mánadagur 24. apríl 2017síða 34

VIKA 17 • 24. APRÍL 2017 10 ÓKEYPIS LÝSINGARBLAÐ N orrøna hevur nú 14 ár á baki, og hesi 14 árini eru ymiskar dagføringar og ábøtur gjørdar so leypandi. Í vetur hevur einki undantak verið í so máta, og hesaferð er serliga nógv gjørt, so at ferðafólkini koma umborð til eitt á summum økjum nærum spildurnýtt skip. Nógv fleiri pláss til buffetina Tað er eingin loyna, at eitt, sum ferðafólk altíð gleða seg til, tá ið tey umborð á Norrønu, er stóru Norrøna buffetina á dekk 6. Gravgangur er eftir at sleppa at royna stóra sjálvtøkuborðið bæði millum føroyingar og útlendingar, og onkun­tíð hevur verið trupult at fáa pláss. Men í vetur er buffet-matstovan útbygd og dagførd, so at hon í dag stendur sum spildur­nýggj og við nógv fleiri plássum. Gamla barrin á dekk 6, Naust Bar, sum var beint við síðuna av buffet- matstovuni, er tikin burtur, og buffet-matstovan er víðkað inn á tað økið. Hetta hevur við sær, at í mun til fyrr, tá ið buffet-matstovan hevði pláss fyri umleið 230 gestum í senn, so er plássið økt heilt upp í 340 gestir, so tað er markantur munur. Alt innbúgvið er skift út, og sjálv buffetin er koyrd í tvey, so at tað skal ganga skjótari við at fáa sær uppá tallerkin. Samstundis hava tey, sum standa fyri mat­ in­um umborð á Norrønu, eisini dagført sjálva matar­skránna, so tað bíðar ferðafólkunum ein heilt nýggj uppliving, tá ið tey koma umborð í summar. Simmer Dim eisini blivið størri Vælumtókta A la Carte matstovan umborð á Norrønu, Simmer Dim, er sera nógv vitjað, og tað er meiri enn so komið fyri, at matstovan er full um summarið, og fólk ikki fáa borð. Tí setti man hjá Smyril Line sær fyri, at man skuldi fáa fleiri pláss í matstovuna. Eitt rúm beint við síðuna av matstovuni, har spælimaskinur áður stóðu, bleiv tikið uppí matstovuna, og tí hevur Simmer Dim nú heili 98 pláss í mun til 74 áður, altso ein vøkstur uppá næstan ein triðing. Umframt stóru broytingarnar á matstovunum er eisini aðrar dagføringar gjørdar ymsastaðnis umborð á Norrønu. Nú er komið so mikið væl áleiðis, at eitt nú eru øll útvendigu kømurini umborð dagførd, og eisini í stóru barrini/náttklubbanum Saga er inn­ búgvið og gólvini skift út, so alt er nýtt og tekur seg ógvuliga væl út. Lurta eftir ferðafólkunum Umframt teir fysisku karmarnar, so hava tey hjá Smyril Line eisini gjørt onnur átøk, sum øll skulu gera sítt til, at ferðafólkini fáa eina enn betur uppliving, tá ið tey ferðast við Norrønu. Fyrr hevur tað ofta verið funnist at matinum umborð, sum summi ikki hava hildið verið nøktandi, og hetta er nakað, sum leiðlsan í Smyril Line hevur hevur tikið til sín, og tí hevur man arbeitt miðvíst við hesum seinnu árini, og nú kemur so at siga ikki fyri, at ferðafólk ikki eru nøgd við góðskuna á matinum og tænastuna umborð. Smyril Line ger javnan kanningar millum ferða­fólkini til tess at fáa afturmeldingar uppá, hvussu ferðafólk uppliva Norrønu, og stórur dent­ur verður lagdur á at gjøgnumganga hesar aftur­meldingar og allatíðina optimera tað, sum kann optimerast. Tað verður lurta eftir ferða­ fólkunum, siga tey hjá Smyril Line. Norrøna er gjørd klár til summarið Stórar umvælingar og útbyggingar eru gjørdar umborð á Norrønu í vetur, so at flaggskip Føroya er klárt til summarið