mánadagur 13. mars 2017síða 13

13 Mánadagur 6. januar 2014 · Nr. 2 Sosialurin Mánadagur 13. mars 2017 · Nr. 31 Hugskot og viðmerkingar – send sms til 225000 SÍ VARÐ STÓRI VINNARIN FM-finalurnar fyri tær yngru deildurnar í flogbólti, vóru um vikuskiftið leiktar í Trongisvági. SÍ gjørdist stóri vinnarin, sum ikki vann færri enn seks av átta finalum André Olsen FLOGBÓLTUR Um vikuskiftið hava FM-finalurnar í teimum yngru deildunum í flog­ bóltinum verið spældar í ítróttar- høllini í Trongisvági. Har gjørdist SÍ stóri vinnarin, tí felagið vann ikki færri enn seks av teimum átta finalunum, ið vóru. SÍ gjørdist bæði Føroyameistari hjá dreingjum og gentum 14, hjá kvinnu og mansunglingum hjá monnum, umframt í dreingjum 16 og í gentum 12. Av øðrum vinnarum, vunnu Fleyr og TB eisini hvør sína finalu. Fleyr vann Føroyameistaraheitið hjá dreingjum 12, meðan TB vann Føroyameistaraheitið hjá gentum 16. Við sannførandi avrikinum í vi-kuskiftinum, talar tí fyri einari ljósari framtíð fyri flogbóltsfelagið úr Sørvági. FM VINNARAR Í YNGRU DEILDUNUM: Gentur 12: SÍ Dreingir 12: Fleyr Gentur 14: SÍ Dreingir 14: SÍ Gentur 16: TB Dreingir 16: SÍ Kvinnuunglingar: SÍ Mansunglingar: SÍ SÚKKLING Leygardagin varð kappast í landa­ vegssúkkling. 11 súkklarar stillaðu upp, tá kappast var í 70 kilometra landavegssúkkling. Leiðin gekk úr Havn, gjøgnum Kaldbakstunnilin til Hósvík. Har bleiv vent, og so gekk leiðin móti Havnini aftur gjøg­num Oyggjarvegin. Komnir til Havnar, varð súkklað tvey umfør inni í Havnini – eftir Ringvegnum, Sundsvegnum, Vegnum Langa og so oman eftir Hvítanesvegnum. Start­ur og mál var við plantu­støð­ ina á Hvítanesvegnum. Vinnari av kappingini leygar­ dagin gjørdist Gunnar Dahl-Olsen, ið kom á mál við tíðini 2 tímum, 18 minuttum og 57 sekundum. Næstur honum var Jógvan Højggard, ið endaði á øðrum plássið, meðan Jan Hjaltalin Olsen endaði á triðja plássinum. ÚRSLIT, 70 KM LANDAVEG­ SÚKKLING: 1. Gunnar Dahl-Olsen, 2 tímar 18 minuttir 57 sekund 2. Jógvan Højgaard, 2.18.58 3. Jan Hjaltalin Olsen, 2.20.55 4. Kjartan Egholm, 2.23.05 5. Andrass Joensen, 2.23.06 6. Sverri Mohr Edvinsson, 2.32.10 7. Kári Davidsen, 2.37.41 8. Uni Vitalis, 2.38.49 9. Tóri Thorleifsson, 2.38.50 10. Jóanis Albert Nielsen, 2.45.06 11. Henry Berg, 3.02.11 SVIMJING Føroyski svimjarin, Óli Mortensen, luttók um vikuskiftið í kapping í Skotlandi, har Edinburgh Inter- national Swim Meet 2017 var á skránni. Leygarkvøldið svam hann í 800 metrum frí, har hann ikki gjørdi mætari enn at vinna gull, tá hann svam teinin uppá 8:16.29. Talan var um eina góða tíð hjá Óla Mortensen, sum tó hevur eitt persónligt met sum eitur 8:10.94, frá tá hann vann gull á Danish Open í fjør. Eisini Krista Mørkøre hevur luttikið í kapping um vikuskiftið. Hon luttók á nýggju World Series ste-vnuni í Keypmannahavn, har hon svam seg í tvær finalur. Hon endaði nummar sjey í finaluni í 100 bringu, meðan hon endaði nummar fýra í finaluni í 50 metrum frí. FÓTBÓLTUR Danski áleyparin, Nicolaj Jørgen­ sen, ið farna kappingarár skifti frá donsku meistarunum FC Keyp­mannahavn, til hollendska fe­lagið, Feyenoord, hevur staðið seg serstakliga væl í hollendsku kappingini higartil. So mikið væl hevur tað gingið, at Feyenoord í løtuni liggur á fremsta pláss­ inum í deildini, meðan Nicolaj Jørgen­sen eisini liggur ovast á toppskjúttaralistanum. Sunnu­ dagin spældi hollendska oddaliðið á heimavølli móti AZ Alkmaar, og har gjørdi danski áleyparin ikki mætari enn at skjóta trý av málunum í 5-2 sigrinum. Hann er tí í stórformi fyri danska landsliðið nú undan dystinum hjá dønum ímóti Rumenia um tvær vikur. andre@sosialurin.fo STUTTSØGD TÍÐINDI SÍ var stóri vinnarin í FM-finalunum fyri tær yngru deildirnar. Her síggjast mansunlingarnir hjá SÍ Teir tríggir fremstu í landavegssúkklingini, Jógvan Højgaard, Gunnar Dahl-Olsen og Jan Hjaltalin Olsen Krista Mørkøre svam seg um vikuskiftið í tvær finalur á nýggju World Series stevnuni í Keypmannahavn