mánadagur 6. mars 2017síða 19

19 Mánadagur 6. januar 2014 · Nr. 2 Sosialurin Mánadagur 6. mars 2017 · Nr. 28 Hugskot og viðmerkingar – send sms til 225000 Seinastu tvey árini hevur Neistin verið einaráðandi í føroyskum kvinnu­hondbólti og vunnið tvær greip­ir á rað. Hesi bæði árini hev­ ur Kyndil verið nærmasti kapp­ ingarneytin, men tó altíð verið við undir­lutan ímóti bláu grannunum í avgerandi dystunum. Í hesum kappingarárinum hev­ ur okkurt tó bent á, at kyndils­ kvinnur eru í ferð við at vinna sær yvirtakið. Tvær ferðir áður í landskappingini hevur Kyndil vunn­ið ímóti Neistanum, og fyri tveim­um vikum eydnaðist tað teimum grønu at vinna fyrsta finalu­sigurin ímóti neistakvinnum síðani FM-finalusigurin í 2014. Kyndil hevði munin í ársins steypa­ finalu, og harvið høvdu neista­ kvinnur okkurt at prógva, tá ið nógv tey sterkastu í føroyskum kvinnu­hondbólti brustu saman fyri fjórðu og seinastu ferð í hesum grundspælinum. Verjan vann dystin Ofta stendur nógv á í hesum granna­dystum, sum mangan verða merktir av hørðum spæli og stríðsvilja heldur enn vøkrum hond­bóltsspæli. Soleiðis var eisini í gjár. Málini vóru fá í tali, og tí snúði tað seg um hava ta bestu verjuna fyri at vinna dystin. Tað eydnaðist neistakvinnum at fáa verjuna at rigga sera væl, og tey bert 14 málini, ið Kyndil skoraði, prógva hetta so dyggiliga. Ein góð verja elvir sum oftast til góðan málverja, og soleiðis var eisini hjá neistakvinnum, tí lands­liðs­mál­ verjin Fríða Petersen spældi ein sera sannførandi dyst í málinum. Í fyrra hálvleiki tóku neistakvinnur fyrsta taki mótvegis sigrinum og fóru til hálvleiks á odda 10-7. Munurin var umleið tann sami ímillum liðini í seinna hálv­leiki, og sostatt vann Neistin at enda 19-14. Kyndil manglar síðstu stigini Við sigrinum hevur Neistin mate­ mat­iskt tryggjað sær annað pláss­ið í FM-finalunum. Lands­kappingin í Hvonndeildini hevur ikki verið tann mest spennandi at fylgja í ár, tí ongin ivi er um, at Kyndil fer av­ stað við hinum finaluplássinum. So­leiðis sum støðan er nú manglar fýra stig í síðstu fimm dystunum fyri, at kyndilskvinnur endaliga tryggja sær finaluplássið, og nógv skal henda ímillum himmal og jørð, um hetta ikki skal eydnast. Bronsan ávegis til Vágs Leygardagin vitjaði VB-kvinnurnar StÍF á Skála. Tað leikaði javnt á fyrsta korterið, har liðini fylgdust á máltalvuni. Men síðsta korterið í fyrra hálvleiki tók útiliðið veruliga dik á seg og avgjørdi mestsum dystin. Liðini fóru til hálvleiks við støðuni 15-9 til VB, og harvið var mót­brekkan hjá strandingum sera tung undan seinna hálvleiki. Í seinna hálvleiki byrjaði VB við at økja um leiðsluna og var eitt skifti á odda 21-14, men síðsta korter­ið eydnaðist heimaliðnum at pynta um úrslitið, so endaligi mun­urin ikki gjørdist so stórur. At enda vann VB ikki meir enn 26-23, men sigurin kom kortini ongantíð í vanda. Frástøðan hjá VB til tey fremstu finaluplássini er ov lang til, at vág­ bingar kunnu gera sær nakrar finaluvónir, men tær hjá VB kunnu fegnast um, at frástøðan til nummar fýra í deildini, VÍF, nú er fýra stig. Hóast vestmenningar hava spælt ein dyst færri enn VB, so eru tað vágbingar, ið eru á bronsu­ kós. NEISTAKVINNUR FINGU UPPREISN Eftir taptu steypafinaluna fyri tveimum vikum síðani reistu neistakvinnur seg ímóti kyndilskvinnum StÍF-VB 23-26 (9-15) StÍF: Poula D. Berg 6, Ninna K. Johansen 4, Erla Petersen 3, Sunfríð B. Johansen 3, Ingibjørg Kass 2, Birna Johannesen 2, Vár D. Poulsen 2 og Guðrun Gærdum 1. VB: Danijela Mistric 11, Helga Eyðunsdóttir Kjærbo 5, Christina Holm 2, Magna Tórðardóttir 2, Gurið Krosslá Augustinussen 2, Rannvá Johannessen 1, Rebekka Godtfred 1, Barbara K. Hjelm 1 og Bára K. Mortensen 1. Neistin-Kyndil 19-14 (10-7) Neistin: Birita Ingolfsdóttir 4, Marjun F. Danberg 3, Ása Dam á Neystabø 3, Eir Berg 3, Jacklin Durhuus 2, Gunnfríð P. Nólsoy 1, Brynja Høj 1, Lilja Mohr 1 og Fríða Petersen 1. Kyndil: Bjarta O. Johansen 5, Anna A. Brimnes 5, Súna Krossteig Hansen 1, Ásleyg Súnadóttir 1, Gudrun Restorff 1 og Bára Krossteig Hansen 1. HONDBÓLTUR