mikudagur 19. apríl 2017síða 16

Mikudagur 19. apríl 2017 · Nr. 45 16 Sosialurin Tróndur Arge/Pætur Albinus Fyri fyrstu ferð síðani 2006 er SÍ FM vinnari hjá kvinnum. Tvær ferðir upp í slag hava tær tapt í FM finaluni, men hesa ferð bleiv tað til gull. Eftir at hava vunnið fyrru FM finaluna greitt 3-0, so varð mótstøðan úr Kollafirið nógv betri til seinnu FM finaluna. Hesa ferð bleiv tað til ein 3-1 sigur, har serliga nógv stóð á í fjórða setti. Vit vóru klárar yvir, at KÍF fór at spæla betri í dag. Vit gjørdu eisini fleiri feilir, men tá tað stóð nógv á, so kláraðu vit tað, Sólgerð Henriksen. Eftir finaluna kunngjørdi Helga Nordendahl, at hon heldur ikki fram at spæla á hægsta stigi. Nú siga knøini stopp. Hetta er ein stuttligur máti at enda upp á. Vit hava verið nummar eitt í alt ár, so eg haldi at hetta er uppiborið. Vít vóru ikki so væl mannaðar fyri jól, men síðani hevur tað sæð gott út, sigur Helga Nordendahl. KÍF góða byrjan Seinna FM-finalan hjá kvinnum varð spæld í høllini á Hálsi leygardagin, har suverena oddaliðið, Dráttur, sum fyrradagin vann fyrru FM-finaluna greitt 3-0, lá betur fyri enn mótstøðuliðið, KÍF, at tryggja sær FM-gullið. Søgan endurtók seg frá fyrru finaluni í fyrsta settinum. KÍF var á odda fyri tað mesta, men tær megnaðu ikki at varðveita leiðsluna, og tá ið Dráttur javnaði við støðuna 17-17, kopppaði settið teirra veg og tær vunnu tað 25-21. Í øðrum setti kom KÍF aftur á odda frá byrjan. 6-1 var støðan, og hesaferð megnaði KÍF at halda fast um leiðsluna, sum eina løtu var heili 19-10. Hetta var fyrsta settið, sum KÍF vann í FM-finalunum, og tær vunnu tað 25-19. Triðja sett var ógvuliga javnt. Liðini fylgdust at kalla allan vegin, men við støðuna 19-19 vísti Dráttur seg at standa stinnari í avgerandi løtuni. Dráttur gjørdi ikki mætari enn at vinna seks teir næstu bóltarnar, og við 25-19 vóru tær nú á odda 2-1 í settum. SÍ vinnur FM Sum ikki einaferð, so kom KÍF eisini betur frá byrjan í fjórða setti, men hóast stóra leiðslu, 14-6, so bleiv enn ein stór leiðsla til rúgvuna tveitt burtur, og í einum sera tøttum og spennandi enda á settinum var tað Dráttur, ið var stinnari og vann 25- 23. Við hesum vunnu tær finaluna 3-1, og av tí at tær eisini vunnu ta fyrru, so kunnu tær úr Drátti nú kalla seg føroyameistara fyri fyrstu ferð síðani 2006. Tær hava verið oddalið í meistaradeildini í alt ár, so FM-heitið má sigast at vera væl uppiborið. Seinna FM finalan: Dráttur – KÍF 3-1 (25-21, 19-25, 25-19, 25-23)Dráttur FM vinnari fyri fyrst ferð síðani 2006 DRÁTTUR FM VINNARI FYRI FYRST FERÐ SÍÐANI 2006 Nú siga knøini stopp. Hetta er ein stuttligur máti at enda upp á, sigur 41 ára gamla Helga Nordendahl, sum við FM gullinum um hálsin velur at gevast við flogbólti á hægsta stigi FLOGBÓLTUR