mánadagur 24. apríl 2017síða 43

VIKA 17 • 24. APRÍL 2017 19 ÓKEYPIS LÝSINGARBLAÐ TEMA: AnniJanni við grafiskari sniðgeving Vilmund Jacobsen Í Dr. Jakobsensgøtu 3 í Handilsgøtuni í Havn hava kvinnurnar, Anni Arge Lamhauge og Janni Johansen, ið báðar hava útbúgving og royndir sum grafiskir sniðgevar, reklamuvirkið AnniJanni. Fyritøkan AnniJanni arbeiðir við sniðgeving, búmerkjum, plakatum, emballasju, faldarum og bóklingum fyri viðskiftafólk. Men, arbeiðsøkið hjá AnniJanni fevnir rættiliga breitt, tá ræður um grafiska sniðgeving. – Vit gera eisini heimasíður, webbannarar og power point-framløgur, eins og vit prýða árs­frá­greiðingar og roknskapir. Anni Arge Lamhauge og Janni Johansen siga, at tær eisini arbeiða við lýsingum og lýsingar­ átøkum fyri viðskiftafólk og fyritøkur, og soleiðis gera tær eitt nú afturvendandi tilboðsblaðið hjá Á-handlunum, eins og tær eisini hava gjørt heimasíðuna hjá Á. – Vit halda, at heimasíðan hjá Á er sera væl­ eydnað við livandi myndum og einari uppseting, har mest sum alt innihaldið er á forsíðuni. Her er einki klikk, men bara »skrull«, sum tær báðar taka til. Ein onnur heimasíða, sum AnniJanni eisini hava gjørt, er heimasíðan www.framtak.fo Millum størru fyritøkurnar, sum reklamuvirkið arbeiðir fyri, er eitt nú Magn. Her hava tær í samstarvi við marknaðarfólkini sniðgivið nýggja branið Gómin, har tær hava gjørt búmerki, emballasju, lýsingar, faldara og plakatir. Stórt og smátt AnniJanni gera nógvar ymiskar uppgávur, bæði stórar og smáar, fyri viðskiftafólk, fyritøkur og kommunur, og tær taka eisini myndir av ymisk­ um produktum, tá hesar eru partur av teirri tæn­ astu, sum grafiska fyritøkan veitir. Anni Arge Lamhauge og Janni Johansen siga, at í fleiri førum levera tær allan »pakkan« til við­skiftafólk – og í øðrum førum, tá talan eitt nú er um prentlutir av ymiskum slag, hava tær undir­veitarar. – Vit umsita gjarna alt frá hugskotinum til endaliga úrslitið, tá viðskiftafólk ynskja tað, leggja tær báðar aftrat. Anni Arge Lamhauge og Janni Johansen, sum eiga og reka reklamuvirkið AnniJanni í Handilsgøtuni í miðbýnum Mynd: Miriam & Janus Grafix 504251 HVØRT VIKUSKIFTIÐ LIVE TÓNLEIKUR 29. apríl lata vit 20% av allari vøru Grafix 504251