hósdagur 6. apríl 2017síða 32

FRÍGGJADAGUR 7. APRÍL 2017 SOSIALURIN 42 32 Elfelagið Sev fer nú at seta vind­ myllur upp í Suðuroy. Í hesum sambandi sigur Sev, at tey nú fara at seta 12 vindmyllur upp oman fyri Porkeri, har tey hava gjørt vindmátingar í eina tíð. Tær fyrstu seks myllurnar verða settar upp í 2018 og hinar seks verða settar upp í 2020. Samstundis skulu myllurnar setast til eina battarískipan at goyma streym í. Men umframt hetta fer Sev eisini at gera eina pumpuskipan í sambandi við elverkið í Botni í Suðuroy. Skipanin verður sett upp ímillum Miðvatn omanfyri Botn og Vatnesvatn omanfyri Hov. Sev sigur, at tá ið hendan út­ byggingin er liðug, og nýggja vind­ myllulundin er sett upp í Havn, verður 70 prosent av framleiðsluni hjá Sev, grøn orka. Men í Suðuroy, har elveitingin er leys av teirri í meginøkinum, verða 75 prosent av orkuni, grøn orka. – Tá ið útbyggingin í Suðuroy er liðug, fer oljunýtslan hjá í Sev í Suðuroy at minka úr 7.000 tonsum í 2016 niður í 2.000 tons í 2021. – Samstundis fer pumpuskip­ anin í Suðuroynni at geva Sev nakrar royndir, sum kunnu brúk­ ast, tá aðrar pumpuskipanir verða bygdar í meginøkinum. Nýggja vindmyllulundin í høvuðsstaðarøkinum verður áleið líka stór sum vindmyllulundin í Húsahaga. Hendan vindmyllulundin skal eins og Húsahagi hava eina battarí­skipan, sum javnar vindin út á netið. 75% av orkuni í Suðuroynni verður grøn orka MYND: HEINESEN MYNDIR Í slendingar eru høsn, skrivaði íslendski rithøvundurin, Stein­ ar Sigurjónsson(1928-1992), í skald­søguni ”Blandað í svartan dauðann.” Minnist ikki, hví hann skrivaði tað. Hann nevndi ikki hanar. Men høsn er felagsheiti, hvørkikyn í fleirtali, eisini á íslendskum, so tað er galdandi fyri øll. Vit eru øll høsn, sambært Steinari sála. Nei, vit fara ikki at halda uppá her, at føroyingar eru høsn. Hvørki hønur ella hanar. Tað er ikki sørt ófólkaligt at samanbera eina heila tjóð við ein fugl. Ein fugl, sum enntá misti flogið fyri øldum síðani og bara hevur hønuvit. Tjóðfuglurin hjá okkum føroyingum, heilum sum hálvum, er tjaldrið. Svart og hvítt. Tjaldrið er óført at flúgva og hava gang. Annars er tað til lítla nyttu. Tað kemur við vetrinum, og vit fagna várinum, tí onkur fyri langari tíð síðani billaði okkum inn, at várið byrjar í mars. Veðurlagið var eitt annað, áðrenn vit dálkaðu tað burtur í lort. Men vit eru konserva­ tivari enn tey flestu, so vit halda fast um gamlar siðir. Hevur onkur tætt at Gudi sagt í myrku miðøldini, at á grækarismessu kemur várið, ja, so kemur várið á grækarismessu, sama um veturin ikki er liðugur, verri enn so. Eg havi annars leingi undrast á, hví vit hava ein tjóðfugl, sum bara er her nakrar fáa krákumánaðir. Rýmir, tá lotar úr hanakjafti. Krákan hevði verið ein góð­ur tjóðfuglur. Ein gløggur og skemt­ingar­ samur fuglur, sum ikki ræðist føroyska veðurlagið ella før­oyska fólkaræðið og funda­mental­ismuna. Sum bara er her og fær sum frægast burturúr. Ella starin, sum situr á mønu løggilda hjalsins. Hann rýmir heldur ikki frá okkum. Hønurnar rýma ikki, tí tær eru skerdar, tað sama heimagæsnar. Grágæsnar verða skotnar, skíta tær á bøin. Tað ber ikki til, sigur fólkaræðið. Tað ber til, sigst, at skjóta eina grágás og so bera líkið á velt lendi. Ella lokka hana hagar við plastgás. Sjófuglurin til dømis ger nyttu, tí vit eta hann. Tjóðfuglurin er friðaður og kann ikki etast. Vit lækka flogið og seta okkum á bøin í vanda fyri at verða skotin við heitari luft..byrsu. Kriminaliteturin er lítil í Føroyum, nógv minni enn í Danmark. SSP eigur heiðurin og sveimandi politiið myrku tímarnar um vikuskiftið. Vit rasistar hava eina frágreiðing afturat, sum sjálvandi ikki er góð­ kend. Í Danmark eiga fremmandir skaða­fuglar lutfalsliga nógv størri part í kriminalitetinum enn etniskir fuglar fyri at vera politiskt korrektur í orðavalinum. Tað er so synd í teimum. Teir eru so fjaðursárir. Ein finni, sum eg kenni, segði mær, at í finska høvuðsstaðnum eiga russ­ arar ein triðing av kriminali­tetinum, estlendingar ein triðing og finnar sjálvir ein triðing. Men vón er fyri okkara hagtølum. Vit vilja so fegin hava fremmandar fugl­ ar hendanvegin. Tað er okkara skylda. Tá vit hava heimtikið útlendinga­mál og danskarar ikki longur bestemma, kemur glið á, og okkara hagtøl fara at nærkast teimum donsku. Einum kriminaliteti kunnu vit tó sleppa undan. Tað skrivaði eg fyri nógvum árum síðani, men ikki á feys­ bukkuni, so eingin hevur sæð tað. Øll rúsevni, ikki bara hash, men øll, eiga at verða seld frítt í apotekunum. Ikki í Rúsuni, hon er fyri okkum, sum bara drekka. Frí søla fyri ein rímiligan prís steðg­ ar kriminalitetinum, sum hongur uppi í rúsevnunum. Eitt er vist, nýtslan steðgar ongan­ tíð. Hon veksur heldur ikki, um sølan verður frí. Morfin til dømis hevur verið brúkt sum heilivágur í nógv ár. Hoyrt herfyri: sum veðrið er avbera gott í dag. Jú, men veitst tú ikki, hvør dagurin er? Vit hava 1.apríl. Høgni Djurhuus Høgni Djurhuus fekk Móðurmáls­ virðislønina 2012 Heimtøka pyntar hagtøl BAKSÍÐAN