hósdagur 7. oktober 2004síða 2

2 Nr. 191 - 7. oktober 2004 Nr. 191 - 7. oktober 2004 3 Ov lítil játtan til eygleiðaraskipanina Eingin svartkjaftur í føroyskum sjógvi Elmar Højgaard, leið- ari á Fiskiveiðieftirlit- inum, sigur, at nú eygleiðaraskipanin í NAFO-økinum er vorðin skipað, er neyðugt við størri játtan á fíggjarlógini til hesa uppgávu. – Hava rækjuskipini ikki eygleiðara um- borð, sleppa tey sam- bært sáttmálanum ikki at fiska á Flem- mish Kap, sigur hann FÍGGJARLÓGIN Vilmund Jacobsen vilmund@sosialurin.fo Sambært uppskotinum til fíggjarlóg fyri 2005 verður játtanin til Fiskiveiði- eftirlitið ikki skerd í mun til verandi ár. Talan er heldur um eina pinkulítla øking. Hetta merkir tó ikki, at tað verður lætt at reka stovnin innan verandi karmar, tí tað er tungt sum er at fáa endarnar at røkka. Í mun til 2003, er talan tó um eina minking í játtanina, og hetta saman við øktum lønarkrøvum merkir, at stovnurin hevur minni pening at arbeiða við. Eygleiðaraskipanin Elmar Højgaard, leiðari á Fiskiveiðieftirlitinum, sig- ur, at kontoin, sum fevnir um eygleiðaraskipanina, er ov lítil, og hann ivast í, um myndugleikarnir hava hugsað um, at henda skipan verður dýrari í ár enn undanfarin ár. – Tað eru so nógv tøl á fíggjarlógini og so nógvar detaljur at hugsa um, at eg velji at trúgva, at myndug- leikarnir ikki hava hugsað um, at neyðugt verður við meira peningi á hesi konto- ini í komandi ári. Hann vísir á, at sambært NAFO-reglunum, sum Føroyar eisini hava samtykt at ganga undir, skal eyg- leiðari verða umborð á hvørjum rækjuskipi, sum fiskar í NAFO-øki á Flem- mish Kap. – Hetta er treytin fyri at sleppa at fiska í økinum, sigur hann. Elmar sigur, at eygleið- araskipanin hevur verið ein fyribilsskipan, sum kom í fasta legu fyri góðum ári síðan. – Støðan hjá rækjuflotan- um hevur verið eitt sindur turbulent, og haraftrat kemur, at skipini í longri tíð vóru stongd úti úr kanad- iskum havnum. Men nú eru hesi viðurskifti komin uppá pláss aftur, og tað merkir, at neyðugt verður við meira peningi til tess at lúka treytirnar í sáttmálanum. Hann heldur, at myndug- leikarnir – uttan at hava hugsað um hetta – hava sett somu játtan á hesa konto fyri komandi ár sum í ár. – Eg vóni, at fíggjar- nevndin, sum kemur at við- gera uppskotið til fíggjar- lóg, tekur hædd fyri hesum. 5-6 rækjuskip Elmar Højgard vísir á, at talan er ikki um tey stóru tølini. Stívliga 1,3 miljónir krónur eru á hesi konto til lønir, men neyðugt verður við umleið tí tvífalda fyri at kunna fylgja NAFO-regl- unum. Rækjuskipini eru í løtuni 5 í tali; tey eru Høgifossur, Napoleon, Sólborg, Hav- borg og Kappin. Haraftrat plagar Sjúrðaberg, sum annars fiskar tosk, at gera onkran túr á rækjuveiði. Skipanin í grønlendskum sjógvi er hon, at grønlend- ingar senda sjálvir sínar eygleiðarar umborð á føroysku skipini. Eygleiðararnir, sum eru umborð á føroysku rækju- skipunum í NAFO-øki, eru løntir eftir sáttmála, ið løn- ardeildin hjá landsstýrinum hevur góðkent. Elmar Højgaard sigur, at Fiskiveiðieftirlitið í næst- um fer at gera myndugleik- arnar varugar við, at játt- anin til eygleiðaraskipanin eru ov lítil. Íslendsk og russisk svartkjaftaskip hava leitað í føroyskum sjógvi, men tey eru farin avstað aftur, sigur Elmar Høj- gaard, leiðari á Fiski- veiðieftirlitinum FISKIVINNA Vilmund Jacobsen vilmund@sosialurin.fo Eitt sindur ymiskt er ár undan ári, hvussu svart- kjafturin ferðast um okkara leiðir. Um hesa tíðina í fjør og í fyrraári fingu skipini svart- kjaft í føroyskum sjógvi, men higartil í heyst hevur einki verið at fingið. Elmar Højgaard, leiðari á Fiskiveiðieftirlitinum, sig- ur, at íslendsk og russisk skip hava verið í føroyskum sjógvi og leitað, men tey eru farin avstað aftur. Føroysku skipini eru á makrelveiði. Hjáveiða Fyrr í summar gjørdi Fiskiveiðieftirlitið nakrar kanningar fyri at finna út av, hvussu stór – ella lítil – hjáveiðan av øðrum fiska- sløgum er uppí í veiðini hjá svartkjaftaskipunum. Tað hevur nevniliga ljóð- að, at fitt av toski og upsa hevur verið uppi í veiðini hjá skipum, sum hava fiskað í íslendskum sjógvi. Síðan kanningarnar hjá Fiskiveiðieftirlitinum byrj- aðu, hevur eingin svart- kjaftafiskiskapur verið í føroyskum sjógvi, men stovnurin fer at hava eyguni eftir hesum, tá ið skipini aftur fara at fiska í føroysk- um sjógvi. Álvarsmál Nøgdirnar, sum svartkjafta- skipini føra til lands, eru stórar, og hóast hjáveiðan ikki sær út av nógvum, kann talan skjótt verða um hampiligar nøgdir av eitt nú upsa og toski, tá ið saman um kemur. Kanningarnar, sum Fiski- veiðieftirlitið higartil hevur gjørt, benda tó ikki á, at tal- an er um tær stóru nøgdir- nar av upsa og toski. Fiskimálaráðhar rin, Bjørn Kalsø, hevur sagt, at hann tekur málið um hjá- veiði í størsta álvara og hevur biðið um, at hesar kanningar verða gjørdar. Um hesa tíðina í fjør og í fyrraári fingu skipini svartkjaft í føroyskum sjógvi, men higartil í heyst hevur einki verið at fingið. Føroysku skipini eru á makrelveiði – Støðan hjá rækjuflotanum hevur verið eitt sindur turbulent, og haraftrat kemur, at skipini í longri tíð vóru stongd úti úr kanadiskum havnum. Men nú eru hesi viðurskifti komin uppá pláss aftur, og tað merkir, at neyðugt verður við meira peningi til tess at lúka treytirnar í sáttmálanum, sigur Elmar Højgaard C M Y K 3 2