mánadagur 13. februar 2017síða 22

Mánadagur 13. februar 2017 · Nr. 19 22 Sosialurin Hugskot og viðmerkingar – send sms til 225000 1. Hvat hendi, tá ið tú fekk bóltin í andlitið. Bleivst tú groggy, ella var tað okkurt annað? – Nei, eg bleiv ikki groggy av skotinum, men tað var sjónin sum bleiv ávirkað. Eg sá ein svartan blett við vinstra eyga, og eitt sindur av flimmur, men bletturin hvarv eftir einari løtu, men havi enn flimmur í eyganum. 2. Vóru sigrarnir móti VÍF lættari, enn tú hevði væntað? – Tann fyrri dysturin var ógvuliga tættur og tungur at spæla, og var avgjørt ikki ein lættur dystur. Men seinni dysturin bleiv nógv lættiari, enn eg hevði væntað. Vestmenningar megnaðu ongan­ tíð at leggja nakað trýst á okkum. 3. Hvat væntar tú tær av finaluni móti StÍF? – Tað eru ofta sera tættir dysir okkara millum, so eg vænti ein sera tættan og intensan dyst. 4. Fara tit eftir greipuni í ár? – Ja, vit eru í steypafinaluni nú, og tað sær skilagott út í lands­ kappingini viðvíkjandi at náa einum finaluplássi, og tá man er í einari finalu, er tað tápuligt ikki at royna at vinna hana. 5. Tit eru stórfavorittar at vinna steypafinaluna, men kann StÍF yvirraska? – Ja, tað er ikki av ongum, at teir verða róptir steypaliðið. Tað er í tílíkum dystum, at teir eru best, og tað er einki trýst á teimum, og tað gevur teium ein stóran fyrimun. Vikan ið fór Á lagnufundi í Royn eydnast tað at manna nýggja nevnd, so felagið verður ikki avtikið. Eyðfinn Debes verður valdur til nýggjan formann. MB stillar Høgna í Stórustovu upp til nýggjan FSF-forseta, men tveir dagar seinni verður uppstilling tikin aftur orsaka av innanhýsis trýsti í felagnum. Høgni Madsen ger sáttmála við felagið Fram, sum spælir í næstbestu íslendsku kappingini. Fótbóltssambandið boðar frá, at felagsskapurin hevði 630.000 krónur í yvirskoti í fjør, og at Michael van Praag , forseti í hollendska fótbóltssambandinum, verður gestur til aðalfundin hjá FSF. Hálvfinalurnar í steypakappingini eru avgreiddar, og hjá kvinnunum hava KÍF og TB spælt seg í finaluna, meðan mansfinalan stendur millum Fleyr og SÍ. Ein stórhending á Ægirstevnuni um vikuskiftið var, at 15 ára gamla Vár Erlingsdóttir Eidesgaard úr Havnar Svimjifelag setti nýtt føroyskt met og juniormet í 1500 metra frísvimjing á stuttgeil. Hon svam teir 1500 metrarnar upp á 17:12.63. Gamla metið átti Mona Simonsen 17:23.25 frá donsku meistarastevnuni á stuttgeil í 2008. Vár átti sjálv juniormetið, sum var upp á 17:26.75. Tað styttist í oddinum í liðkapp­ ing­ini í talvi, har Havnin 1 hevur verið greitt oddalið. Liðið hjá Sandavágs Talvfelag við beiggjunum báðum Høgna og Rógva Egilstoft Nielsen á odda otar seg spakuliga inn á Havnina. ...við ítróttinum 5 SKJÓTIR Í gjár vóru seinnu hálvfinalurnar í steypakappingini í hondbólti leiktar. Undirritaði var til báðar hálvfinaludystirnar millum H71 og VÌF. Fyrri dysturin var í Hoyvík mikukvøldið, og seinni dysturin var sum áðurnevnt í Vestmanna í gjár. Júst hesi bæði lið verða av teimum flestu mett sum tey bæði greitt sterkastu liðini í føroysku kappingini, og tí var við spenningi bíðað eftir hesum báðum dyst­un­ um. Fjepparaskararnir hjá hesum báðum liðum teljast eisini millum teir størstu í landinum, og tað setti sanniliga eisini sín dám á dystirnar. Hoyvíkshøllin var stúgvandi full mikukvøldið, og tað sama var høllin í Vestmanna í gjár. Í Hoyvík vóru tað áskoðararnir hjá H71, sum vóru sjónligari og mælskari, meðan tað var tann guli liturin, sum var mest sjónligur í Vestmanna. Men tað var skjótt, at vestmenningarnir á áskoðaraplássunum mistu ”pippið” av hálvhjartaða avrikinum hjá VÍF-leikarunum úti á vøllinum. Undirhaldsvirðið var ikki tað heilt stóra í dystunum báðum. Í fyrra dystinum var frægari, men tá ið munurin blívur so stórur, sum hann var í Vestmanna í gjár, so verður tað ikki talan um nakað serligt undirhald. Hinvegin skal tað sigast, at hyggur man eftir einstøku avrikunum, so eiga nógvir leikarar hjá H71 rós eins og sjálvt kollektivið á H71-liðnum. Í so máta var talan um gott undirhald, og tí blívur samlaða upplivingin eitt sindur blandað. Eitt tað mest jaliga við hálv­ finalunum báðum er tann inn­ satsur, sum áskoðararnir leggja fyri. Tað er einki at taka seg aftur í, at fjepparar hjá nógvum fótbóltsfeløgum her heima kundu lært nógv av áskoðarunum hjá bæði H71 og VÍF. Her er talan um ómetaliga trúfastar áskoðarar, sum møta manssterk til dystirnar, og sum ofta gera nógv burtur úr við at mála seg, fara í litirnar hjá sínum liði, og sum bæði rópa, trumma, syngja og annað. Tað skapar ein heilt serligan stemning í høllini, sum man ógvulgia sjáldan upplivir til ein fótbóltsdyst í Føroyum. Nú stendur sjálv steypafinalan fyri framman, har H71 skal dystast við StÍF, og ivaleyst verður tað ikki minni stemningur í høllini, enn tað var til hálvfinalurnar, og so er spurningurin bara, um tað leikliga undirhaldsvirðið verður hægri. ★★★★★★ Fimm skjótir spurningar til føroysk ítróttarfólk... Navn: Ári Egason Dam Aldur: 29 ár Starv: Roknskaparfólk í Eik Banka Royn tína vitan um ítróttin her og nú! Svarini standa niðast til vinstru, men royn teg nú fyrst 1. StÍF spældi seg í gjár í steypafinaluna hjá monnum. Liðið var seinast í finaluni í 2013, tá ið teir taptu fyri KÍF. Men nær vann StíF steypafinaluna seinast? 2. Teir allarflestu av leikarunum hjá StÍF eru uppvaksnir í felagnum. Men ein leikari er uppvaksin á Hvítanesi og spældi barnaárini við Neistanum. Hvør er leikarin? 3. Hvussu eitur 40 ára gamli málverjin hjá hoyvíkingum, sum stóð ein branddyst í Vestmanna í gjár? 4. Neistin og Kyndil hava spælt seg í finaluna hjá kvinnunum. Hesi lið hava dominerað steypakappingina seinnu árini, men í 2012 vann eitt lið uttan fyri Havnina kappingina. Hvat var liðið? 5. Komandi vikuskifti er aðalfundur í FSF. Hvussu eitur aðalskrivarin í FSF? 6. Høgni í Stórustovu ætlaði at bjóða Christian F. Andreasen av um forsetasessin í FSF, men uppstilling bleiv tikin aftur. Nær var Høgni í Stórustovu forseti í FSF? 7. Høgni í Stórustovu hevur ein beiggja, sum eisini er virkin í fótbóltshøpi. Hvør er hann? 8. Høgni í Stórustovu er gamal fótbóltsspælari. Hvørjum felag spældi hann við bróðurpartin av tíðini? 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! 1. 2007 2. Levi Nybo 3. Jens á Skipagøtu 4. Stjørnan 5. Virgar Hvidbro 6. 2008 – 2010 7. Jákup í Stórustovu, leikaraumboðsmaður 8. HB UMMÆLI Hálvfinalur: H71-VÍF