mánadagur 13. februar 2017síða 47

VIKA 7 • 13. FEBRUAR 2017 23 MIÐLAHÚSIÐ ÓKEYPIS LÝSINGARBLAÐ Og einasta útlátið er altso reint vatn, sum dryppar úr útstoytinum! Tá talan er um hybrid, gagnnýtir bilurin eisini rørsluorkuna, sum íkemur við vanligari koyring. Hvørja ferð tú tekur ferðina av bilinum, ella um tú rullar í undanbrekku, verður orka tikin av bilinum. Undir vanligum umstøðum hvørvur henda orka, men í hybrid-bili verður hon goymd í battarípakkanum, sum so hjálpir vanliga motorinum, tá tørvur er á tí. Koyrieginleikarnir eru teir somu góðu, sum eyðkenna ein Hybrid frá Toyota. Tær nýtist ikki at hugsa um, nær tú skalt brúka hvønn motor, ella hvussu gear-skiftið skal røkjast. Ein knøttur tendrar bilin, og so er bara at traðka á speedaran og koyra. Trygdin í toppi Toyota hevur gjørt royndir við vetnis- tøknini í meira enn 20 ár. Trygdin hev­ ur sjálvandi verið í fokus alla tíðina, og eftir at hava royndarkoyrt bilarnar í milliónir av kilometrum undir bæði vanligum og ekstremum líkindum, tora vit at siga, at trygdin er væl og virði­liga í lagi. Hátrýsttangarnir, har vetnið verð­ ur goymt, eru karbonstyrktir. Brenni­ kyknustakkurin, sum syrgir fyri el- fram­leiðsluni, er vardur serliga væl, og fleiri snildir sensorar ansa eftir vetnis­nýtsluni. Talan er um ein Toyota, og tí eru fleiri framkomnar trygdarskipanir eis­ ini partur av útgerðini. Eitt nú Toyota Safety-Sense, sum stuðlar føraranum undir koyring. ðin er her ? ? Ofta settir spurningar Hvussu fylli eg ein vetnisbil? Tað tekur 3-5 minuttir at fylla teir báðar tangarnar í einum Mirai. Tað krevjast serligar vetnisáfyllingarstøðir, sum vit tó enn ikki hava í Føroyum. Áfyllingin líkist annars henni, sum vit kenna frá vanligum bensinstøðum, men talan er ikki um bensinroyk yvirhøvur. Hvat kostar ein áfylling? Við støði í teimum prísum, sum eru galdandi í londunum kring okkum, kostar tað á leið tað sama at fylla ein vetnisbil, sum tað kostar at fylla ein bensinbil. Er øðrvísi at koyra ein vetnisbil? Nei. Ein Mirai er eins lættur at koyra, sum vanligir bilar. Hann er mest sum ljóðleysur, og hetta gevur ein sera róligan bil. Er ein brennikyknustakkur betri fyri umhvørvið enn vanligir motorar? Ja. Einasta útlátið frá einum vetnisbili er reint vatn, sum dryppar frá útstoytinum. Hvaðani kemur vetni? Vetni finst mest sum allastaðni, og tað er partur av hópatals kemiskum samansetingum. Neyðugt er at loysa vetnið frá síni samanseting, og kann hetta gerast við eitt nú biomassu, náttúrgassi ella við elektrolysu, har vetni verður útvunnið úr vatni. Er tað trygt at nýta vetni? Í einum trýsttanga er vetni trygt, men hinvegin skalt tú vera sera varin við reinum vetni. Teir báðir tangarnir í Mirai tola eitt trýst á 700 bar. Skuldi ein leki íkomið, dampar vetni nógv skjótari enn eitt nú bensin. Passar tað, at vetnisbilar ikki kunnu nýtast, tá tað er kalt? Hetta var galdandi fyri fyrstu royndarbilarnar. Nýggju vetnisbilarnir – t.d. Mirai – starta og koyra sum vant, hóast kuldin er niður í 30 kuldastig.