hósdagur 16. februar 2017síða 4

FRÍGGJADAGUR 17. FEBRUAR 2017 SOSIALURIN 21 4 SKATTAMÁLIÐ – Tað styrkir ikki um álitið á Taks, at stovnurin kemur við mótsigandi argumentum um eitt og sama skattamál, sigur Bjørn á Heygum, sakførari – TAKS mótsigur sær sjálvum BARBARA HOLM N ýggjasta niðurstøðan frá Taks staðfestir, at Eik ikki hevur rætt til skatta­frádráttin á 90 milli­ónir krónur. Ein niðurstøða, sum kollveltir tað, sum Taks segði á sumri í 2015. Men Eyðun Mørkøre, stjóri á Taks tvíheldur um, at málið ong­ an­tíð er liðugt viðgjørt av skatta­ mynd­ug­leikunum. Tað er tó lítið sum undirbyggir hend­an pástandin. Eitt er, at málini hava hvør sítt saksnummar í skip­ an­ini hjá Taks. Eitt annað er, at boð­ini frá sumri 2015 vóru ávegis at blíva gjøgnumførd av Eik. Ein ætl­an, sum einans varð steðgað, tí grann­skoðarar og nevndarlimir ikki vildu góðtaka boðini frá Taks. Nú sigur Taks so, at tað var ong­ an­tíð ein endalig niðurstøða tikin í mál­inum fyrr enn nú. – Sjálvandi royna teir í Taks at verja sína støðu og tað, sum teir hava gjørt. Og tað gera teir við at melda út, sum teir hava gjørt og siga tað, at eingin niðurstøða varð fall­in í málinum, staðfestir Bjørn á Heyg­um og heldur fram. – Hvat hendir inni í Taks vita vit av góðum grundum ikki, men al­ment sær tað also út, sum Taks hev­ur givið eina góðkenning av tí frá­drátti, sum Eik hevur ætlað sær. Ein frádráttur, sum ivaleyst bara hevði verið koyrdur ígjøgnum, um eing­in rópti varskó alment, sigur Bjørn á Heygum sakførari. Álitið skatt Bæði Eik og Taks hava fingið eitt álv­ar­samt slag fyri bógvum, hvat ið trúvirði og áliti viðvíkur. – Út eftir sær tað út til, at Taks nú verjir síni mistøk. Og at einasta or­søkin til, at landskassin ikki kort­ini missur 90 milliónir er, at Jørn Astrup Hansen segði frá og so­leið­is stóðst nógv rumbul um mál­ið, sigur Bjørn á Heygum. Eisini tá ið umræður Eik banka eru útmeldingarnar ivasamar. – Tá ið umræður Eik Banka, so er tað so, at leiðsla og nevnd hava tví­hild­ið um, at tey hava rætt til hend­an frádráttin. Men nú hevur bank­in so ikki rætt til eina krónur kort­ini og tað velja teir at góðtaka, sig­ur Bjørn á Heygum og heldur fram. – Tað tykist sum, at teir óbein­ leið­is ásanna, at teir ikki hava havt hald í sínum pástandum, tí ann­ars høvdu teir ivaleyst kært niðurstøðuna, sigur Bjørn á Heyg­ um. Sum vera man er tað ikki gott fyri trúvirðið. – Hetta málið styrkir ikki um álitið á hvørki Eik ella Taks. Og niðurstøðan er beinleiðis óskilj­ andi, tí goodwill virði 0 krónur er tað sama sum eingin frádráttur. At man skal bókføra 0 krónur er púra høpisleyst. Tað er at halda fast í einari illusjón og at spæla at okk­urt er til, sum ikki er har, sigur Bjørn á Heygum. – Nú verður ein kanning gjørd, og tað haldi eg vera gott. Tí vit før­ oy­ing­ar hava brúk fyri at vita, hvat er hent í hasum málinum, sigur Bjørn á Heygum, sakførari. BARBARA@SOS.FO Skattamálið: Hetta málið styrkir ikki um álitið á hvørki Eik ella Taks. Og niðurstøðan er beinleiðis óskiljandi