mánadagur 20. mars 2017síða 22

Mánadagur 20. mars 2017 · Nr. 34 22 Sosialurin Hugskot og viðmerkingar – send sms til 225000 Hvat hugsaði tú, tá ið Tórður bleiv skaddur? – Eg hugsaði, at nú mátti eg taka meg saman. Nú skuldi eg vera klárur. Hvat segði Jákup á Borg við teg, áðrenn tú fór á vøllin? – Hann segði bara, at eg skuldi taka tað róligt og spæla mítt spæl, og vísa tað, sum eg havi víst til venjing. Fyrst og fremst at taka tað róligt. Er tað stórur munur á at spæla Effodyst í mun til eitt nú 1. Deild? – Stórur munur. Nógv skjótari spæl, og alt gongur bara skjótari fyri seg. Ætlar tú at Tórður skal fáa plássið aftur? – Nú eri eg bara 17 ár, og nú havi eg spælt mín fyrsta dyst. Fari at gera mítt besta til venjing. Hvør er tín fyrimynd sum málverji? – Tað hevur altíð verið Peter Schmeichel. Nú er tað so eisini sonurin, Kasper Schmeichel. Vikan ið fór Lars Olsen úttekur hópin til HM- undankappingardystin móti Andorra komandi leygardag. Nýggjur maður í hópinum er Jóannes Bjartalíð úr KÍ. U21-landsliðsleikarin Teit Jacobsen, sum í vetur skifti úr HB til danska felagið Sønderjyske, verður á fyrsta sinni tikin út til Superliga-hópin hjá Sønderjyske til steypadystin móti Ran-ders. Teit kemur tó ikki á vøllin í dystinum, sum Sønderjyske tapir 1-0. Elsta talvfelagið í landinum, Havnar Telvingarfelag, hevur aðalfund, og nýggja leiðsla tekur við í felagnum. Nýggjur formaður í Havnar Telvingarfelag er Jóannes Vitalis Hansen. Føroyski súkklarin Torkil Veyhe, sum nú súkklar fyri danska felagið Team WeBike – CK Aarhus, verður úttikin til at súkkla í stóru kappingini Tour de Normandie í Fraklandi. ÍSF fer nú at leggja eina almenna umsókn um at sleppa at hýsa Oyggjaleikunum í 2023. Tað sigur forsetin í Ítróttarsambandi Føroya, Elin H. Joensen, og leggur afturat, at Føroyar helst skulu kappast við Orkneyoyggjar um at hýsa leikunum í 2023. Havnar Telvingarfelag megnar akkurát at tryggja sær føroyameistaraheitið, tá ið teir dystast við Sandavágs Talvfelag. Havnin skal brúka eitt stig, og tað gera teir akkurát, tí teir tapa 1-3 fyri sandavágsmonnum. Eyðvør Klakstein leggur upp til bæði málini hjá Mislata CF, sum spælir 2-2 móti Murcia í næstbestu sponsku fótbóltsdeildini. ...við ítróttinum 5 SKJÓTIR Fimm skjótir spurningar til føroysk ítróttarfólk... Navn: Rói Mørk Hentze Aldur: 17 ár Starv: Lærlingur Royn tína vitan um ítróttin her og nú! Svarini standa niðast til vinstru, men royn teg nú fyrst 1 Føroyska U19-kvinnulandsliðið í hondbólti hevur júst verið til EM-undankapping. Hvussu eita venjararnir hjá føroyska liðnum? 2 Hvar var EM-undankapping spæld? 3 Føroyar vunnu fyrsta dystin, sum bleiv spældur fríggjadagin, heili 33-17. Hvat var mótstøðuliðið? 4 Premier League felagið Middlesborough hevur júst sagt venjara sínum úr starvi. Hvussu kallast venjarin? 5 Ein dani er í hópinum hjá Middlesborough. Hvør er hann? 6 Ein leikari hjá KÍ fær leikbann í 3 dystir fyri eina útvísing í fyrsta umfari í Effodeil-dini. Hvør er leikarin? 7 Nýggi U21-landsliðsvenjarin hjá monnum í fótbólti tekur út sín fyrsta hóp. Hvør er venjarin? 8 Venjarin hjá TB/FCS/Royn ilskast um mongu gulu kortini í fyrsta leikumfari í Ef-fodeildini. Hvussu eitur venjarin? ? 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! 1. Harald Bjørgvin og Bárður Johannesen 2. Makedonia 3. Moldova 4. Aitor Karanka 5. Viktor Fischer 6. Jákup B. Andreasen 7. Eli Hentze 8. Maurice Ross ÍTRÓTTARMYNDIN FM fyri ung í borðtennis var í Trongisvági leygardagin, og har gjørdi 11 ára gamli Rói Hjaltason úr Tór í Havn ikki mætari enn at vinna fýra deildir. Hann vann piltar, smádreingir, dreingir og unglingar