mánadagur 13. mars 2017síða 10

Mánadagur 13. mars 2017 · Nr. 31 10 Sosialurin Hugskot og viðmerkingar – send sms til 225000 FMA FYRSTU FMA-VIRÐIS­ LØNIRNAR HJÁ LENU Bara Eivør hevur fingið fleiri før­ oyskar tónlistavirðislønir enn Lena Anderssen. Í fjør átti Eivør kvøldið, men í ár fekk Lena Anderssen flest virðislønir. Á FMA 2017 varð hon kosin ársins songkvinna, út­ gáva hennara, Eagle in the Sky varð kosin ársins útgáva og hon fekk virðisløn fyri ársins húsa. Harumframt fekk maður hennara, Niklas Johannesen, virðislønina sum ársins framleiðari fyri sítt arbeiði á Eagle in the Sky. Tó at hon hevur vunnið fleiri tónlistavirðislønir, so vóru hetta kortini fyrstu FMA-virðislønin til Lenu Anderssen. Í fjør var hon til­ nevnd til ársins sang fyri Eagle in the Sky og sum ársins songkvinna, meðan hon í 2014 var tilnevnd fyri ársins videolag fyri The Fighter. Hon fekk tó fimm Planet Awards virðislønir í sínari tíð. Í 2011 fekk hon virðisløn fyri ársins ein­ staklingur, ársins songkvinna og ársins útgáva. Hinar tilnevndu til ársins songkvinnu vóru: Guðrið Hansdóttir Jenny Augustudóttir Kragesteen Jóhanna Norðberg Niclasen Konni Kass Hon er triðja kvinnan, sum verður kosin ársins songkvinna. Í 2014 og 2015 varð Greta Svabo Bech kosin til ársins songkvinnu, meðan heiðurin í fjør varð givin Eivør Pálsdóttir. Hini tilnevndu til ársins útgávu í ár vóru: Funeral hjá Heiðriki Haphe hjá Konni Kass Hint of Melancholy hjá Danny & The Veetos Ultramarine hjá Fróða Í 2014 fingu Týr og Byrta heiðurin fyri bestu rock og popp-fløgurnar. Í 2015 var tað Call For a Revolution hjá Høgna og í 2016 Slør hjá Eivør Pálsdóttir. Filmsstjóri, listamálari og nú eisini ársins sangari á FMA2017. Heiðrikur á Heygum er kanska fjølgávaður sum fáur. Filmar hansara hava fingið góð ummæli bæði í Føroyum og uttanlands. Í 2014 vann stuttfilmur hansara Skuld bæði Geytan og Áskoðaravirðislønina. Hann var tann, ið var tilnevndur flest ferðir til eina FMA-virðisløn í 2017. Trý av teimum fimm sjón­ bandaløgunum, sum vóru tilnevnd til ársins videolag í ár, vóru fram­ leidd av honum (hann vann kortini ikki). Tað bilar kanska kortini minni, tí hann fekk eina FMA- virðisløn fyri ársins videolag í 2015, tá Rain hjá Eivør varð kosið tað besta. Nú fekk hann so sína fyrstu FMA-virðisløn fyri tónleik sín. Heiðrikur á Heygum er ársins mannligi sangari innan føroyskan popp og rokk.Í fjør gav hann aðru fløgu sína, Funeral, út, og sangirnir haðani hava verið nógv spældir á føroysku útvarpskanalunum. Hinir tilnevndu sangararnir vóru: Danny Baldursson Fróði Hansen Hans Andrias Jacobsen Sakaris Emil Joensen Hinir, sum hava fingið FMA- virðisløn sum ársins sangari eru Jón Aldará og Hallur Joensen í 2014, Benjamin Petersen í 2015 og Marius Ziska í 2016. Filmsstjórin er ársins sangari Ársins tónleikaheiður verður latin onkrum, sum hevur sett sítt ser­merki á føroyskt tónleikalív á onkran hátt. Undanfarin ár er heiðurin latin Simma, Kristian Blak og Anniku Hoydal. Vinnarin í ár er fyrst og fremst tónleikari, men hevur eisini verið orkesturleiðari og tónleikalærari. Vaksnu rútmisku tónleikararnir í dag munnu allir á onkran hátt hava havt okkurt við Brand Øssurson at gera og latið seg ávirka av honum. Ávirkanin, hann hevur havt á føroyskan rútmiskan tón­leik gjøgnum sítt virksemi í Skansa­ stovu, sína frálæru og sítt arbeiði sum kveikjari av millum øðrum Tórshavnar Jazz, Fólka- og Blues­ festivali, kann neyvan undir­metast. Brandur Øssursson fekk ársins tónleikaheiður á FMA. Soleiðis grundgevir dóms­nevnd­ in fyri at geva Branduri Øssursson Ársins Tónleikaheiður á FMA 2017. 14. januar 1950 er ein dagur av alstórum týdningi føroyskari tón­ leikasøgu. Henda kalda vetrardagin fyri 67 árum síðani keypti Brandur Øssursson sína fyrstu saxofon. Og tað var byrjanin til tónlistarligu yrkisleiðina hjá einum av mest virknu føroysku tónleikarunum nakrantíð. Og hann er virkin enn. Sum 83 ára gamal er Brandur Øssurs­son framvegis partur av fleiri tónleikabólkum, hann er orkestur­leiðari og er við í einum jazzkollektivi. Hann hevur alla sína tí spælt við í, leitt og stjórnað fleiri orkestrum og bólkum. Tórshavnar Stórband, Septettin Swing-be-bop, Hans Jensens Kvartett, HK-Reeves og Sleipnir Souljazz eru bara nøkur av orkestrunum og bólkunum, har Brandur hevur havt ein virknan leiklut. Men tað er ikki bara á pallinum, at Brandur hevur ávirkað før­oyskt tónleikalív. Hann fekk Før­oy­ar upp í Norðurlendska Musikara­sam­ bandið sum sjálvstøðuga tjóð. Hann hevur umboðað Føroyar í Nordjazz og verið limur í musikknevnd Norð­ urlandaráðsins. Og so hevur hann verið leiðari í rútmisku deildini á Tórshavnar musikkskúla, skipað fyri Pop-Top- konsertini og – ikki minst – tók hann stigið og var slóðari fyri Tórshavnar Jazz, Fólka- og Bluesfestival, sum í 20 ár var karmur um tilsamans 1000 konsertir. Fyri sítt virksemi, áhaldni og alsk til føroyskan tónleik, fær Brandur Øssursson Ársins tónleikaheiður. Heiðraðu rútmiskan undangongumann