mánadagur 1. mai 2017síða 10

Mánadagur 1. mai 2017 · Nr. 50 10 Sosialurin Hugskot og viðmerkingar – send sms til 225000 NÚ VERÐUR EISINI BORAÐ ÚR HAVN EYSTUROYARTUNNILIN Sólvit E. Nolsø Hósdagin var skotið latið av fyri Eysturoyartunnilin á Streymoynni. Annika Olsen, borgarstjóri í Tórs­ havnar kommunu, lat fyrsta skotið av. Higartil eru góðir 200 metrar boraðir á Strondum, men nú fer væntandi rættuliga ferð at koma á arbeiðið. Eitt hátíðarhald var uppi á Hjalla í samband við hendingina. Har vórðu fitt av fólki komin saman at verða við. Tiltakið byrjaði við Teiti Samuelsen, stjóri í partafelagnum Eysturoyar- og Sandoyartunnil, ið bjóðaði vælkomin. Henrik Old, lands­stýrismaður við ábyrgd fyri tunlu­num, og Annika Olsen hildu síðani røðu, ið báðar vísti á fyri­mun­irnar við einum tættari saman­knýttum landi. Henrik Old kom eisini inn á Sandoyatunnilin, ið stendur næstur á skrá, og enn­ tá eisini inn á ein komandi Suður­ oyartunnil, ið enn bert er eitt hug­ skot. Hann metir tó, at ein tunnil til Suðuroy er tað næsta upplagda stigið at taka. Livst so spyrst. Ferðslan økist Hóast tey flestu er samd um, at íløgan hevur stórt samfelagsligt gagn við sær, so er lítið at ivast í, at tað verða avbjóðingar, ið skulu loysast. Serliga viðvíkjanid ferðslu­ viðurskiftunum. Tað eru umleið 5000 bilar um dagin, ið ferðast á leiðini til Tórshavn. Útrokningar, ið eru grund­aðar á millum annað søgulig ferðsluhagtøl, pendlarakanningar, fólkatalskanningar og búsetingar­ mynstur, meta, at ferðslan til Tórs­ havnar, skjótt økist upp í umleið 7500 bilar um dagin. Eftir eini 20 ár, kann ferðslan verða komin upp í eini 12000 bilar á veganetinum til Havnar, hvønn dag. Tað setir nøkur krøv. Inn­ komu­vegurin til Havnar hevur leingi verið eitt trætumál. Í nógv ár hevur tað verið trupult við innkoyrinini til Havnar. Ein loysn tykist verða komin uppá pláss, har ferðslan frá tunnilsmunnanum á Hvítanesi verður beind niðanum Hoyvík og síðani bundin í vegin omanfyri Hoyvík. Íbindingar skulu gerast í Flatarvegin, Sundsvegin og Villingardalsvegin. Tað er tó ikki full semja um tað og eitt uppskot um ein tunnil frá tunnilsmunnanum og út á Ringvegin, hevur eisini verið frammi. solvit@sosialurin.fo Higartil hevur bert verið borað á Strondum, men er arbeiðið eisini í gongd á Streymoynni. Í miðal verður væntandi borað eini 100 metrar um vikuna Eysturoyartunnilin Longd: 11.2 km Higartil borað: uml. 210 m. Byggitíð: 3-4 ár Liðugur: 2019-20 Koyritíð Klaksvík-Tórshavn: 36 min. Vegaføring, ið býráðið hevur samtykt at gera Mynd: Torshavn.fo Myndir: Ísak Laksáfoss