mánadagur 24. apríl 2017síða 14

Mánadagur 24. apríl 2017 · Nr. 47 14 Sosialurin Hugskot og viðmerkingar – send sms til 225000 FÓTBÓLTUR Hóast mótbrekkan var óvanliga brøtt, so eydnaðist tað felagsliðnum hjá suðuroyingum at vinna fulla úrtøku og harvið at taka oddasessin Jóannes Hansen Tá ið GÍ og LÍF fyri níggju ár­um síðani funnu saman, og Víkingur varð veruleiki, festi tað av álvara í longu fyrsta árið. Felagsliðið vann steypa­kappingina, og í lands­ kapp­ing­ini gekk hampu­liga væl. Síð­ani hevur Víkingur verið við til at mynda bestu deild­ina, og tað sæst á øll­ um brøgdum, at Víkingur er hjartabarnið hjá bæði leir­ vík­ing­um og teimum í Gøtu. Eftir fimm umfør sigur støðu­talvan, at nýggja fe­ lags­liðið í Suðuroy er væl fyri. Suðringar eru topplið. Í gjár var fyrsta stóra styrk­ is­royndin, og felagsliðið stóð roynd­ina ímóti B36, hóast so at siga alt talaði ímóti, tá ið ein lítil tími var farin: Tvøramaðurin á B36 lið­ num, Patrik Johannesen, legði gestirnir við Stórá fram­um í fyrra hálvleiki – ímóti rættiliga fríska lot­in­ um – og tá ið hann undan lot­ in­um økti til 2-0, og vindurin ikki var minkaður, sá støðan mest sum vónleys út hjá heima­monnunum. Skotski venjarin Maurice Alex­ander Ross hevur upp á tær vikurnar, sum hann og hjálparvenjarin hava ver­ið í Suðuroy, megnað at sam­an­ sveisa spildurnýggja lið­ið, sum í gjár reisti seg úr mest sum vónleysu støðuni og vann 3-2 á B36. Tað var ein fyri allar og allir fyri ein, og tað sást, at likamliga venj­ ing­in er í lagi, og at sinniliga støð­an er soleiðis, at teir úr Vági og av Tvøroyri og alla aðra staðni frá í oynni eru sinn­að­ir at ganga ígjøgnum eld saman og fyri hvønn ann­an. Jón Krosslá Poulsen var ein av teimum, sum gekk undan. Hann minkaði um munin, tá ið eitt stórt kort­ er var farið av seinna hálv­ leiki, og hann javnaði við brots­sparki, tá ið tað restaðu sjey minuttir. Suðringarnir vóru ikki nøgdir, teir løgdu óvan­liga nógv fyri síðstu løt­una í royndini at vinna sig­urs­málið í vána­ligu lík­ ind­unum, og tað eydn­að­ist. Miðverjin Poul Inga­son, sum síðstu løtuna var í álopinum, skoraði sig­urs­mál­ið. B36 spælararnir, sum fyrr í ár hava víst kanska besta fót­bóltsspælið av øllum, og sum fyrsta lítla tíman tókt­ ust fult og heilt at hava tak á støð­uni, sum alt meiri minti um avgreiðslusøk, vóru fjált­ ur­stungnir og stóðu sum slign­ir á nevið, tá ið Ransin N. Djurhuus bríkslaði fyri síðstu ferð. Suðringarnir á og kring vøll­in stórfegnaðust. Hetta var staðfestingin av, at tað ber til at rokna við møgu­leik­ an­um ímóti øllum hinum, og eing­in ivi man vera um, at áskoð­aratalið næsta sunnu­ dag verður kanska tvífaldað, tá ið NSÍ verður gestur við Stórá. – Hugburðurin er fram­ úr. Okum líkar ikki longur at tapa. Í steðginum helt venj­arin eina góða og álv­ ar­sama talu fyri okkum, og eftir steðgin riggaði tað hjá okkum. Vit megnaðu at órógva spælið hjá B36 so­ leið­is, sum vit ætlaðu, og tað vísti seg, at vit høvdu nógva orku. Hetta kendist sum serliga søtur sigur, tí vit vóru jú aftanfyri 2-0 og høvdu vindin ímóti, men tað gekk, sigur tvey málaskjúttin Jón Krosslá Poulsen. Suðringar hava higartil vunn­ið allar tríggjar ferð­ irnar á heimavølli. Sunnu­ dag­in fáa teir vitjan av NSÍ, og tá ræður um at liva upp til heimaavrikini higartil – níggju stig og málmunurin 7-3! Tað er einki at undrast á, at lagið var alt annað enn gott í B36 leguni. Fasittið eft­ ir fimm umfør er fýra javn­ leik­ir og eitt tap. Tað skal leit­ast aftur til 1992 fyri at finna kapping, har úrtøkan hjá B36 hevur verið soltnari fyrstu fimm umførini. Fyri ein­ari fjórðingsøld síðani var úr­tøkan eftir fimm umfør trígg­ir javnleikir og tvey tap. Nýggi B36 venjarin Jákup á Borg er so vónbrotin, at hann næstan ikki hevur orð fyri tí: – Vit vóru frammanfyri 2-0, og arbeiðið var um at vera liðugt. Vit høvdu møgu­ leika at skora triðja málið, men tað megnaðu vit ikki. Mót­støðumenninir eiga rós uppi­borið fyri hugburðin, sum teir vístu, men sæð frá okk­ara sjónarmiði skoraðu teir mest sum burturúr ong­ um. Vit skoraðu tvey mál á úti­vølli, og tað eigur at vera nóg mikið. Men vit vóru als ikki nóg góðir í verju­part­ inum í seinna hálv­leiki, og tað er galdandi fyri alt liðið, staðfestir B36 venj­ar­in. HB fekk einki úr risa fyrimuni Í fimtu royndini eydnaðist tað NSÍ fyri fyrstu ferð í ár at vinna fulla úrtøku. Eftir 2-2 í Klaksvík og í Gundadali ímóti B36 og 1-1 ímóti EB/ Streymi og 1-0 tap ímóti Vík­ingi varð HB sent suður aft­ur við 1-0 tapi. Klæmint A. Olsen skoraði málið tíð­ liga í fyrra hálvleiki, tá ið hann við nærra stólpa og við høvdinum eftir inn­legg úr vinstru frá Árna Fred­e­ riks­berg meistarliga stýrdi bólt­in upp um málverjan og í handara síðunetið. Dygst undan steðginum sá vinstri vongverji hjá NSÍ, Ein­ar Tróndargjógv, bein­ leið­is reytt kort. Harvið var NSÍ undirmannað í meiri enn ein hálvleik. Kortini eydn­aðist tað at halda tørn um tepru leiðsluna, hóast HB stóran part av seinna hálv­leiki søkti at, og tað vóru nógvar spentar støður í brotsteiginum frammanfyri sann­førandi Símun Rógva Han­sen í NSÍ málinum. Stinni NSÍ málverjin er væl nøgdur: – Vit løgdu stóran dent á at verja í seinna hálvleiki. At tað eydnaðist so væl at halda tætt og harvið at varðveita leiðsl­una bar við sær, at hug­burðurin var framúr góð­ur, og at talan var um satt stríðsavrik. Sum tíðin leið, bar til viðhvørt at fara í mótálop. Tað lætti um, og vit eru sera fegnir um, at tað eydn­aðist at vinna øll stigini, sig­ur Símun Rógvi Hansen. Í HB leguni er hýrurin ikki góður. Tað varð vónað, at nýggi makedonski álops­ spæl­arin Aleksandar Stan­ kov skuldi loysa trup­ul­leik­ an, sum HB higartil hevur havt við at skora mál. Tað eydn­aðist ikki í gjár, tá ið HB fyri triðju ferð noyddist av vøllinum uttan at hava skorað. – Fyrsta løtan var av­ger­ andi. Áðrenn vit høvdu fót­ að okkum, var NSÍ á odda, og tað kostaði øll stigini, hó­a­st vit eftir steðgin høvdu bólt­in nógv størsta partin av tíðini, og hóast vit fýra ella fimm ferðir spældu okk­um í støður, sum áttu at havt borið mál við sær, sig­ur HB venjarin Sigfríður Clem­ent­sen. Fagerberg er stórur fongur Eftir trý tap við samlaða mál­ SUÐRINGARNIR SKULU TAKAST Í RAMASTA ÁLVARA Mamuka og Skála hava ikki skorað í 450 minuttir. Mynd: Sigmar Mørkøre Hetta er stuttligt! 3 viktig stig og nú á deildum 4. plássi, tá vit yvirhálaðu alla tað bleytu millumvøruna. Liverpool hevði King Kenny, men vit eiga Kong Ken! Vónandi fáa skálamenn ikki gongd á málskjótingina fyrrenn eftir næsta umfar. Í fjør vunnu vit B36 við 10 monnum. Í dag gjørdu vit sama nummar við hb. Sterkt pressað! Har mugu fleiri piparnøtur spýtast í hatta liðið, áðrenn teir fáa nakað stig við Løkin! Góðir! Góðir! Góðir! Orđ eru fátøk eftir slíkan søtan sigur! Stríđast til síđsta mann. Og stiguni eru 12 - í kavaroki. SUÐRINGAR  Vit vóru nógv betri í dag, men tað er málini sum telja. Næka lort, at misa trý stig heima. Saman standa vit sterk 0-0 er ok á útivølli men tað gevur for lítið av stigum Koyr á ÍF Nokkso forbanka keðiligt at føra við 2 málum fyri síðani at tapa dystin - øvøvøv ! Vit koma sterkt aftur ! P.S Eg haldi hattar suðuroyðarlidi skal slítast sundur aftur – hettar var ikki gamalt ! REGIN DAVIDSEN 07 VESTUR JAN B. ANTHONIUSSEN NSÍ JANUS KJÆRBO TB/FCS/ROYN RÓGVI DAM EB/STREYMUR SÆBJØRN LEITI ÍF LISSI MOURITSEN B36