mánadagur 27. februar 2017síða 62

VIKA 9 • 27. FEBRUAR 2017 38 ÓKEYPIS LÝSINGARBLAÐ TEMA Tunnilsblað Undirsjóvartunlarnir ha Við Vágatunlinum og Norðoyatunlinum eru eini 87 prosent av føroyingum knýttir saman í eitt veganet. Tað hevur verið eitt stórt framstig fyri føroyska samfelagið sum heild – vinnuliga, mentanarliga og ikki minst fólksliga Á hvørjum ári síðani undirsjóvar­ tunlarnir lótu upp, hevur verið skipað fyri tunnilsdøgum, har tað var ókeypis at koyra ígjøgnum. Upprunaliga høvdu hesir dagar størri týdning – partvís tí, at nýfikni og forvitni fekk fólk koma, nú høvið beyðst ókeypis, tí í mun til í dag var kostaði tað munandi meira at koyra ígjøgnum tunlarnar. Norðoyatunnilin varð alment tikin í nýtslu tann 29. apríl 2006. Fyrsta skotið varð latið av leirvíks­ megin seinnapartin tann 18. desember í 2003. Á Borðoynni varð byrjað tann 19. apríl 2004, men eins og við Vága­ tunlinum høvdu røddir verið frammi langt áðrenn tað, sum vildu knýta Norð­oyggjar fast í Eysturoynna. Tankin um fast samband um Leir­ víks­fjørð búnaðist í seinnu helvt av áttatiárunum, og í 1987 gjørdi Lands­ verkfrøðingurin eina heildar­ætlan fyri, hvar undirsjóvartunlar kundu verða gjørdir, og árið eftir vóru seismiskar kanningar gjørdar í Leirvíksfirði. Kreppan í nítiárunum bremsaðu eis­ini hesum ætlanum, men fimtan ár seinni varð sjøtul settur á. Partafelagið Norðoyatunnilin varð stovnað í 2001, og Løgtingið samtykti sonevndu an­ legs­lógina fyri Norðoyatunnilin í mars 2002. Royndirnar við Vágatunlinum komu væl við, og arbeiðið gekst væl, hóast nógv var at tetta. Hinvegin var jarðfrøðiliga tilfarið gott í Klaks­víks­ fláini, sum einans gongur gjøgnum hendan partin av landinum, og grótið kundi brúkast aftur til at leggja til veg í tunlinum og annað. 25. juni 2005 varð tunnilin skotin ígjøgnum, og tað var m.a. hátíðarhildið við samkomu í sjálvum tunlinum. Eis­ ini Norðoyatunnilin varð liðugur fyri tíðina, og tríggjar mánaðir fyrr enn tíðarætlanin segði, sluppu fólk og bilar at koyra ígjøgnum 6 kilometrar langa tunnilin.