týsdagur 28. mars 2017síða 38

Mikudagur 29. mars 2017 · Nr. 38 38 Sosialurin Hugskot og viðmerkingar – send sms til 225000 Tróndur Arge Tá Súsanna Maria Hansen í 2000 flutti til Danmarkar at lesa, bendi lítið á, at hon skuldi verða partur av føroyskum landsliðsfótbólti anno 2017. Ein brennandi áhugi fyri fótbólti og góðu eginleikarnir ger tó, at hon er úttikin til landsliðið, eftir ein steðg í ellivu ár. – Tað er heilt fantastiskt at vera partur av einum so góðum og dugnaligum toymið, og ikki minst at vera á liðið saman við so dugna­ ligum spælarum. Skuldi tað verða, so skuldi tað verða nú, tí tað eru nokk ikki nógv ár eftir í mínum bein­um. Hvat er størri enn at vera ein av teimum, ið umboðar sítt land, spyr Súsanna Maria Hansen. Frá 2. deild til landsliðið Nólsoyardaman spældi við B36 frá 2000 til 2007, tá hon fór til Dan­ markar at lesa til ergoterapeut. Fyri trimum árum síðani kom Súsanna aftur til Føroyar, og tá byrjaði hon aftur í B36, og spældi fyrstu tíðina í 2. deild. Men hon sá skjótt, at hon vildi meir enn tað. Síðani 2014 hevur Súsanna Maria Hansen spælt í bestu kvinnudeildini. – At vera við í einum fótbólts­ felagsskapi er ótrúliga gevandi. Hugurin er bara vaksin, og eg haldi, at tað er sera umráðandi at vera har fyri tær yngru genturnar, sigur Súsanna Maria Hansen. Tá hon byrjaði aftur fyri trim­ um árum síðani, helt hon, at lands­liðið var fortíð, men tankin um landsliðið er kortini ongantíð horvin heilt. – Eg gekk við tankanum inn ímillum, og at tað hevði verið stutt­ligt at roynt aftur, áðrenn eg gavst at spæla. Tað er eisini gott at kunna vísa gentum, at hóast ein er komin eitt sindur upp í árini, er enn møguleiki at koma á landsliðið, sigur Súsanna Maria Hansen við heimasíðuna hjá FSF. Kappingin í Føroyum Føroyska landsliðið skal spæla allar dystirnar á Tórsvølli. Fyrst móti Luksemburg, síðani Montenegro og síðani Turkalandi. Serliga Turka­ land verður mett sum favorittur undan kappingini. Talan er um ein innleiðandi kapping til HM undankappingina. Seinast vóru føroysku kvinnurnar akkurát ov stuttar at vinna seg víðari. Tað gjørdi at landsliðið ong­ar ordiligar uppgávur hevði í tvey ár. Hetta er ein meinbogi fyri før­oyskan kvinnufótbólt, sum av álv­ara hevur brúk fyri øllum hugs­ andi avbjóðingum fyri at halda spælarunum at. Tað verður trupult hjá føroyska landsliðnum at vinna seg víðari, tí Turkaland eru á pappírinum sterk­ ari. Vinnarin í bólkinum spælir seg beinleiðis víðari til sjálva HM- undankappingina. Harafturat slepp­ur besti tvey'arin í teimum fýra innleiðandi bólkunum eisini við til undankappingina, sum byrj­ ar í heyst. Tí hava føroysku kvinn­ urnar brúk fyri øllum stuðlinum, sum tær kunnu fáa. ÍTRÓTTUR Mikudagur 22. mars 2017 · Nr. 35 Dystarskráin til HM-undankappingina Hósdagin 6. apríl Klokkan 15:00 Turkaland - Montenegro á Tórsvølli Klokkan 19:30 FØROYAR - Luksemborg á Tórsvølli Leygardagin 8. apríl Klokkan 15:00 Montenegro - FØROYAR á Tórsvølli Klokkan 19:30 Turkaland - Luksemborg á Tórsvølli Týsdagin 11. apríl Klokkan 13:00 FØROYAR - Turkaland á Tórsvølli Klokkan 13:00 Luksemborg - Montenegro á Ovara Vølli í Gundadali Tær 20, ið Pætur Clementsen hevur úttikið, eru hesar Monika Biskopstø, AaB Ålborg (DEN) Birita Nielsen, B68 Birna Tummasardóttir, EBS/Skála Lív Arge, HB Súsanna M. Hansen, B36 Ansy Sevdal, EBS/Skála Milja R. Simonsen, HB Eyðvør Klakstein, Mislata C.F. (ESP) Rannvá B. Andreasen, KÍ Olga Kristina Hansen, Østerbro IF (DEN) Ásla Johannesen, B36 Anna S. Hansen, EBS/Skála Sigrun K. Kristiansen, EBS/Skála Jónvá Hentze, HB Heidi Sevdal, EBS/Skála Maria K. Thomsen, KÍ Elisabeth Vang, B36 Katrina Akursmørk, KÍ Sarita Maria Mittfoss, B36 Bjørg Djurhuus, ÍF/Víkingur FANTASTISKT AT UMBOÐA FØROYAR Kvinnulandsliðið ger klárt: Tað sigur Súsanna Maria Hansen, ið er ein av spælarunum, sum fyrst í komandi mánaði skal spæla við føroyska kvinnulandsliðnum í innleiðandi HM undankappingini. Føroyar eru í bólki við Luksemburg, Montenegro og Turkalandi. Sjálv kappingin er í Føroyum Til HM 2015 undankappingina vóru Íðunn Magnussen og Føroyar í bólki við Svøríki, sum er millum sterkastu fótbóltstjóðirnar í kvinnufótbólti. Tær vunnu eisini 5-0 á Tórsøvølli á sumri 2014 Súsanna Maria Hansen og dótturin, Jonna Lava Olsen