týsdagur 14. februar 2017síða 6

Mikudagur 15. februar 2017 · Nr. 20 6 Sosialurin Hugskot og viðmerkingar – send sms til 225000 Sosialurin Hugskot og viðmerkingar – send sms til 225000 GREINING SKRÆDL ELLA VINNUR SAMBANDSFLOKKURIN Sambandsflokkurin samráðist enn við samgonguna um nýggja fiskivinnuskipan, men samráðingarnar bera neyvan á mál Árni Gregersen Størsta politiska mál í løtuni er fiskivinnunýskipanin. Málið er so stórt og ógvus­ligt, at tað í stóran mun forðar fyri vanligum polit­isk­ um arbeiði. Tí fegnast politiska skip­ anin um, at tíðin er um at renna undan hjá lands­stýris­ manninum við fiskivinnu­ málum. Hann hevur sagt, at eitt uppskot til eina ný­ skipan verður løgd fyri tingið í senasta lagi næsta fríggjadag. Tá er seiansta freist at lata Løgtinginum uppskot, sum skulu hava viðgerð í hesi tingsetuni. Stóri spurningurin er tí nú, hvat tað er fyri uppskoti landsstýrismaðurin kemur í Løgtingið við. Seinasta fríggjadag var sam­gongu­fundur, har lands­ stýris­maðurin saman við hinum báðum sam­gongu­ leiðarunum kunnaðu ting­ manningina hjá samgonguni um, hvussu tað gongur við nýskipanaruppskotinum og hvussu tað gongur við sam­ ráðingunum við Sam­bands­ flokkin. Eftir samgongufundin høvdu tingfólk fingið munn­ kurv. Bert lands­stýris­ maðurin úttalaði seg um, hvat var hent og hvussu tað gekst við samráðingunum við Sambandsflokkin. Ikki óvæntað so segði Høgni Hoydal, at øll sam­ gongan stendur aftan fyri hann og hansara ætlanir og hann segði, at samráðinganar við Sambandsflokkin ganga væl. Spurningurin er bara um hetta var tað, sum hann valdi at siga, tí hann fekk eisini sagt, at sjálvandi er tað so í samgonguni, at tað eru ikki allir smálutir, sum samgongufólk eru samd um. – Tað vil so vera, segði landsstýrismaðurin. Javnaðarflokkurin er ikki so samansjóðaður um ætlanirnar hjá landsstýris­ manninum, sum Tjóðveldi. Tjóðveldi fór til seinasta løgtingsval við tí endamálið, at nú skal gerast ein nýggj lóg um vinnuligan fiskiskap. Hinvegin so var tann semjan, sum er í Tjóðveldi ikki so avgjørd í Javnaðar­ flokkinum. Um tað er tí, at fiskivinnan ikki hevur havt sama fokus í Javnaðarflokkinum ella tí tey bara ikki eru so samd um, hvussu fiskivinna skal skipast er ilt at siga, men tað vísir seg nú, at ivi er um fleiri av atkvøðunum hjá Javn­ aðarflokkinum. Hella tær líka nógv til uppskotið, sum Sambands­ flokkurin hevur gjørt, sum til tað, sum landsstýrismaðurin hevur ætlanir um? Javnaðarflokkurin hevur sagt alment meira enn eina­ ferð, at flokkurin stendur við tað uppskot, sum sam­ ráðingar­leiðararnir hjá sam­ gonguni koma til. Men hóast tað, so prutl­ ar undir lokinum, tí fleiri teirra eru rættuliga ónøgdir við ávísar fyrisitingar­ligar avgerðir, sum landsstýris­ maðurin hevur tikið. Men eitt er, hvat tingfólk siga, meðan samráðingarnar fara fram – nakað heilt annað er, tá ið uppskotið er komið so langt, at tingfólk skulu velja hvønn knøttin tey skulu trýsta á í tingsalinum – tann grøna ella tann reyða. Tí standa samráðingar­ leið­ararnir trygt, væl vit­andi, at helst fara ting­bólk­arnir at atkvøða, sum floks­for­menn­ inir mæla til. Samráðingar eru við Sambandsflokkin í skriv­ andi stund, men tað er ilt at vita, hvussu langt sam­ráð­ ingarnar reelt eru komnar. Virðirsøking av fiskatil­ feinginum í Føroyum kunnu tey helst semjast um og burð­ardygg fiskiveiða er eitt mál, sum ongin er ímóti. Rættindini verða latin átta ár ísenn og so bendir alt á, at eini 20 prosent verða seld um eina almenna upp­ boðssølu. Greitt er ikki, hvørjum 20 prosentini skulu takast av, men helst er ætlanin at seta eitt mark, og so lata 20 prosent av rættindum omanfyri tey, sum vóru tann eina dagin á uppboðssølu. Ein trupulleiki higartil hevur verið, at samgongan vil hava, at tey 20 prosentini ækka við fimm prosentum hvørt ár, men hesum vil Sambandsflokkurin ikki taka undir við, tí so skal bert eitt ávíst tíðarskeið ganga, so skal alt um uppboðssøluna. Ein meting í dag sigur, at annaðhvørt slitna sam­ ráðingarnar við Sam­bands­ flokkin nú – ella flytur flokkurin Tjóðveldi so mikið langt, at bæði Sam­bands­ flokkurin og Javnaðar­flokk­ urin kunnu taka undir við einum uppskoti til semju. Høgni Hoydal, landsstýrismaður við fiskivinnumálum, situr við lyklinum til nýggja fiskivinnuskipan Sambandsflokkurin fær stóran part av sínum ígjøgnum, um semja verður gjørd, men ivasamt er um Høgni Hoydal fer so langt Øll bíða í spenningi eftir einum úrslitið av samráðingunum