týsdagur 14. mars 2017síða 38

Mikudagur 15. mars 2017 18 Sosialurin LESTRARBLAÐIÐ Hallur av Rana B ygningurin sær ikki út av so nógvum, tá man fer sús­andi framvið bilinum á lands­ vegnum við Áir, men stóri svarti bygningurin, ið stendur dygst út til landsvegin, er ein viti av vón fyri nógvar føroyingar. Har inni heldur nevniliga Skúl­ in við Áir til, sum í 61 ár hevur loft­ að teimum, ið onkursvegna eru dottin niðurímillum í føroyska sam­felagnum, og hjálpt teimum víð­ari á teirra lívsleið, við at geva teim­um møguleikan fyri einum 9. floks prógvi. – Vit plaga at siga, at skúlin er fyri at geva teimum, ið eru dott­ in ímillum í samfelagnum ella onku­staðni á lívsleiðini hava giv­ið skarv­in yvir, eina nýggja byrj­an. Her bjóða vit teimum eitt heild­ar­ tilboð við fokus á persónliga menn­ ing, umframt tað fakliga, sigur Stig Elttør, skúlaleiðari í skúlanum við Áir. Tveir flokkar Pláss er fyri 30 næmingum í skúl­ anum, harav átta næmingar kunnu búgva á búdeildini, og seks starvs­ fólk eru knýtt at skúlanum. Skúlin skilur seg frá øðrum skúlum í land­ inum við einans at hava tveir flokk­ ar, ið eru til fólk í øllum aldurs­bólk­ um. – Pláss er fyri 30 næmingum á skúlanum, harav 18 pláss eru til 9. flokk. Talan er um ein vanligan 9. flokk, ið tekur fráfaringarroynd fólkaskúlans. Vit eru í tøttum sam­ starvi við Almannaráðið og Menta­ málaráðið, og flokkurin fylgir øllum treytum, krøvum og próvtøkum, ið Mentamálaráðið setir. Skúlin er tó øðrvísi av tí, at tað er fólk úr 18 til 67 ár, ið ganga her, greiðir Stig Elttør frá. Umframt 9. flokk, so hevur skúl­in 12 pláss til ein sokallaðan fyrireikingarflokk, ið er til tey, ið skúlin metir ikki eru heilt klár at fara í 9. flokk. – Tað er vanliga fólk, ið hava tørv á frálæru innan danskt, føroyskt ella støddfrøði, áðrenn tey fara víðari. Tað kann vera tí tey hava verið leingi burtur frá skúlanum, og tað er trupult at byrja aftur, ella tí tey koma frá einum øðrum landi, og ikki eru so stinn í málunum. Skeiðið tekur eitt ár, og er eitt slag av innleiðsluskeiði til 9. flokk, greiðir Stig Elttør frá. Tað at fólk úr øðrum londum ganga í skúlanum er nakað, ið tyk­ ist at vinda upp á seg. – Í ár eru sjey ymiskar tjóð­ ir umboðaðar í fyrireik­ingar­ flokk­inum og 9. flokki. Tað gevur teim­um nógv meira at koma á skúlan, heldur enn bara at ganga á kvøldskúla, tí á skúlanum taka tey fleiri fak. Hetta tykist bara at vinda upp á seg, og fyri okkum er tað ein spennandi og øðrvísi avbjóðing, sigur Stig Elttør. Men hóast fólk sleppa inn á fyri­ reikingarflokkin, so er tað eingin trygd fyri, at tey sleppa víðari í 9. flokk. – Tað eru altíð nøkur, ið vit mæla frá at fara víðari til 9. flokk, tí at tey eru ikki til skúlabonk. So mæla vit heldur til onnur tilboð í skúlaverkinum ella arbeiðslívinum, sigur Stig Elttør. Uppbyggja sjálvsálit Tá skúlin veitir eitt tilboð til fólk, ið kanska ikki altíð hava havt tað so lætt í lívinum, so er tað skjótt, at talan verður um meira enn bara eitt fakligt tilboð. – Ein stórur partur av enda­mál­ inum hjá okkum er eisini at byggja sjálvsálitið upp hjá næmingunum. Fleiri koma her við niðurboygdum høvdum, men vit veita eitt gott og trygt umhvørvi, har øll tey neyðugu amboðini eru fyri at hjálpa teimum víðari, leggur Stig Elttør dent á. Millum annað, so leggur skúlin stóran dent á, at lærararnir hava teir røttu førleikarnir og amboðini at hjálpa næmingunum. – Vit leggja stóran dent á eftir­ útbúgving og skeið til starvs­ fólk­ini, og er ein av okkum lær­ ar­um útbúgvin orðblinda­lær­ari, meðan ein annar er lesi­veg­leiðari. Harumframt leggja vit dent á kontkaktlærara- og fleir­lærara­ skip­an, og geva næmingunum møguleika fyri vegleiðing í skúla­ tíð, av tí at lærararnir eru á skúl­an­ um allan dagin. Soleiðis fáa næm­ ingarnar tí røttu hjálpina, vísir Stig Elttør á, Til ber at lesa meira um skúl­ an og søkja um upptøku á heima­ síðuna hjá Dugna. hallur@sosialurin.fo Ein nýggj byrjan við Áir – Vit plaga at siga, at skúlin er fyri at geva teimum, ið eru dottin ímillum í samfelagnum ella onkustaðni á lívsleiðini hava givið skarvin yvir, eina nýggja byrjan, sigur Stig Elttør, skúlaleiðari í skúlanum við Áir »Fleiri koma her við niðurboygdum høvdum, men vit veita eitt gott og trygt umhvørvi, har øll tey neyðugu amboðini eru fyri at hjálpa teimum víðari« – Fleiri koma her við niðurboygdum høvdum, men vit veita eitt gott og trygt umhvørvi, har øll tey neyðugu amboðini eru fyri at hjálpa teimum víðari, sigur Stig Elttør