týsdagur 21. februar 2017síða 23

23 Mikudagur 22. februar 2017 · Nr. 23 Sosialurin Hugskot og viðmerkingar – send sms til 225000 ÍTRÓTTUR er, at hann hevur vunnið sær ov nógvan pening, men hvat so, um hann hevur fingið nakrar krónur ov nógv, spyr Ólavur Larsen, fyrr­ verandi formaður í ÍF. – Hann er vorðin ein býarmynd her. Eg og øll onnur vóna, at hann kemur aftur, men tað sær svart út, sigur hann. Fryntligi framherjin úr Brasil er sera væl dámdur í Fuglafirði, bæði á og uttan fyri vøllin. Eingin hevur eitt ilt orð at bera honum og fólk, ið kendu hann tá hann búði á Sandi, siga somu søgu. – Hann hevur búð í eini kjallar­ íbúð hjá eini familju her í Fuglafirði seinastu fýra árini, og eingin hev­ur nakað ilt at bera honum. Á arbeiðs­ pláss­inum hava tey eisini alt gott at bera honum, sigur fyrrverandi formaðurin. Dyggur smeitur hjá ÍF Tað kemur illa við hjá ÍF, at Clayton Soares eftir øllum at døma ikki sleppur aftur til Føroya. Felagið er í eini umskiftiligari tíð, har fleiri spælarar eru farnir, meðan tað gongur eitt sindur verri at seta fólk við. – Clayton hevur í miðal verið besti spælarin hjá ÍF síðani hann kom til felagið í 2012, og hann er kosin sum ársins spælari í minsta lagi tríggjar ferðir síðani tá, Tað heldur Ólavur Larsen, fyrrverandi formaður í ÍF. Eingin ivi er um, hvussu stóran týdning hann hevur havt fyri ÍF. Sambært Faroe Soccer hevur hann spælt 132 dystir hesi fimm kappingarárini og skorað 64 mál fyri felagið. – Tað sigur heldur ikki so heilt lítið, at felagið er sinnað at skriva nýggjan sáttmála við mannin, hóast hann fyllir 39 ár í ár. Seinastu tíðina hevur hann fingið ein nýggj­ an leiklut á liðnum, har hann meiri er bindilið millum miðjuna og álop­ ið enn reinur áleypari. Hetta er sjálvandi ein fylgja av, at hann ikki orkar líka væl longur, men tað vísir eisini hvør dugur er í honum, at tað hevur eydnast honum so væl, sigur Ólavur Larsen. Kom til Føroya í 2002 Hann kom av fyrstan tíð til Føroya í 2002 og spældi fyri FS Vágar tey bæði fyrstu árini, 35 dystir og 23 mál. Síðani skifti hann til B71, har hann spældi til 2009. Hann spældi 150 dystir og skoraði 108 mál. Síðani gekk leiðin aftur vestur í Vágar í 2011, har hann spældi 29 dystir og skeyt 15 mál. Tilsamans hevur hann tískil spælt 346 dystir og skorað 210 mál í Føroyum. Fyribils tykist tað ævintýrið tó verða úti. Ólavur Larsen greiðir frá, at or­ søkin til, at Clayton Soares ongan­ tíð hevur fingið varandi uppi­halds­ loyvi, at hann higartil hevur havt uppihaldsloyvi sum ítróttarfólk. – Hesir sáttmálarnir eru gald­ andi í níggju mánaðir, so Clayton Soares hevur verið føroyingur í níggju mánaðir og so hevur hann verið í Brasil aftur. Tí hevur hann ongantíð fingið møguleikan at søkja um varandi uppihaldsloyvi, sigur Ólavur Larsen. – Eftir øllum at døma hevur Udlændingestyrelsen ongantíð sett seg í samband við Clayton Soares um umsókn hansara. Tey hyggja einans eftir tølunum á umsókini, og tá tey síggja okkurt ikki er, sum tað skal, so fellur hamarin. Avgerðin verð­ur tikin reint prinsipielt eftir, hvat lógin sigur, og eingi menn­ iskja­lig atlit verða tikin, sigur Ólav­ ur Larsen. sosialurin@sosialurin.fo Blundaði og vónaði at raka bóltin Tað sigur Jóan Símun Edmundsson um framúr vakra málið, sum hann skoraði í 3-0 sigrinum á randers í gjár. Toftamaðurin skemtar sjálvandi, tí málið var tilætlað úr einum enda í hin. OB hevur hevur fingið eina góðan byrjan upp á seinnu hálvu í superliguni Tróndur Arge OB er eitt stórt felag eftir donsk­ um mátistokki, men hevur tað trup­ult í donsku superliguni. Kent Nielsen, venjari hjá OB, hevur verið spáttur at sita ytst á venjarastólinum, tí úrslitini eru so vánalig. Tí var stórt trýst á teir bláu og hvítu undan dyst­ inum móti Randers FC, sum var startskotið til seinnu hálvu av landskappingini. Miðskeiðis í fyrra hálvleiki vísti Jóan Símun Edmundsson, at hann er maðurin, ið Kent Nielsen og OB kunnu rokna við. Toftamaðurin fekk álitið í álopinum og tók av. Klokkan vísti næstan 24 minutt­ir, tá bóltsnillingurin á før­ oyska landsliðnum fekk bóltin í høgru síðu. Hann skræddi seg leysan av verjuspælara, ið nærm­ ast hálsfevndi hann, ið eini roynd at steðga honum. Rak móti mál­ inum og sendi eitt dundurskot uttan fyri brotssteigin inn við nærm­astu stong. Mál, og OB er á bjargingarleið í superliguni. OB vinnur dystin 3-0. Eftir dystin bleiv Jóan Símun Edmundsson valdur á liðið hesa vikuna hjá Tipsblaðnum, meðan BT gevur hon eitt 10-tal av 12 møgu­ligum. Kundi ikki rakt bóltin betri Høvuðspersónurin sjálvur er fegin um avrikið og málið í gjár. Hann blundaði als ikki og vónaði at raka bóltin, tá hann meddaði. Hann sá ein møguleika. – Eg var staddur úti í høgru síðu, gjørdi eitt trekk inn í vøllin áðrenn eg so gjørdi av, at eg kundi akkurát tað sama royna kanónina av. Tíbetur kundi eg neyvan rakt bóltin betur enn eg gjørdi, greiðir toftamaðurin frá. Hann hevur fing­ið nógvar reaktiónir eftir málið. – Tað er altíð stuttligt at fáa eini boð frá familju og vinum tá ið tað gongur væl, og annars bara at síggja at føroyingar fylgja so væl við okkum útisetum, sigur framherjin á landsliðnum. Eftir ein langan uppstart er superligan aftur farin í gongd. – Tað var deiligt endiliga at sleppa at byrja aftur. Steðgurin hevur verið langur, og tá ið vit nú eru so aftarlaga sum vit eru. Tá ert tú eyka uppsettur at sleppa ígongd aftur og vónandi vinna dystir, sigur Jóan Símun Edmundsson. Hann spældi í fyrru hálvu á høgra vongi, men í gjár spældi hann í álopinum. Eitt pláss honum dámar væl. – Eg havi allatíð sæð meg sjálvan sum ein møguleika í álop­ inum, sjálvt um eg haldi at tað hevur rigga væl á kantinum í heyst. Vit hava havt trupulleikar við at skora mál, so tað var kanska natúrligt at venjarin royndii at blanda kortini eitt sindur. Eg kann spæla á fleiri plássum á vøllinum og vænti ikki, at eg bara komi at spæla har frammi tað næsta hálva árið, sigur toftamaðurin, ið heldur at hann er væl fyri í løtuni. – Eg meti meg vera væl fyri. Í mun til í summar, so havi eg nú fingið allan uppstartin við. Eg vóni at tað fer at vera við til at gera at eg fái lyft mítt støðið longur upp, sigur Jóan Sìmun Edmundsson Sonni Ragnar helst illa skaddur Føroyski landsliðmiðverjin í Molde er í løtuni til skanningar, eftir at hann hevur meiðslað sær hælsinuna. Í ringasta føri, so er talan um drúgvan skaða, ið ger at Sonni Ragnar Nattestad ikki spælir komandi landsdystirnar. Hetta kemur illa við, tí hann hev­ur júst skift til Molde, sum spælir í bestu deildini í Noreg. Sonni Ragnar Nattestad hevur verið partur av besta liðnum í upp­ startinum, men nú er ein møgu­ leiki fyri, at hann ikki spælir so nógv í bryjanini av tippuliguni, ið byrjar fyrst í apríl. Sæð við landsliðsbrillum, so er hetta annar álvarsligi skaðin innan stutta tíð. Fyri einari viku síðan sleit Brandur Hendriksson Olsen krossbandið, og skal sita uttanfyri tað mesta av einum ári. trondur@sosialurin Jóan Símun Edmundsson Clayton Soares í tvídysti við Trónd Jensen hjá HB Ein fegin Jóan Símun Edmundsson hevur lagt OB á odda 1-0 Mynd: Polfoto