av teimum fýra toppsessunum, ið standa fyri vali á aðalfundinum leygardagin, og tað er altso ikki imponerandi! FSF er ogn hjá øllum fótbóltinum í Føroyum, og tí er tað ikki serliga álitisvekjandi, at tað sær út sum eitt lukkað land – og tað klæðir ið hvussu er ikki FSF at líkjast ov nógv sínum hermetiskt afturlatnu og korrumperaðu stórubeiggjum, UEFA og FIFA… Hinvegin sá tað nú heldur ikki ov gott út, tá ein »lonesome cowboy« í tólvta tíma royndi at fáa eitt sindur av stuðli fyri einum ella øðrum, almenningurin heldur ikki fekk stórvegis at vita um. Ikki júst styrkjandi fyri eftirmælið hjá fyrrverandi FSF- forsetanum, ið annars heilt avgjørt var tann rætti til sessin í síni tíð, at hann nú soleiðis hálvavegna royndi at koma grulvandi upp í ringin aftur! Stóra steypavikan Gunn Ellefsen, forkvinna í HSF, váttar, at Kári Nielsen steðgar sum venjari hjá føroyska U21-landsliðnum, sum hann annars hevur leitt til HM-endaspælið í Algeria í summar Myndir: Álvur Haraldsen KÁRI NIELSEN GEVST ÁÐRENN HM-ENDASPÆLIÐ Hondbóltsbumba: Fullkomiliga óvæntað hevur venjarin hjá føroyska U21-landsliðnum í hondbólti, Kári Nielsen, valt at gevast sum landsliðsvenjari, nú størsta ítróttarliga avbjóðingin í føroyskari hondbóltssøgu stendur fyri framman. Vantandi karmar er orsøkin