hósdagur 23. mars 2017síða 32

FRÍGGJADAGUR 24. MARS 2017 SOSIALURIN 36 32 Gudstænastur sunnudagin 26. mars Vesturkirkjan kl. 11.00: Derhard Jógvansson. Altargongd. Talvan gongur fyri Neyðhjálp Fólkakirkjunnar. Sunnudagsskúli er undir gudstæn­astuni. Kirkjubøar kirkja kl. 11.00: Kon­ firmatión: Bergur Debes Joensen. Altargongd. Hoyvík kl. 11, barnaguðstænasta, Henning Bøgesvang Kaldbak kl. 12, Theodor Eli Dam Olsen Kvívíkar kirkja kl. 12:00. Barnaguds­tænasta. Maria Jørðdal Niclasen Kvívíkar kirkja kl. 17:00. Emil Olsen Vestmanna kirkja kl. 11.00. Guðs­ tænasta við Marjun í Kálvalíð. Talvan gongur fyri Neyðhjálp Fólkakirkjunnar Sørvágur kl 11, Inga Poulsen Dam. Hósvíkar kirkja, Bergtórur H. Bjark­hamar, kl. 11. Hvalvíkar kirkja, Bergtórur H. Bjark­hamar, kl. 12. Gjógv: kl. 12 messa Emil Olsen. Talvan gongur í øllum kirkjum í Eiðis prestagjaldi fyri Neyðhjálp fólkakirkjunnar. Sjóvar kirkja kl. 11: Símun Persson Jacobsen – altargongd. Í Sjóvar prestagjaldi gongur talvan fyri Neyðhjálp Fólkakirkjurnar. Gøtu kirkja kl. 11. Barnavinarlig gudstænasta. Sunnudagsskúlabørnini syngja. Ovi Brim prædikar. Morgun­matur er frá kl 10.00. Talvan gongur fyri kirkjuna. Glyvra kirkja kl. 11, gudstænasta og sunnudagsskúli, Meinhard Bjartalíð Fuglafjarðar kirkja kl. 12.00: Marjun Bæk Elduvíkar kirkja kl. 17.00: Henning Bøgesvang Í øllum kirkjum í Fuglafjarðar prestagjaldi gongur talvan fyri Neyðhjálp Fólkakirkjunnar. Christianskirkjan kl.11.00 Hanus á Gørðum altarg. Talvan gongur fyri neyðhjálp fólkakirkjunnar Haraldssund kl.11.00 Marjun Lómaklett altarg. Talvan gongur fyri neyðhjálp fólkakirkjunnar Viðareiðis kirkja, lestur, kl. 12.00. Hvannasunds kirkja, lestur, kl. 12.00. Skúvoyar kirkja kl. 12. Havstein Klein. Útvarpsgudstænasta Tvøroyrar kirkja kl. 11 barnagudstænasta Jónsvein Bech. Hvalba 12.30: Familjugudstænasta. Innsavning til Neyðhjálp Fólkakirkjunnar. Jens Mortan Mortensen. Frá Kirkju- og missiónshúsinum á Argjum Sunnudagin 26. mars kl. 11.00: Gudstænasta og sunnudagsskúli. Sunnudagin 26. mars kl. 18.00: Familjumøti við Annelisu Berthelsen, Strendur. www.koma.fo Ebenezer Fríggjamorgunin 24. mars kl. 10 til 12: Café. Sunnumorgunin 26. mars kl. 11: Minnismáltíð Harrans. Sunnudagin 26. mars kl. 12: Sunnudagsskúli. Sunnukvøldið 26. Mars kl. 18: Í dag, fríggjadagin 24. mars, eru júst 60 ár liðin, síðani Nes Sóknar Ítróttarfelag var sett á stovn, og í tí sambandi verður eisini eitt sindur gjørt burturúr á degnum. Ætlanin er tó eisini at markera runda árið hjá felagnum við ársveitslu fyrst í november mánaði. Seinnapartin í dag klokkan 17 skipar NSÍ fyri almennari móttøku í Gott í Saltangará, sum hevur inngongd niðan fyri Effostøðina. Har verða nakrar myndir vístar fram, onkur røða verður hildin og kanska onkur heilsan borin fram, umframt at annað eisini er á skránni. Felagið, sum tey flestu kennast við sum NSÍ, hevur fevnt um fleiri ítróttargreinar, men er í dag eitt fótbóltsfelag burturav. Frá byrjan var talan um hond­ bólt, og at byrja við kallaðist felagið eisini Hondbóltsfelagið Tjaldur. Í fyrstu nevndini vóru Ib Hauritz, Jastrid á Roykheyggi, Jóhanna Jacobsen (seinni gift Olsen) og Nikl­as Foldbo, sum var fyrsti for­ mað­urin í felagnum. Stigtakarin til felagið var Ib Hauritz av Tvøroyri, ið hevði roynd­ir frá felagslívi og dugdi at síggja, at tað hevði týdning at skipa fyri ítróttarligum virksemi fyri tey ungu. Umframt at seta NSÍ á stovn, skundaði hann eis­ini undir skip­ aðan fimleik á stað­num, so hann var ein rættur undan­gongu­maður. Nes Sóknar Ítróttarfelag er ein leivd frá tíðini, tá alt økið á eystara armi á Skálafjørðinum var ein kommuna, og hóast kommunan í 1967 fór í tvíningar, so tað tá vóru Nes kommuna og Runavíkar kommuna, hevur navnið verið varð­veitt. Nú bara fótbóltur Hondbólturin var høvuðsítrótturin fyrstu árini, men fyrst í 60-unum kom eisini kappróðurin á breddan, og eru ikki so fáir sigrar vunnir har millum ár og dag. Sum sagt, er fótbólturin í dag tann ítróttur, ið verður settur í samband við NSÍ, men tað var ikki fyrr enn í 1972, at vøllurin við Løkin kom, so farast kundi undir at spæla skipaðan fótbólt. Eisini hevur virksemið hjá NSÍ fevnt um aðrar ítróttargreinar, eitt nú badminton, men síðst í 90-unum varð felagið umskipað, so hondbólturin og kappróðurin skipaðu síni egnu feløg, ávikavist Hondbóltsfelagið Tjaldur í 1998 og Kappróðrarfelagið NSÍ í 1999, og eftir tað hevur NSÍ verið fót­bólts­ felag burturav. Altíð hevur felagið verið kent fyri at gera nógv burtur úr barna- og ungdómsarbeiði sínum, og so­ leiðis er tað enn. Kortini er tað gjarna eftir avrikunum hjá teimum vaksnu, at slík feløg verða vigað, og har hevur NSÍ so vunnið steypa­ kappingina í 1986 og 2002, og vann føroyameistaraheitið í 2007, tá felagið eisini fylti 50 ár. Tilsamans hevur NSÍ verið í sjey steypafinalum, og síðani 2003 hevur NSÍ ellivu av árunum spælt við í europeisku kappingunum. Fyrr blivu runavíkingar ofta argaðir við, at teir høvdu eitt so­ kallað yo-yo-lið, ið lá og flutti mill­ um bestu og næstbestu deildina í heilum, men síðani 1997 hevur NSÍ verið í bestu deildini og gjarna í fremra endanum. Hósdagin 23. mars verður okkara maður í Stjørdal í Noregi, týðarin og føroyavinurin Lars Moa, 70 ár. Hjá øllum londum er tað umráð­ andi at eiga góðar umboðsmenn uttan fyri landoddarnar. Fólk og feløg sum kunnu vísa á, at eitt land er til, og at í tí landinum búleikast eitt fólk við stríðsfýsni og dirvi. Eitt fólk, sum ikki er bangið fyri at arbeiða og skapa ella at fáa nakað á skaftið. Slíkir umboðsmenn eru gull verdir fyri okkara lítla samfelag, teir hjálpa okkum at gera tað, sum vit sjáldan sjálv megna: at gera vart við Føroyar uttan fyri okkara egna lítla dunnuhyl! Lars Moa, slóðbrótarin úr Stjør­ dal, er, stutt sagt, ein av hesum lønar­leysu sendiharrunum, sum fáa vána løn fyri týdningarmikið arbeiði. Lítil og tættur hevur hann nú í nógv ár titað kvikliga runt í havn­ar­gøtum og funnið sær før­ oyskar tekstir at týða til norskt, til nýnorskt. Hann er heilt ótrúligur. Hann er treiskur, sum eg veit ikki hvat, og hann er trúgvur sum trøllið. Í meira enn tríati ár hevur hann fylgt við í nýggjum før­oyskum bókmentum, og sigast kann, at hann hevur týtt nógv meiri enn norsku útgevararnir hava verið førir fyri at givið út. Eg havi kent Lars, síðan langt áðrenn eg hitti hann fyrstu ferð. Nakað av tí fyrsta hann týddi úr føroyskum, vóru tríggjar yrkingar, eg hevði latið prentað í tíðarritið Brá einaferð í seinastu øld. Eg visti ikki av tí fyrr enn ein vinkona, sum var haldari av norska blaðnum’Dag og tid’, segði mær frá, at nú var eg týddur til norskt. Fleiri ár seinni hitti eg Lars Moa, – okkara mann í Stjørdal – og tað var vorðið sum fagnaðarfundur undir frostbitnu trøunum norðuri í Stjørdal við Trondheim. Síðan hava vit hitst ofta annaðhvørt fysiskt ella umvegis jólakort, teldupost ella vanlig brøv. Tað er langt ímillum týðarar av føroyskum bókmentum, vit eiga at hjúkla nógv meiri um teir, meðan vit enn hava teir okkara millum, men til hetta eru vit ikki nóg dugna­lig. Í svianum Inga Knutsson áttu vit t.d. ein sera góðan týðara millum føroyskt og svenskt, Inge týddi nógv úr føroyskum bæði bundið og óbundið mál, hann doyði fyri tveimum árum síðan bara 68 ára gamal. Lars Moa hevur seinastu árini gjørt eitt megnararbeiði í sambandi við at týða nútíðarføroyskar bók­ mentir til nýnorskt. Hann er tann týðarin av føroyskum bókmentum, sum í løtuni er nógv tann virknasti, og sum í løtuni ger nógv mest til tess at spjaða kunnleikan um nýggj­ar føroyskar bókmentir utt­an fyri landoddarnar. Higartil hevur hann týtt einar 20 bøkur úr føroyskum til norskt, og umframt hetta hevur hann týtt ein hóp av stuttsøgum og yrkingum eftir nógvar føroyskar rithøvundar. Einaferð eg hitti Lars, segði hann mær, at hann var farin í holt við at týða ’Fiskimenn’(1946) eftir Martin Joensen, eina skaldsøgu, sum er ein av høvuðsperlunum í føroyskum bókmentum. Men hann hevur eisini týtt og fingið útgivið bøkur eftir eitt nú Jóanes Nielsen, Carl Jóhan Jensen, Oddvør Johansen og Rakel Helmsdal. Hjartaliga til lukku við degnum Lars Moa. Okkara maður í Stjørdal hevur allan heiður uppibornan! Martin Næs NØVN & TILTØK Okkara maður í Stjørdal – Lars Moa 70 ár NSÍ fyllir 60 í dag Tað, sum byrjaði við einum hondbóltsfelag á eystara armi á Skálafjørðinum og síðani eisini fevndi um kappróður, er í dag eitt fótbóltsfelag burturav Størsta hending í søguni hjá NSÍ var uttan iva føroyameistaraheitið í 2007 Konfirmatión í Kirkjubøar kirkju sunnudag 26. mars kl. 11.00 við Bergi Debes Joensen Ragna Lützen, Undir Borgarhálsi 43, 176 Velba­ staður. Dagurin verður hildin frá kl. 17.00.