mánadagur 20. mars 2017síða 38

VIKA 12 • 20. MARS 2017 14 ÓKEYPIS LÝSINGARBLAÐ TEMA: SJÓVINNA KSS eitt stórt arbeiðspláss við sjóvarmálan í Klaksvík Vilmund Jacobsen K laksvíkar Sleipistøð (KSS, sum navnið verður stytt) er eitt stórt arbeiðspláss, og hetta er eitt arbeiðspláss við nógvum ymiskum uppgávum og førleikum. Virksemið hjá KSS er vaksið nógv seinnu árini. Í 2013 vóru umleið 35 mans til arbeiðis hjá fyritøkuni – og í dag eru teir umleið 60. Sofus Gregersen, sum tekur sær av sølu- og marknaðarleiðslu í Føroyum og uttanlands, sigur, at sjálvandi klárar KSS ikki alt, sum størsta skipasmiðjan í Føroyum klárar, men bedingin í Klaksvík, sum KSS ofta verður rópt, klárar tað mesta. – Vit kunnu taka skip upp á bedingina, sum viga upp í 800 tons, og har mesta longdin er 65 metrar. Hann vísir á, at Green Marine Divers í mai mánaði í 2015 gjørdu umvælingar á bedingina, heilt frá sjóvarmálanum og út. Tá vórðu funda­ ment og skinnarar skift, og hetta var eisini ein liður í einari ætlan hjá KSS at uppstigað bed­ ingina til 1500 tons. – KSS er ein smiðjudepil, har alt vanligt smiðju-og viðlíkahaldsarbeiði verður gjørt, bæði fyri skip og virkir og alt samdøgnið. Vit eru heildarveitari til viðlíkahalds- og um­byggingar­ arbeiði, og saman við undirveitarum – tá tað er neyðugt – taka okkum av øllum viðurskiftum, sum hava við verkætlanin at gera. Altíð til dystin fúsir Sofus Gregersen vísir á, at maskinverkstaðurin, sum liggur nær við bryggjukantin, er útgjørdur við øllum tekniskum hentleikum til at loysa allar tær uppgávur, sum gerandisdagurin hevur við sær. – Vit leggja stóran dent á at veita eina dygdar­góða tænastu 24 tímar um samdøgnið. Er talan er um smiðjuarbeiði, viðlíkahald, veit­ ingar av eykalutum og annað eru vit til dystin fús, og vit koyra kring alt landið. Hevur tú tørv á viðlíkahaldi ella øðrum til skipið, og tú ikki ert í Føroyum, setir tú teg í samband við KSS, og vit gera eitt ferðalið klárt til júst tín tørv - og vit møta tær, hart tú ert staddur, leggur hann aftrat. KSS hevur einar 20 tænastubilar, sum koyra kring Føroyar at gera uppgávur, ið stinga seg upp. – Vit hava havt fólk bæði í Noregi, Skotlandi og Grønlandi, sum hava arbeitt upp á motorar, ljósmotorar og annað, sum tørvur hevur verið á, sigur Sofus Gregersen. Samstarv við Ibercisa KSS hevur nógv góð samstørv, bæði her heima og uttanlands og eitt, sum teir eru rættiliga spentir upp á, er samstarvið við sponku fyri­ tøkuna, Ibercisa í Vigo, sum hevur drúgvar roynd­ir í at framleiða spøl og deksmaskinarí ann­ars til fiskiskipaflotan. – Ibercisa er ein av heimsins fremstu fram­ leiðarum av el-drivnum trolspølum, sum er rættiligt nýbrot innan eitt nú uppsjóvarflotan í Norðurhøvum. Í Hirtshals fiska eitt nú Ruth og Beinir við el-drivnum trolspølum. Sofus Gregersen sigur, at KSS umboðar fram­leiðsluna hjá Ibercisa í Føroyum, Danmark, Ís­landi, Noregi, Svøríki, Stórabretlandi, Írlandi og í Grønlandi. – El-spælskipanir til fiskiflotan eru eitt fram­ brot, og í dag fiska nógv skip kring heimshøvini við slíkari spælskipan. Stóri eftirspurningurin eftir el-spælskipanunum kemur eitt nú av teim­ um eyðsýndu fyrimununum umborð, umframt stóru fíggjarligu fyrimununum. Sofus Gregersen vísi á, at el-spølini krevja minni generatororku, tí framleidda orkan verð­ur munandi betri gagnnýtt. Hetta merkir, at rakst­ urin verður bíligari – og útlátið verður minni. Við tað, at eingi hydraulikrør skulu leggj­ast til spølini, verður eingin oljudálking á dekk­inum, sum kann standast av lekum ella brek­um. Arbeiðsumstøðurnar á dekkinum verða rúm­ ligari, og larmurin frá spølunum er næstan eing­ in, sigur Sofus Gregersen. Avtala við Faroe Origin KSS fer í næstum at umvæla skip hjá Faroe Origin í Saltangará. Partarnir hava gjørt sátt­ mála um, at Klaksvíkar Sleipistøð seinni í ár skal umvæla fýra av skipunum hjá reiðarínum. Talan er bæði um 10 og 15 ára klassing. Tað eru skipini, Heykur, Falkur, Stelkur og Bakur. Hini bæði skipini hjá Faroe Origin, Rókur og Lerkur, vórðu umvæld hjá KSS í 2015. – Uppgávan er at klassa skipini, og eitt nú skulu allir høvuðs- og ljósmotorar yvirhálast, og botnsýn skal gerast. Ymiskt sandblásingar- og málaraarbeiði, mekaniskt arbeiði og el-arbeiði skal eisini gerast umborð. Sofus Gregersen vísir á, at KSS fer at gera eitt skip í senn. – Farið verður í holt við fyrsta skipið beint eftir páskir, og tá tað er liðugt, fara vit í holt við næsta skipið. Síðan stendur tað fyrra av teim­ um báðum, ið tá eru eftir, fyri tørni um hálvan august. Væntandi tekur tað umleið 3-4 vikur at klassa hvørt skipið. Rankin fer á skift at par­ trola fyri tað skipið, ið er á beding, veit sølu- og marknaðarleiðarin hjá KSS at siga. vilmund@sosialurin.fo Klaksvíkar Sleipistøð er heildarveitari til viðlíkahalds- og umbyggingararbeiði og tekur sær av øllum viðurskiftum, sum hava við eina og hvørja verkætlan at gera Nýggi nótabáturin, Ruth HG264, er sum tað fyrsta uppsjóvarskipið um okkara leiðir, sum er útgjørdur við el-drivnum spølum frá Ibercisa, sum KSS (Klaksvíkar Sleipistøð) er sølu- og tænastumboð fyri Her vitjar Sofus Gregersen (vinstru megin) hjá KSS, Klaksvíkar Sleipistøð, umborð á Ruth HG264 Frimodt Rasmussen, stjóri á KSS, Klaksvíkar Sleipistøð og Ingi Hansen, útgerðarmaður hjá Faroe Origin í Saltangará