týsdagur 28. februar 2017síða 19

19 Mikudagur 1. mars 2017 · Nr. 26 Sosialurin Hugskot og viðmerkingar – send sms til 225000 ÍTRÓTTUR Hilmar Jan Hansen Fyri ellivtu ferð á rað skipa Fót­ bólts­samband Føroya og Lions Club í Føroyum fyri stór­steypa­ dysti í fótbólti, sum er mill­um før­ oyameistararnar og steypa­vinn­ ararnar, sum í ár eru ávikavist Víkingur og KÍ, ið eisini vóru tey bæði fremstu í bæði lands- og steypakappingini í fjør. Liðini møttust í steypafinaluni í fjør, sum endaði við javnleiki 1-1 eftir vanliga leiktíð og umdyst, og tað var ikki fyrr enn eftir níggju brotsspørk, at KÍ stóð sum vinnari. Og í landskappingini var Víkingur eitt stig framman fyri KÍ, tá øll 27 umførini vóru spæld. Nú verður so alt hetta kókað niður í stórsteypadystinum, ið er fyrsti almenni fótbóltsdysturin kapp­ingarárið 2017, har vit kanska eisini fáa eina góða ábend­ing um, hvussu toppurin í mans­fót­bólt­in­ um kann koma at síggja út. Reglurnar eru tær, at somu treytir eru galdandi fyri stór­steypa­ dystin sum fyri vanligar dystir, og hóast gul kort fella burtur eftir dystin, verða reyð kort hangandi til fyrstkomandi dyst. Stuðla Team Rynkeby Eitt er, at stórsteypadysturin hevur áhuga millum teirra, ið fylgja við føroyskum fótbólti, og ikki minst hjá teimum, ið halda við liðunum í hesum dysti, men harumframt er talan um eitt vælgerandi tiltak. Lions Club í Føroyum hevur gjørt av, at ágóðin frá stórsteypa­ dystinum hesaferð skal fara til Team Rynkeby Føroyar, sum er partur av einum norðurlendskum súkkluliði, ið síðani 2002 á hvørjum sumri hevur súkklað stívliga 1.200 kilometrar til París fyri á tann hátt at savna inn pening til børn við krabbameini og familjur teirra. Tilsamans fevnir Team Rynkeby fevnir um 1.700 súkklarar og 450 hjálparfólk á 44 liðum úr Føroyum, Dan­mark, Svøríki, Finnlandi, Noregi og Íslandi, og føroyingar hava síðani 2014 havt sítt egna lið, Team Rynkeby Føroyar. Øll søla av atgongumerkjum og alt tað, sum annars kemur inn í sambandi við stórsteypadystin, fer óskert til endamálið. Spenningur um steypið Hetta er fimta árið á rað, at Vík­ ingur er annað liðið í stór­steypa­ dystinum, og fyri gøtumenninar og leirvíkingarnar hevur tað nógv at siga at vinna, tí so fær felagið Stórsteypið til ognar. Spælt hevur verið um steypið síðani 2007, og tað liðið, sum fram til í fjør megnaði at vinna tað oftast, fekk tað til ognar. Men undan ársins dysti er støðan tann, at bæði Víkingur og EB/Streymur hava vunnið steypið tríggjar ferðir, so klárar Víkingur í ár sín fjórða sigur, er Stórsteypið ogn hjá Víkingi. Verður tað hinvegin KÍ, sum vinnur dystin, ið er fyrsti stór­ steypa­dysturin hjá klaks­víkingum, verða teir sætti partaeigarin í steyp­inum. Sum sagt, hava Víkingur og EB/ Streymur vunnið tríggjar ferðir í part, og síðani hevur HB vunnið tvær ferðir, og B36 og NSÍ hava vunnið hvør sína ferð. Hvussu leikur fer, fæst at vita á Tórsvølli leygarkvøldið klokkan 19, tá Víkingur og KÍ bresta saman – bæði fyri at vinna heiður og æru, men eisini fyri at stuðla einum góðum endamáli. hilmarjan@sosialurin.fo STÓRSTEYPADYSTURIN LEYGARKVØLDIÐ Víkingur og KÍ møtast leygarkvøldið á Tórsvølli í stórsteypadystinum, ið er sjálv byrjanin upp á kappingarárið 2017, samstundis sum pengar verða savnaðir til vælgerandi endamál 2007 B36-HB 1-1 (1-1) 0-1: Rókur av Fløtum Jespersen, 2. 1-1: Fróði Benjaminsen, 15. Brotssparkskapping: 2-1: Jákup Mikkelsen, B36 2-2: Christian Høgni Jacobsen, HB 3-2: Fróði Benjaminsen, B36 3-3: Jákup á Borg, HB 4-3: Alex José dos Santos, B36 4-3: Páll Mohr Joensen, HB (brendi) 5-4: Mikkjal K. Thomassen, B36 5-4: Rasmus Nolsøe, HB 6-4: Allan Mørkøre, B36 2008 NSÍ-EB/Streymur 4-0 (0-0) 1-0: Jónhard Frederiksberg, 56. 2-0: Óli Hansen, 66. 3-0: Øssur M. Dalbúð, 76. 4-0: Sjúrður Jacobsen, 80. 2009 EB/Streymur-HB 1-3 (0-1) 0-1: Hans á Lag, 4. 0-2: Páll Mohr Joensen, 47. 1-2: Brian Olsen, 83. 1-3: Rógvi Poulsen, 85. 2010 HB-Víkingur 2-1 (1-0) 1-0: Fróði Benjaminsen, 10. 1-1: Finnur Justinussen, 54. 2-1: Rógvi Poulsen, 85. 2011 HB-EB/Streymur 0-2 (0-1) 0-1: Arnbjørn T. Hansen, 29. 0-2: Arnbjørn T. Hansen, 49. 2012 B36-EB/Streymur 1-2 (1-0) 1-0: Símun Joensen, 10. 1-1: Hans Pauli Samuelsen, 60. 1-2: Arnbjørn T. Hansen, 93. 2013 EB/Streymur-Víkingur 1-0 (1-0) 1-0: Niels Pauli B. Danielsen, 43. 2014 HB-Víkingur 1-2 (0-1) 0-1: Bárður J. Hansen, 26. 1-1: Fróði Benjaminsen, 52. 1-2: Bárður J. Hansen, 78. 2015 B36-Víkingur 3-3 (2-2) 0-1: Sámal Jákup Joensen, 2. 1-1: Odmar Færø, 5. 2-1: Róaldur Jakobsen, 20. 2-2: Sámal Jákup Joensen, 39. 3-2: Høgni Eysturoy, 58. 3-3: Finnur Justinussen, 62. Brotssparkskapping 0-1: Súni Olsen, Víkingur 1-1: Róaldur Jakobsen, B36 1-2: Hanus Jacobsen, Víkingur 2-2: Benjamin Heinesen, B36 2-3: Sølvi Vatnhamar, Víkingur 2-3: Árni G. Nielsen, B36 2-4: Finnur Justinussen, Víkingur 3-4: Høgni Eysturoy, B36 3-5: Atli Gregersen, Víkingur 2016 B36-Víkingur 0-1 (0-0) 0-1: Sølvi Vatnhamar, 66. Stórsteypadystir