mikudagur 19. apríl 2017síða 17

17 Mikudagur 29. mars 2017 · Nr. 38 Sosialurin Mikudagur 19. apríl 2017 · Nr. 45 Tróndur Arge/Pætur Albinus SÍ er FM vinnari hjá monnum, eftir eina dramatiska FM finalu móti Fleyr. SÍ vann fyrr finaluna 3-0 og hevði góð kort á hondini undan seinnu finaluni leygardagin, men Fleyr reisti seg og vann 3-0. Sostatt skuldi ein gylt sett til fyri at avgera FM. Her vann SÍ 17-15, eftir at hava verið aftanfyrio 14-12 eitt skifti í gylta settinum. Hetta er tað sum kann henda í einum slíkum setti. Tað er torført at siga hví vit vinna, men eg haldi at tað eru teir, sum klára at stýra nervunum betri, ið fara avstað við tí, sigur liðskiparin hjá SÍ, Niels Erik Anderson. Fleyr blokkaði SÍ Fleyr kom væl betur frá byrjan, har serliga blokkurin og stríðshugurin tóktist at vera betri enn í fyrru finaluni fyrradagin. Hóast SÍ nærkaðist ímóti endanum av settinum, so var Fleyr omaná teir síðstu bóltarnar og vann fyrsta settið 25-18. Góðu gongdina tók Fleyr við sær inn í annað settið, har teir fyri tað mesta vóru omaná, kanska serliga takkað einum væl spælandi Jóhan Arna E. Wang. Hóast settbóltar til Fleyr, so svaraði SÍ aftur og javnaði til 24-24, men havnaliðið helt høvdið kalt og við 26-24 bleiv nú 2-0 í settum. Tað gekk báðar vegir í triðja setti, men aftur hesaferð var tað Fleyr, sum stóð seg betur ímóti endanum, og við 25-22 tryggjaðu tær sær ein 3-0-sigur. Neyðugt var tískil við einum gullsetti fyri at avgera hvør skuldi fara avstað við FM-gullinum. Gullsettið Í gullsettinum fekk Fleyr ta bestu byrjanina. Teir løgdu seg á odda 6-3 áðrenn SÍ tók timeout. Hetta hjálpti, tí løtu seinni var javnleikur 6-6, og SÍ fekk fyrstu leiðsluna við støðuna 8-7. Fleyr svaraði tó væl aftur og við støðuna 14-12 høvdu teir tveir dystarbóltar. Hóast dystarbóltarnar, so megnaði Fleyr ikki at taka av. SÍ vísti stóra sálarliga styrki, og teir kúgvendu gullsettinum og vunnu tað 17-15. Við sigrinum í gullsettinum kann SÍ nú kalla seg føroyameistara, meðan Fleyr fær silvur. Seinn FM finalan: Fleyr – SÍ 3-0 (25-18, 26-24, 25-22). Gullsett: 15-17 Hugskot og viðmerkingar – send sms til 225000 Sosialurin Hetta er tað mest spennandi eg havi verið við í samband við FM. Eg havi vunnið fleiri, men hetta er tað besta. Orðini eigur Ólavur Jensen, sum saman við SÍ vann gyltasetti og FM í stórum dramatikki í høllini á Hálsi leygardagin SÍ meistari við gullsetti FLOGBÓLTUR