mánadagur 13. mars 2017síða 22

Mánadagur 13. mars 2017 · Nr. 31 22 Sosialurin Hugskot og viðmerkingar – send sms til 225000 Hvussu var at vera aftur í HB- búnanum? – Tað hevur altíð verið ein góð kensla, og í gjár var einki undantak. Er tað ein nýggjur Símun Samuelsen, ið tørnar út í ár. Tú tykist vera sera væl fyri? – Ikki nýggjur, men vónandi í einari betri útgávu Tú fekk eitt framúr gott mál í gjár – vart tú tryggur við at avslutta við einum chippi? – Tá bólturin fór av fótinum var eg ikki í iva Tit hava eitt heilt nýtt lið. Er liðið samanspælt? – Ikki 100% samanspælt Hvussu langt røkkur tað hjá tykkum í ár? – Tað er upp til okkum sjálvar Vikan ið fór Jóan Símun Edmundsson og OB vinna 4-0 á AaB, og føroyski landsliðsframherjin skorar tvey av málunum hjá OB. Nógv umstríddi danski framherjin, Nicklas Bendtner, skitir púra óvæntað til norska felagið Rosenborg frá enska Nottingham Forest. Zlatan Ibrahimovic fær leikbann í tríggjar dystir fyri at geva Bournemouth verjuleikara- num, Tyrone Bings, ein alboga. Sami Bings fær leikbann í fimm dystir fyri at traðka á Zlatan Ibrahimovic í sama dysti. Lutakast hevur verið til Emering Nations Cup kappingina fyri U24- landslið í manshond-bólti, sum verður í Bulgaria í juni. Føroyar eru komnar í bólk saman við Kina, Moldova og Armenia. Føroyski telvarin, Helgi Dam Ziska, hevur fingið nýggjan høvuðsstuðul, sum eitur Føroya Tele. Partarnir hava undirskrivað eina stuðulsavtalu, ið er galdandi í eitt ár. Argja Bóltfelagið hevur fingið nýggja nevnd, og nú hevur felagið fingið eina forkvinnu. Nýggja forkvinnan eitur Doris Rasmussen, og hon hevur í nógv ár verið eitt kent andlit í AB-umhvørvinum. Føroyski landsliðsleikarin, Eyðvør Klakstein, bleiv matchvinnari fyri spanska felag sítt Mis-lata, tá tær vunu 3-2 á Elche á útivølli. Eyðvør legði upp til tey bæði fyrstu málini hjá Misla-ta, og í yvirtíðini tryggjaði hon felagnum sigurin, tá ið hon skoraði til 3-2. ...við ítróttinum 5 SKJÓTIR Fimm skjótir spurningar til føroysk ítróttarfólk... Navn: Símun Samuelsen Aldur: 31 ár Starv: Bankamaður Royn tína vitan um ítróttin her og nú! Svarini standa niðast til vinstru, men royn teg nú fyrst 1 Nýggja Suðuroyarliðið spældi sín fyrsta dyst í gjár og vann 2-1 á ÍF. Hvør leikari gjørdist søguligur og skoraði fyrsta málið hjá TB/FC Suðuroy/Royn? 2 Hvør er venjari hjá TB/FC Suðuroy/Royn? 3 Hvør er venjari hjá ÍF? 4 Heimavøllurin hjá TB/FC Suðuroy/Royn er í Trongisvági. Hvussu eitur staðið, har vøllurin er? 5 Hvør er spanski fótbóltsspælarin, sum júst hevur boðað frá, at hann gevst at spæla í summar. Hann hevur áður vunnið bæði EM, HM og Champions League? 6 Dómaranevndin hjá FSF hevur á fyrsta sinni fingið ein kvinnuligan nevndarlim. Hvør er hon? 7 Danski landsliðsvenjarin í hondbólti, sum skuldi gevast í summar, gevst ístaðin beinanvegin. Hvør er maðurin, sum síðsta summar leiddi donsku menninar til OL-gull? 8 Í hvørjum landi hevur ein tingmaður lagt fram sermerkta uppskotið at gera »hooligan-bardagar« til eina ítróttargrein fyri seg? ? 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! 1. Jón Krosslá Poulsen 2. Maurice Ross 3. Jákup Mikkelsen 4. Við Stórá 5. Xabi Alonso 6. Oda Andreasen 7. Guðmundur Guðmundsson 8. Russlandi ÍTRÓTTARMYNDIN Av aldukambinum niður í aldudalin. Mikukvøldið framdu Lionel Messi og Barcelona tað ótrúliga bragd at spæla seg víðari í Champions League, hóast teir høvdu tapt fyrra dystin móti PSG heili 4-0. Men eftir 6-1 sigurin á Camp Nou fekk Barcelona armarnar niður aftur í gjár, tá ið teir ógvuliga óvæntað taptu 1-2 fyri Deportivo La Coruna í La Liga. Mynd: Polfoto