hósdagur 23. mars 2017síða 36

FRÍGGJADAGUR 24. MARS 2017 SOSIALURIN 36 36 ÍTRÓTTUR Bara tríggjr ferðir áður hevur eitt føroyskt landsliðið verið trýst til sigurs á útivølli. Leygardagin skal føroyskur fótbóltur standa kanska størstu royndina sum favorittur nakrantíð. Hóast skaðar og leikbann, so eru vit stórfavorittar í Andorra TRÓNDUR ARGE V it royndu tað í 1995 móti San Marino og vunnu 3-1. Vit royndu tað í 1997 á Malta, og vunnu 2-1. Vit royndu tað aftur í 2001 í Luksem­ burg, og vunnu 2-0. Nú standa vit aftur sum favo­rittar í einum útidysti í eini undan­kapping. Dysturin leygardagin er í nógv­ara mátar ein verjan av sveinastykkinum móti Grikkalandi og Lettlandi. Nú eru vit favorittar, bæði á FIFA-styrkilistanum og hjá veddingarfyritøkunum. Í fullari manning høvdu tey flestu eisini kravt ein sigur, men við fýra start­ arum frá sigrinum á Lettlandi utt­an fyri, so skal Lars Olsen og breiddin á føroyska landsliðnum standa sína roynd á graslíkinum við umstríddu gummikúlunum. Svartar gummikúlur, sum næstan hava felt onkran av teimum stóru. Framgongdin skal staðfestast Tað eru skjótt 30 ár síðan, at før­ oyskur fótbóltur byrjaði at fáa ein altjóða dám. Vit fingu limaskap í FIFA, heimsfótbóltssamgonguni, og stutt seinni eisini í UEFA, sum er fótbóltssamgongan í Evropa. Síðani fóru vit at taka lut í altjóða kapp­ing við A-landsliðnum, og síð­ ani fingu eisini føroysku feløgini høvi at royna seg. Síðani hava vit sæð ein risa fram­gongd, sum hevur staðið á sein­astu 25 árini. Til tíðir við góðum úr­slitum, og aðrar tíðir hevur sæð illað út. Í dag er framleiðslulinjan fullførd. Vit hava Ungdómslandslið frá 15 til 21, meðan umstøður og evn­ini at leiða bæði spælarar og fe­løg er vaksin nógv. Mánadagin fingu vit stað­fest­ ingina av, at eitt føroyskt U-lands­ lið kann vinna seg víðari til eitt EM endaspæl, tá U17 aftur skriv­ aði søgu. Fyrst við at vinna seg úr undanumfarinum, og nú við at vinna Elite Round og koma til sjálvt EM endaspælið. Leygardagin kunnu vit stað­ festa, at vit ikki hoyra heima mill­ um tvey veikastu – og hava evnini at vinna á teimum. Søgan sigur – partvís – at vit klára tað Í 1995 vóru vit í San Marino. Før­ oyskur landsliðsfótbóltur var um at fáa fótin fyri seg, eftir at Landskrona rúsurin hevði lagt seg. Við 3-0 sigri á Svangaskarði, so varð væntað at føroyska liðið skuldi gera um seg í útidystinum eisini. Stutt frammanundan er føroyska landsliðið eisini á odda móti Russlandi, áðrenn vit tapa 5-2. Stóra stjørnan á liðnum er Todi Jónsson. Hann avrikar eisini væl í miðitalia og skorar hattrik. Føroyar vinna uppiborið 3-1. Todi Jónsson er aftur hetjan, tá vit vinna 2-1 á Malta í 1997. Á Ta' Qali leikvøllinum vinnur hann okk­ um fyrst eitt brotsspark, og síðani skorar hann avgerandi málið heilt móti endanum av dystinum. Vit droymdu um sigurin, men helst vóru vit ikki stórfavorittar til tann dystin. Í mars mánaði 2001 í Luksemburg er Todi Jónsson aftur miðpunktið fyri føroyska landsliðið, men hesa ferð tí hann enn eina ferð blívur skaddur á føroyska landsliðnum. Hann takkar fyri seg á føroyska landsliðnum eftir hetta. Innskifti Christian Høgni Jacobsen og Kurt Mørkøre skora málini. Sostatt hava vit vunnið, tá vit hava verið favorittar í flestu før­ unum. Undantakið er í 1992, tá vit á heimavølli tapa 2-0 fyri Kýpros, og síðani 3-1 á útivølli. Seinasta dømi er venjingardyst­ urin móti Liktenstein fyri einum ári síðani. Tá vunnu Føroyar 3-2 í venjingardysti í Marbella í Spania. Tann dagin vóru tað vit, sum revs­ aðu hinar. Søgan sigur eisini – at hetta verður torført Føroyska landsliðssøgan sigur eisini, at vit hava tað torført at spæla móti Andorra í Andorra. Vit skulu heilt aftur til 1999 fyri at finna einasta landsdystin móti Andorra. Tá spældu Føroyar og Andorra málleysan javnleik í venj­ ingardysti í Spania. Eisini U21 landsliðið hevði tor­ ført við at knúgva Andorra í bólka­ spælinum til EM 2011. Hóast Jóan Símun Edmundsson legði Før­ oyar á odda 1-0, so endaði tað við javnleiki í Andorra. Í 2013 var EB/Streymur eisini í Andorra í Champions League ør­ indum. Tá endaði tað 2-2 í Andorra, meðan sundalagsmenn vunnu returdystin 5-2. Tí hava vit eisini orsøk at vísa fót­bóltinum í Andorra virðing, ser­ liga tá vit eru gestir i Andorra. Lars leitar enn Tað verður helst ikki fyrr enn seinnapartin í dag, at Lars Olsen setur seinastu brikkarnar í lið­ uppstillingini. Tað eru í løtuni trý ivamál um hvør skal byrja. Mikudagin segði føroyski lands­ liðsvenjarin, at hann umhugsaði at spæla við tveimum framherjum, sum ein kollvelting í mun til tað NÚ SKAL LARS STANDA SÍNA ROYND Favorittar í Andorra: