mánadagur 3. apríl 2017síða 13

13 Mánadagur 6. januar 2014 · Nr. 2 Sosialurin Mánadagur 3. apríl 2017 · Nr. 40 Hugskot og viðmerkingar – send sms til 225000 BOGI VANN BRONSU Í DANMARK Tvey føroysk lið í estetiskum fimleiki hava kappast í Italia, meðan einstaklingurin Bogi Berg hevur staðið seg væl í amboðsfimleiki í Danmark Pætur Albinus BADMINTON Danski Viktor Axelsen vann í gjár Super Series-kappingina India Open, har hann undanfarnu tvey árini annars hevði tapt finaluna. Soleiðis var tó ikki hesaferð, tí danski OL-bronsuvinnarin lat ong­an iva vera um betra spælaran á deg­num, tá ið hann í finaluni einans brúkti 36 minuttir um at vinna 21-13, 21-10 ímóti heimsins nummar níggju, Chou Tien Chen frá Taiwan. 23 ára gamli Axelsen er í løtuni nummar fýra á heims­ styrkislistanum. DART: FM VINNARI VIÐ PÍLI Í BULL Um vikuskiftið var FM í dart í Skopun. Vinnari í einmansleiki bleiv heldur óvæntað Jón Johansen úr Vága Dartfelagi. Hann setti seinasta pílin í reyðan bull og vann FM finaluna. Í finaluni vann Jón Johansen 5-3 á Jan McIntosh, sum annars stóð seg væl samanlagt í FM finaluni. Hann vann tvímansleikin saman við Una Árting, men bleiv ov stutt­ ur í finaluni í einmansleiki. Var tað óvæntað, at Jón Johan­ sen vann FM hjá monnum, so mundi tað verða meiri óvæntað, at Mai­brit Hvíthamar vann FM hjá kvinnum. Hon var upprunaliga ikki millum átta tær bestu, sum høvdu vunnið seg víðari, men kom við upp á avboð. Hon gjørdi av álvara bart og vann kvinnukappingina. FIMLEIKUR Tvey føroysk lið í estetiskum fim­ leiki hava um vikuskiftið luttikið í altjóða kapping í italska býnum Padova. Challenge Cup, kallaðist kappingin, og liðini vóru Team Hydra hjá fimleikafelagnum Ljós­ið og unglingaliðið Vípan hjá fim­leika­ felagnum Støkk. Tað eydnaðist liðnum hjá Støkk at koma í final­ una, har tær fingu eitt samlað 11. pláss. Føroyski Bogi Berg, sum ger fimleik við GymAalborg í Danmark, hevur um vikuskiftið luttikið í DM í amboðsfimleiki. Hann luttók í gólv og lop yvir hest, og tað eydnaðist honum at koma í finaluna í báðum greinunum. Við karakterinum 12,600 stig gjørdist Bogi nummar trý í gólv, og vann sostatt DM- bronsu í hesi greinini. Hann lá eisini væl fyri í lopi yvir hest, men av tí at dómararnir frátóku Boga tvey heil stig eftir nýggju regluni um at lopini líktust ov nógv, so datt hann aftur á fjórða pláss. Hóast óhepnu støðuna, so er Bogi Berg avbera nøgdur við úrtøkuna í DM. FLOGBÓLTUR Síðstu dystirnir í FM-grund­spæl­ in­um í meistardeildini hjá kvinn­ um vóru leygardagin, og tað er nú klárt til at spæla FM-finalu, sum verður ímillum Drátt og KÍF. Dráttur vann greiðan 3-0-sigur í Gundadalshøllini ímóti Fleyr, har settúrslitini vóru 16-25, 16-25, 15- 25. ÍF vann 3-0 ímóti SÍ, meðan TB vann 3-0 ímóti Ternuni. Á fremsta plássi endar Dráttur við 38 stigum, KÍF nummar tvey við 32 stigum og TB vinnur bronsuna við 31 stigum. FM-finalurnar millum Drátt og KÍF verða spældar í høllini á Hálsi skírishósdag 13. apríl og páskaaftan 15. apríl. TENNIS Eftir eina annars framúr kapping mátti danska tennisdrotningin, Caroline Wozniacki, lúta í finaluni í Miami leygardagin. Eftir góðar sigrar ímóti eitt nú Muguruza, Safarova og Pliskova, tapti Wozni­ acki 6-4, 6-3 í finaluni ímóti bretsku Johanna Konta. Hjá monnunum vann Roger Federer 6-3, 6-4 í finaluni ímóti Rafael Nadal, sum hann annars plagar at hava tað trupult ímóti. Nadal er nevniliga á odda 23-14 í innanhýsis dystum ímóti Federer, men nú hevur 35 ára gamli sveisarin vunnið teir síðstu fýra. Hetta var samstundis hansara triði kappingarsigur í ár. FÓTBÓLTUR Tað er framvegis stórur spenningur í oddinum í sponsku La Liga, har stór­feløgini Real Madrid og FC Barce­lona eftir sigrar um viku­ skiftið halda fram í tøttu kapp­ ing­ini um meistara­heitið. Real Madrid vann í gjár 3-0 á heimavølli ímóti Alaves, meðan FC Barcelona vann 4-1 á útivølli ímóti Granada. Real Madrid er oddalið, tvey stig frammanfyri FC Barcelona, sum tó hevur spælt ein dyst meira enn Real Madrid. Tá ið Real Madrid hevur spælt hendan dystin, eru níggju dyst­ir eftir av kappingarárinum. Í týsku Bundesliguni er lítil og eing­in spenningur í oddinum, har stórfelagið Bayern München eftir óvæntaða stóra kapping frá RB Leipzig nú av álvara hevur lagt seg púra einsamalt á odda. Bayern vann leygardagin heili 6-0 á heimavølli ímóti Augsburg. Robert Lewandowski skeyt hattrik. Thomas Delaney, sum við ársskiftið skifti úr FCK til Werder Bremen, skeyt somuleiðis hattrikk tá ið hann og liðfelagarnir leygardagin vunnu 5-2 á útivølli ímóti Freiburg. Bayern München er oddalið í Bundesliguni við 65 stigum, meðan RB Leipzig er nummar tvey við 52 stigum. Sætta árið á rað er Celtic meist­ ari í skotsku Premier League. Hóast átta umfør eru eftir at spæla, so er longu nú greitt, at eing­in kann fanga Celtic, sum í 30 dyst­um hevur vunnið 28 og spælt tveir javnar. Við 5-0-sigri á útivølli ímóti Hearts í gjár er Celtic nú 25 stig frammanfyri Aberdeen, og tá ið einans 24 stig eru eftir at spæla um, er greitt, at Celtic er meistari. Aberdeen er nummar tvey, meðan Glasgow Rangers, sum hevur fótað sær aftur og er í bestu deildini aftur eftir húsagangin, er á triðja plássi. Bara fáar dagar eftir at hann skifti úr Manchester United til Chica­go Fire, var Bastian Schwein­ steiger á blettinum fyri nýggja ameri­kanska felag sítt, tá ið hann leygardagin legði Chicago Fire á odda 1-0 í 2-2-javnleikinum ímóti Montreal Impact. Tað eru útivið tvær vikur síðani Manchester United loyvdi honum at skifta felag, men sáttmálin varð ikki undir­skrivaður fyrr enn mitt í síðstu viku, tá ið 32 ára gamli týski miðvallarin hevði fingið ameri­ kanskt uppihaldsloyvi og tískil formelt kundi skriva undir sátt­ mála. STUTTSØGD TÍÐINDI Dráttur er í FM-finaluni Vípan hjá Støkk Bogi Berg vann bronsu í DM