týsdagur 14. mars 2017síða 11

11 Mikudagur 15. mars 2017 · Nr. 32 Sosialurin Hugskot og viðmerkingar – send sms til 225000 24. mai eru 90 ár liðin, síðani fyrsti Sosialurin kom út. Í hesari greinarøð leita vit aftur til gomul bløð og finna fram ymiskt áhugavert tilfar 1950: Fullveldi – kvetting Kjakið um fullveldi var eisini í besta blóma í 1950, tá P. K. í Sosialinum skrivar soleiðis: »Fólkaflokkurin er aftur vorð­in loysingarflokkur. Stjórnarliga hevur Fólka­ flokk­urin verið ein mjørka­ flóki. Eingin hevur fingið fat­ ur í, hvat hann veruliga vil. Tað er serliga Th. Petersen, ið er hin spælandi. Hann hevur róp­að: Fullveldi! Hurrá! svaraðu hansara høv­uð­dukaðu so væl sum hatt­leysu róparar: So nú var tað eina ferð: realunión! Hurrá! svarar úr homrum. Um hann, sum maðurin segði, rópti: kyss meg....! Hurrá! og klams vildi aftur hoyrst úr homrum. Á fundi í Havn rópti harra Th. Peterse, fólkatingsmaður, banka­stjóri og trolara-lyst­ túr­siglandi: »Vit vilja yvirtaka alt, be­ tala alt – eisini lær­ara­løn­ irnar!« Tá ið hann segði hitt seinasta sýndi hann sítt »elski­liga snerkj. Eitt væl­sign­ ilsi til allar føroyskar lærarar. Fullveldi, kvetting er altso valparolan hjá Fólka­flokk­ inum nú. P. K. Havnardreingir smíðaðu í Minibýnum SOSIALURIN 1971 Í 1971 kundu havnardreingir rættilga royna seg sum húsasmiðir, tá KFUM-skrivarin Jóhannes Álvheygg skipaði fyri sonevnda »Minibýnum« á Trapputrøðni. Talan vað um eina trøð yvir av har, sum SMS er í dag. S osialurin skrivaði soleiðis beint fyri ólavsøku í 1971: »– Her dámar okkum væl, siga smádreingirnir, sum hvønn dag, tá tað viðrar so frægt fara nið­ an í minibýin at byggja hús. Tað er aktivitetur uppi í mini­bý­ num. Smádreingir í hópatali eru har hvønn einasta dag tað viðrar, fyri at byggja sær smá hús, og stuttligt er at síggja, hvussu hegnisligr nógvir eru. Tað er KFUM-skrivarin, Johs. Álv­heygg, sum skipar fyri hesum til­taki og sigast kann, at tað eru fá tiltøk sum eru komin so væl við hjá børnum, sum júst hetta. Her sleppa børnini sjálvi at royna seg og læra at nýta amboðini, Sjálvur er Álvheygg altíð staðar at rætta eina hjálpandi hond. Somuleiðis er ikki óvanigt, at annað vaksið fólk kem­ ur niðan fyri at hjálpa til. Trøðin, sum KFUM hevur fing­ ið loyvi frá privatum at nýta, er stykkj­að út í smá grundøki til hvørt húsið, og millum húsini skulu seinni vegir gerast. Timbrið, sum nýtt verður, fæst frá handlum og øðrum, og savnar Álv­heygg hetta sjálvur. Hann segði fyri okkum, at hann ein dagin fekk eina kærkomna gávu úr Danmark. Utt­an at hava sagt eitt orð um tað, fekk hann frá einum seymfirma send­andi ein seymkassa, sum hann bert hevði at siga takk fyri. Sum sagt skulu vegir gerast fram­við húsunum, og í smáum bil­um kunnu børnini koyra og læra seg ferslukskelti, sum verða sett upp. Hetta verður nógv nýtt í útheiminum, men enn ókent hjá okk­um, hóast tað ongastaðni er so neyð­ugt hjá børnum at vera millum bil­ar, sum júst her í Havnini. Eisini er ætlanin at leggja eina skíð­breyt framvið, har húsini standa, so tað verður eisini nakað hjá børnunum at taka sær til uppi í minibýnum, tá kavin fjalir vegir og hús. Álvur Haraldsen er myndamaður á Sos­i­al­ i­num – og tað hevur hann ver­ið í mong ár. Álvur byrjaði fyri gott og væl 20 árum síð­ani sum free-lance mynda­maður, men seinni varð hann settur í fast starv. Álvur er úr Havn. Hann er útbúgvin last­bil­mek­an­ikari á verkstaðnum hjá Honnu Breckmann. Seinni fór hann á verk­stað­ið hjá Bilasøluni Norrøna – og seinni aftur fór hann á verkstaðiðm hjá pápa sínum, Jógvani Haraldsen. Men at taka myndir hevur altíð havt hans­ara áhuga – seinastu um­leið 20 árini hevur tað verið høv­uðs­vinnu­veg­ur­in hjá Álvi Haraldsen. Og at starvast í Miðla­ hús­i­num dámar honum væl. – Hetta er eitt sera gott arbeiðs­pláss, ann­ars hevði eg ikki verið her, sig­ur Álvur við eyðkenda skálka­bros­inum. Starvsfólk: Álvur Haraldsen Sosialurin skrivar soleiðis 3. juni í 1950: »Um 1-tíðina náttina millum 1. og 2. juni kom eldur í Hotel Før­ oy­ar. Og sum eitt skot var eldur víða um. Fólk mátti út sum tað best slapp við sín bera kropp. Tann eldri bygningurin er farin í grund, meðan teir nýggjaru part­ ar­nir eru minni rámtir. Fólk sig­ ur, at tað eru bert 6 kømur í øll­ um hotellinum, sum óskalaði eru. Tað syndarligasta var, at ein genta vaknaði ikki av eld­in­ um og doyði í seingini av royk­ forgiftningi. Hon er farin, tað rættast ikki aftur. Tann mat­eri­ elli skaðin er stórur, men fyri hon­um er bót. Bert er tað eitt stórt tap fyri tey, sum avvarða, sum hava mist teirra persónligu ogn­ir.« Hotel Føroyar brent í grund – genta innibrend