týsdagur 21. mars 2017síða 18

18 Sosialurin Hugskot og viðmerkingar – send sms til 225000 Tróndur Arge U17 landsliðið vann seg víð­ari við 2-1 sigri á Slovakia í bólka­spæls­ kapping á Kýpros. Tórur Jacobsen og Hanus Sørensen skoraðu málini fyri Føroyar. Slovakia minkaði um munin, men tað endaði við sigri, sum ger at Føroyar blivu nummar tvey í bólkinum og koma víðari til sjálvt EM endaspælið í Kroatia í mai. Byrjaði í Luksemburg Tað byrjaði í undanumfarinum, har Føroyar vóru í bólki við Luksem­ burg, Kekkia og Sveis. Luksemborg átók sær leiklutin sum vertir. Longu í fyrsta dystinum koma ábend­ingar um, at føroyska liðið er ser­ligt. Føroyar vinna við tveimum málum móti ongum. Steffa Abra­ hams­son Løkin og Lukas Grenaa Giessing skora málini. Í øðrum umfari tapa vit greitt fyri Sveis, ið vinnur 3-0. Undan seinasta dystinum er alt møguligt. Føroyska liðið spælir javnleik 2-2 móti vert­ unum úr Luksemborg. Aftur skorar Lukas Grenaa Giessing, meðan hin málskjúttin hesa ferð er Tórur Ja­ cob­sen. Úrslitið í dystinum millum Sveis og Kekkia lagar seg soleiðis, at føroyska liðið blívur nummar tvey í bólkinum við fýra stigum – og er betri innanhýsis enn Kekkia. Føroyska U17 landsliðið skrivar søgu, sum tað fyrsta føroyska fót­ bóltslandsliðið, ið vinnur seg víðari úr undanspælinum. Lítið vistu teir, at hetta bara var inngangurin í søgu­skrivingini. Fara fyri at vinna Føroyar koma í bólk 8 í undan­ kappingini til EM. Hetta er tann sokallaða ”Elite Round”. Nú er prís­ urin ein ferð til Kroatia, har bestu U17 landsliðið í Evropa møtast. Føroyar koma í bólk við Írland, Kýpros og Slovakia. Sum so ikki ræðandi mótstøða, men alíkavæl ein møtimikil upp­ gáva. Rás2 sjósetur nýggja sending við heitinum ”SportBoxin”. Ein av gest­unum í fyrrapartssendingini hendan fríggjadagin er Áki Johan­ sen, venjari hjá U17 landsliðnum. Millum skemtið og prátið um eitt nú dømingin í Champions League dystinum millum Barcelona og PSG, sigur Áki Johansen, at hann ætlar sær til Kýpros fyri at vinna. – Vit fara til Kýpros fyri at vinna. Tað er málið hjá okkum. Um vit so koma nakað vónbrotnir heim, tað er so ein onnur søga, men vit fara fyri at vinna okkum víðari, sigur Áki Johansen. Liðið fer í góðari tíð avstað, men sandstormur á Kýpros ger, at liðið má gista í Eysturríki. Hetta er ikki akkurát tað, sum føroyska liðið ætlaði, men úr U17 leguni verður hetta tosað um sum minst. – Hetta gekk ikki akkurát so­ leiðis, sum vit ætlaðu, men nú eru vit so komnir upp á pláss, og vit eru klárir til fyrsta dystin, sum er ímóti Írlandi, sigur Áki Johansen, landsliðsvenjari, tá liðið er komið til Kýpros dagin fyri fyrsta dystin. Bank í fyrsta dystinum Føroyska liðið er uttan onkrar av berandi kreftunum, tá Føroyar spæla móti Írlandi í fyrsta dysti- num í Elite Round. Kýpros hevur átikið sær leiklutin sum vertur. Longu í hálvleikinum er 2-0 til Írlandi, ið vinnur dystin 4-0. Beint eftir dystin, er tað lítið sum bendir á, at føroyska liðið skal vinna seg víðari. Dysturin skal bara í gloymubókina. – Nógva ferðingini seinastu dag­arnar merktist, men tað skal alíkavæl ikki vera nøkur umbering fyri tapið. Lítið og einki av okk­ ara spæli riggaði, so hesin dystur skal gloymast skjótast gjørligt, segði føroyski liðskiparin, Fróði Pætursson Rasmussen við heima­ síðuna hjá FSF. Málleyst móti vertunum Helst skuldi føroyska liðið hava fult, fyri at vinna seg víðari, tá tær spældu móti Kýpros. Dysturin endaði við málleysum javnleiki. Føroyska liðið hevði onkrar mál­ møguleika, men tað gekk ikki at fáa bóltin beindan í málið. Stefan Radosavljevic kom at standa væl fyri í brotsteiginum hjá kýpriotum, men tíverri fór skotið hjá unga tvøramanninum omanfyri málið. – Kýpros vóru væl fyri tekniskt, og dugdu væl at leggja trýst á okkum. Teir høvdu eisini bóltin nakað meir enn vit, men eg haldi ikki, at teir nakrantíð blivu ordiliga farligir frammanfyri okkara mál. Samanumtikið haldi eg, at vit høvdu teir størri kjansirnar, og tí eri eg bara hampuliga væl nøgdur við tað eina stigið ímóti Kýpros, sigur Andrias Edmundsson, sum stóð seg væl á vinstra bakki. Nú tora vit at trúgva upp á tað – Mínar vónir til dystin ímóti Slo­ vakia eru góðar. Vit hava ein hóp, Føroyska U17 landsliðið við dreingjum í fótbólti hevur vunnið seg víðari til EM endaspælið. Tað er bæði óhoyrt og søguligt, at eitt føroyskt landslið megnar at spæla seg til eitt endaspæl. Her er søgan um fantastisku hendingina ÍTRÓTTUR EIN FANTASTISK SØGA U17 landsliðið til EM endaspælið: Mikudagur 22. mars 2017 · Nr. 35