mánadagur 1. mai 2017síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 1. mai 2017 · Nr. 50 Hallur av Rana Hóast tað ber til at vísa á økir, har munur er á borgarum, so eru Før­ oyar í dag eitt øgiliga javnt sam­ felag. Tað metir Jóannes Eides­ gaard, fyrrverandi formaður Javn­aðar­floksins og løgmaður í tíðar­skeiðinum 2004-2008. – Kanningar vísa, at Føroyar eru eitt øgiliga javnt samfelag. Tað er eingin, ið verður settur uttan fyri tilboðini í samfelagnum orsaka av síni sosialu plasering í samfelagnum. Man kann síggja mun á aðrar mátar millum fólk, men hann er ikki eins markantur sum fyrr, sigur Jóannes Eidesgaard. Fyrrverandi løgmaður leggur tó dent á, at tað er ein stórur mun­ur á starvsfólkabólkum, um stætta­ munur kann lýsast í lønar­viður­ skiftum. – Har er tað klárt, at vit hava stættamun. Tað er ein himmalvíður munur á tí, ið ein ófaklærdur arbeiðs­maður vinnur, og tí, ið ein akademikarar ella stjóri vinnur. Um man málar tað í peningi, so er stórur stættamunur millum borgarar, sigur Jóannes Eidesgaard. Men um hugt verður eftir teim­ um tilboðum, ið samfelagið veitir sínum borgarum, so metir Jóannes Eidesgaard, at tað stendur væl til í dagsins Føroyum. – Stættamunur er eisini so nógv annað. Tað er mátin, ið fólk liva uppá. Hava øll somu atgongd til góðar útbúgvingar, bústaðir o.a.? Har hevur samfelagið tíbetur ment seg tann vegin, at øll hava somu atgongd til útbúgvingar o.s.fr.. Tað er ikki sosiali arvurin, ið avgerð um man sleppur at nema sær útbúgving ella ei, men ein spurn­ingur, um man hevur hug og førleikar, sigur Jóannes Eidesgaard. Sum siðvenja er, so skipa ar­ beiða- og fakfeløg fyri 1. mai dags­ haldum kring alt landið, og heldur fyrrverandi javnaðar­for­maðurin, at tey enn eiga eitt pláss í føroyska samfelagnum. – 1. mai dagshaldið er altíð rele­ vant, tí tað er altíð eitt kærkomið høvi hjá fakfeløgum at koma saman og minnast teir sigrarnar, ið hava verið. Tí teir komu ikki av sær sjálvum, men komu eftir eitt øgiligt stríð, ið avgjørt ikki var kostnaðarleyst, sigur Jóannes Eidesgaard og heldur á. – Um man bara kemur saman, at minnast tað, so er tað absolutt vert tað. Men tað er eisini gott at koma saman og seta út í kortið hvat okkara framtíðarmál skulu vera. Fyri nøkrum árum síðan varð táverandi formaðurin í Javn­aðar­ flokkinum endurgivin fyri at siga, at stættastríðið var av, og hevur tað fylgt eftirmæli hjá Jóannes Eides­ gaard líka síðan. Sjálvur heldur hann tó, at setningurin varð tikin úr samanhangi. – Á einum landsfundi hjá Javn­ aðar­flokkinum dittaði eg mær at siga, at tað siðbundna stættastríðið var av, og tað var upp á hægstu tíð, at fakfeløgini hugsaðu um onn­ur ting enn nakrar krónur upp á tímalønina. Tað sum lá í tí, var ein áheitan á fakfeløgini at leggja saman til eina sterkari eind, ið kundi seta dagsskránna, tá tosað bleiv um bústaðarpolitikk, útbúgvingarpolitikk o.a., sigur Jó­ annes Eidesgaard. hallur@sosialurin.fo Hallur av Rana Havnar Arbeiðarafelag skipar sum siðvenja er fyri 1. mai dagshaldinum á Vaglinum í Tórshavn í dag, og í huga­heiminum hjá Hans Joensen, for­manninum í fakfelagnum, so er eingin ivi um, at altjóða arbeið­ aradagurin enn er relevantur í Føroyum anno 2017. – Í mínari verð er stættastríðið ikki av. Ikki tí, at man hevur ilt av, at nøkur hava tað gott og eiga nógv, men eg haldi í nógvum førum, at ríkidømið í samfelagnum kundi ver­ið javnari býtt, sigur Hans Joen­ sen. Fakfelagsformaðurin er eisini skjótur á vísir á, at á hvørjum jólum er tað sjón fyri søgn, at tað eru fólk, ið hava ov lítið. – Vit vita væl, at vit hava nøk­ ur fátøk fólk. Eg skal ikki siga, at tey sita svong, men tey hava ógvu­liga lítið. Eitt gott prógv fyri tí er arbeiðið hjá Barnabata og Í menniskjum góður tokki. Tað er eitt gott tiltak, men tað átti ikki at verið neyðugt í Føroyum anno 2017, sigur Hans Joensen og heldur á. – Við øllum ríkidøminum í før­ oyskum samfelagnum í dag, og øll­ um tí ríkidømi, ið kemur úr sjónum, so er tað ikki nóg gott, at summi fólk noyðast at fáa peningaligan stuðul fyri at halda eini góð jól. Hans Joensen vísir eisini á, at hann mangan verður spurdur av fólki, um tað yvirhøvur er neyðugt við fakfeløgum longur. – Tað er tað absolutt. Bæði fyri at berjast fyri betri rættindum á arbeiðsmarknaðinum, og at verja tað, ið er vunnið. Tað er heilt ótrú­ liga týdningarmikið at verja um vunnin rættindi. Ikki tí, at arbeiðs­ gevarin eru bandittar, men vandin er altíð til staðar, at umstøðurnar verða verri, um fakfeløgini doyggja, sigur Hans Joensen. hallur@sosialurin.fo – Við øllum ríkidøminum í føroyskum samfelagnum í dag, og øllum tí ríkidømi, ið kemur úr sjónum, so er tað ikki nóg gott, at summi fólk noyðast at fáa peningaligan stuðul fyri at halda eini góð jól. Tað heldur Hans Joensen, formaður í Havnar Arbeiðarafelag Hans Joensen: Stættastríðið er ikki av Vandin er altíð til staðar, at umstøðurnar verða verri, um fakfeløgini doyggja HANS JOENSEN Jóannes Eidesgaard: ARBEIÐARADAGURIN – Tað er ikki sosiali arvurin, ið avgerð um man sleppur at nema sær útbúgving ella ei, men ein spurningur, um man hevur hug og førleikar, sigur Jóannes Eidesgaard, fyrrverandi løgmaður og fyrrverandi formaður Javnaðarfloksins Føroyar eru eitt øgi­liga javnt samfelag 1. mai dagshaldið er altíð relevant, tí tað er altíð eitt kær­komið høvi hjá fak­feløg­ um at koma saman og minnast teir sigrarnar, ið hava verið JÓANNES EIDESGAARD