týsdagur 14. mars 2017síða 10

Mikudagur 15. mars 2017 · Nr. 32 10 Sosialurin Hugskot og viðmerkingar – send sms til 225000 Vártíðin hevur eydnast hampiliga væl higartil Bæði fríggjadagurin og leygardagurin í seinastu viku royndust væl hjá snellubátunum, sum royna eftir várfiski, og hesar báðar dagarnar landaðu einir 55 bátar á Eiði Vilmund Jacobsen Tað hevur gingið rímiliga væl hjá teimum, sum veruliga havt lagt seg eftir at fiska við snellu á Norðhavinum í vár, og í síðstu viku gjørdu menn fleiri hampiliga góðar dagar. Teir, sum løgdu mest fyri, vóru úti at kalla hvønn dag í vikuni og aðrir, ið heldur valdu teir góðu dagarnar burtur úr, fingu einar fýra út­róðrardagar við snellu. Í flestu førum er talan um glastrevjabátar, og tá snellu­ tíð­in liggur í vánaligari árstíð til veður, plaga menn at vera nøgdir, um teir fáa einar 10-12 hampi­liga góðar snelludagar á Norðhavinum í allari ver­ tíð­ini. Høgættin er ring norðan fyri, og tað skal ikki nógvur vind­ur til, at hesir lutfalsliga smáu bátar ikki loysa. Góðir snelludagar Jóhan K. Joensen, stjóri hjá Hans Egili Joensen & Synum, sum taka sær av at landa út­ róðr­ar­bátarnar á Eiði, sigur, at bæði fríggjadagurin og leyg­ar­dag­urin í seinastu viku roynd­ust væl hjá snellu­bát­ un­um. – Fríggjadagin landaðu vit ein­ar 30 bátar, og leygardagin land­aðu vit 25. Hann vísir á, at fríggja­ dag­urin byrjaði væl, men sum dagurin leið, bleiv vind­ ur, og flestu bátar vóru aftur at landi um 16-17-tíðina. – Tá leygarmorgunin kom, var eisini ivaveður, og tað vóru teir, sum settust aft­ur, tí teir hildu ikki, at lík­ind­ini vóru nakað serlig. Kort­ini loystu einir 25 bátar, og leygdardagurin gjørdist drúgv­ari í seinna enda enn fríggja­dag­urin, tí veðrið batn­aði, sum seinnaparturin leið. Jóhan K. Joensen sigur, at í flestu bátum, sum royna við snellu, er bara ein maður, og í onkr­um báti eru tveir. – Nógvir bátar lógu um 2000 pund, nakrir lógu um 3000 pund, og besti bátur um viku­skiftið mundi hava eini 4000 pund av snellufiski. Hann vísir á, at hetta er góður snelluútróður, og menn eru nøgdir, tá teir gera slík­ar dagar. – Eg trúgvi, at onkur av teim­um, sum hevur hingið mest í hesar dagarnar, síðan snellu­út­róðurin byrjaði, man hava ligið um eini 1500 til 2000 pund í miðal fyri dagin. Jóhan K. Joensen sigur, at fisk­ur­in, sum snellubátarnir hava fingið higartil í vár­tíð­ ini, hevur verið stórur og góð­ur toskur. – Fiskurin er stórur, og eg haldi, at menn eru samdir um, at hann er ógvuliga feit­ ur. Onkur einstakur upsi er uppi í veiðini hjá bátunum, men hetta er bara eitt minni tal. Vanligt er, sigur Jóhan K. Joen­sen, at várróðurin varar til umleið hálvan apríl, men seinnu tíðina av vertíðini kann fiskurin gerast meira solt­in, tí tá hevur hann gýtt. – Tað eru ikki allir, sum royna so leingi, men tað vil altíð vera onkur, sum trýr upp á ein góðan dag aftrat, legg­ur hann aftrat. Triðingur av Eiði Staðfestast kann, at áhugin fyri snelluútróðri er ikki burt­ur, tó at tað onkuntíð, tá út­róð­ur­in var bestur, kundu vera upp ímóti hundrað bát­ um, sum eitt gott várkvøld land­aðu á Eiði. Soleiðis er tað ikki long­ ur, og ein orsøkin er, at vár­ róð­ur­in seinnu árini hevur roynst svikaligur. – Eg trúgvi, at umleið ein trið­ing­ur av bátunum, sum hava róð út við snellu av Eiði sein­astu tíðina, eru heima­ hoyr­andi á Eiði, meðan rest­ in er úr øðrum bygdum og oyggj­um. Jóhan K. Joensen sigur, at aftur í ár eru einir 4-5 bát­ar komnir úr Suðuroy, og síðan eru bátar úr Havn, Skála­ fjørð­inum og úr bygdunum við Sundalagið. – Allur snellufiskurin, sum vit landa á Eiði, verður koyrd­ur inn á Báta­fisk her norð­uri, har hann verður stødd­ar­skildur og settur til sølu á gólv­upp­boðs­søl­uni hjá Fiska­markn­aði Føroya. Tá fisk­ur­in síðan er seldur, og greitt er, hvør hevur keypt, verð­ur fiskurin heintaður á Eiði, sigur Jóhan K. Joensen hjá Hans Egili Joensen & Syn­um. ÚTRÓÐUR Umleið tveir triðingar av bátunum, sum royna við snellu eftir várfiski og sum liggja á Eiði, koma úr øðrum bygdum, eitt nú ymsastaðni úr Sundalagnum, Havn, Skálafjørðinum og úr Suðuroy Mynd: Vilmund Jacobsen – Tað eru ikki allir, sum royna heilt út í hálvan apríl, men tað vil altíð vera onkur, sum trýr upp á ein góðan dag aftrat, sigur Jóhan K. Joensen, sum letur rímiliga væl at vártíðini higartil í ár Mynd: Vilmund Jacobsen Einir 4-5 bátar eru komnir úr Suðuroy til vártíðina. Hetta er mynd av einum báti úr Suðuroy, sum eitt annað ár hevði trupulleikar við róðrinum Mynd: Vilmund Jacobsen