týsdagur 7. mars 2017síða 13

13 Mikudagur 8. mars 2017 · Nr. 29 Sosialurin Hugskot og viðmerkingar – send sms til 225000 24. mai eru 90 ár liðin, síðani fyrsti Sosialurin kom út. Í hesari greinarøð leita vit aftur til gomul bløð og finna fram ymiskt áhugavert tilfar 1979: Politi og ungdómar bresta saman Ófriður er á Vaglinum í Havn í februar mánaði, og løg­regl­ an roynir at spjaða manna­ múgvuna, sum kastar við fløskum. Sagt verður, at or­ søkin til ófriðin er, at eingin dansur er. Niclas Akraberg Poulsen, politiassistentur, heldur, at mannalív stóðu upp á spæl, og álvarsamur fólkaskaði kundi hent. – Mannalív standa uppá spæl, tá tað verður kastað við fløskum, sigur hann við Sosialin. Hann sigur, at tað verður ført fram, at hetta hendir, tí eingin dansur er. Tað er sjálvandi tað, sum kanska ger, at so nógv ungfólk kem­ ur saman. - Eg meini sjalvur, at tað var frægast, um tað unga fólkið var heima ella onkra aðrastaðni sum at standa har uppi og bíða eftir, hvat fer at henda, tí nógv av teimum gjørdu einki og vóru stak friðarlig. Tey tóku ikki lut í tí, sum fór fram, men tey fáa ein lut í tí uttan at vita tað av tí, at tey blivu við at vera har. Og tað er fyri teimum, at hesir ”fýrarnir” gera seg upp, sigur Niclas Akraberg Poulsen, sum heldur, at nakrir ”fýrar” útnytta støðuna til at gera okkurt. Fundast við danir um flogvøll á Glyvursnesi SOSIALURIN 1998 Danskir byggifrøðingar hava verið í Havn og havt fund við býráðið um flogvøll á Glyvursnesi S osialurin skrivar í 1998 um, at danskir byggifrøðingar hava verið í Føroyum og tosað við Tórshavnar býráð um bygging av flogvølli á Glyvursnesi: ”Ætlanin at byggja flogvøll á Glyvursnesi er ikki slept. Tað eru nú eini 10-12 ár síðani, at býráðið í Havn fyrstu ferð legði fram ætlanir um flogvøll á Glyvursnesi og gjørdi eitt stórt arbeiði fyri at fáa ætlanina framda í verki. Men komið varð ongantíð rættu­ liga í gongd, áðrenn búskapurin skramblaði saman og beindi alt tos um flogvøll í mølposan saman við so mongum øðrum ætlanum. Men málið hevur alla tíðina spøkt meira og minni. Og býráðið, sum nú er, heldur, at nú er tíðin búgvin at taka málið framaftur av álvara. Eitt fyribils úrslit av hesum er, at fyri nøkrum døgum síðani vóru danskir byggifrøðingar í Havn og tosaðu við býráðið um flogvøll á Glyvursnesi. Tað er trupult at fáa at vita akkurát, hvat fundurin var um. Leivur Hansen, býráðsformað­ ur, er tættur sum fløskan og sigur, at hann hevur ongar viðmerkingar enn. Og hann vil hvørki vátta ella avsanna, um fundur hevur verið um flogvøllin. Men spurdur nærri, viðgongur hann kortini, at tað hava verið nakrir danir í Havn og tosað við býráðið. Men hann vil ikki siga, hvat tosað varð um. Bjóða seg fram Frá øðrum keldur hava vit fing­ ið vátað, at fundurin var um flog­ vøllin á Glyvursnesi. Og tað skilst frá somu keldum, at talan er um byggifrøðingar, sum hava bjóðað seg fram at gera ein flogvøll á Glyvursnesi. Í øllum førum vilja teir tryggja sær at koma uppí part, verður flogvøllur gjørdur. Nú meiri enn 10 ár síðani, at kanningar og kostnaðarmetingar av flogvøllinum á Glyvursnesi, og tað skilst, at millum annað var fundurin um at dagføra kostn­ aðarmetingarnar og tær kanning­ ar, sum annars vórðu gjørdar tá. Teir skulu eisini greiða frá, um nakrar fortreytir eru broyttar tey 10-12 árini, síðani málið um flogvøllin var uppi seinast. Hóast borgarstjórin í Havn ikki vil siga nakað um fundin, sum hevur verið millum býráðið og donsku byggifrøðingarnar um flogvøll á Glyvursnesi, spurdi vit hann, hvat hann heldur um flogvallarmálið sum heild. Og Leivur Hansen dylir ikki fyri, at hann heldur, at vit eiga at gera nýggjan flogvøll í Føroyum. Og tað skal gerast, áðrenn støða verður tikin til málið um at byggja flogvøllin í Vágum út. Ein ítøkilig ætlan er um at leingja flogvøllin í Vágum 200 m, upp í 1.450 m. – Eg haldi, at vit sakna tað kjakið í Tinginum. Og tað kjakið skuldi verið tikið upp, áðrenn støða verð­ur tikin til at leingja flogvøllin í Vágum, sigur Leivur Hansen. Sandoyingar keypa skip Í november 1982 skrivar Sosi­ al­urin, at eitt nýstovnað parta­ felag á Sandi, Greivatáin, hevur keypt línubátin Miðving frá P/F Vágadali í Miðvági fyri 3,5 mill. kr. Miðvingur er bygdur í Søviknes í 1960 og kallaðist fyrr Gamli Andrass. Teir, sum hava stovnað nýggja partafelagið, eru Klæmint Nicodeumssen, Niels Olsen, Martin Madsen, Bjarki Henriksen, Klæmint Hansen og Mikael Olsen, allir á Sandi. Klæmint Nicodemussen verður skipari. Síðani 1. februar í 1986 hevur Jóhanna Vang úr Kvívík starvast fulla tíð sum skrivstovukvinna á Sosialinum. Áðrenn tað hevði hon arbeitt nakrar tímar um vikuna í hálvt annað ár. Jóhanna hevur ábyrgdina av skrivstovuarbeiðinum, og ringir tú til Sosialin, kann tað verða, at Jóhanna tekur telefonina og beinir teg á rætta stað í húsinum. - Sosialurin er eitt sera gott arbeiðspláss. Eingin dagur er eins. Starvsfólkini eru dugnalig og fitt, og vit hitta nógv fólk – bæði høg og lág, sigur Jóhanna Vang. Starvsfólk: Jóhanna Vang Eftir búskaparkreppuna í fyrru hálvu av 1990’unum verður hugskotið um flogvøll á Glyvursnesi tikið framaftur