mánadagur 1. mai 2017síða 22

Mánadagur 1. mai 2017 · Nr. 50 22 Sosialurin Hugskot og viðmerkingar – send sms til 225000 Fyrst av øllum, hvussu kendist tað ta løtuna tá tú helt at tú vart blivin match-vinnari í Gundadali? Tað føldist sjálvandi gott ta løtuna, ið eg hevði skotið bóltin í málið, serliga tá málið kemur so seint út á dystin. Sjálvur ivaðist eg í rangstøðu áðrenn málið, hóast tað var trupult at síggja. Men tá flaggið ikki fór upp, og spælið helt fram, spældi eg víðari. Tá so bólturin var farin í málið hugdi eg aftur yvir til linjuverjan fyri eina ordans skyld, og tá ið eg sá at flaggið ikki var á loftið, hugsaði eg at málið mátti vera viðurkent. Hvussu var kenslan so, tá tað var greitt at málið var kolldømt? Tað kendist sjálvandi ikki gott. Men tá eg sá Lars koyra hondina upp og ganga aftur, gjørdist tað beinangegin greitt, at málið ikki var viðurkent. Tað var sjálvandi sera skuffandi. Skilir tú dómaraavgerðina? Ja, eg skilji avgerðina. Hvussu eru tit í Víkingi annars nøgdir við at fáa eitt stig við tykkum úr Gundadali?? Vit høvdu vóna 3 stig, men 1 stig á útivølli man vera góðkent. Og at enda, hvussu langt ætla tit tykkum í Víkingi at røkka í Effo- deildini í ár? Nú eru fleiri av leikarunum hjá Víkingi ikki heilt ungir longur, so tað er trupult at seta langtíðar málsetningar. Men um lív og heilsa vil tað, so vóna vit at kunna kappast har tað er stuttligt. Tað skal tó sigast at vit hava nógvar ungar raskar mans á liðnum at taka um endan, um tað verur blúk fyri tí:) Vikan ið fór OB venjarin, Kent Nielsen, finst hvassliga at føroyska toppskjúttanum í felagnum, Jóan Símun Edmundsson, sum má sita uttanfyri við leikbanni, av tí at hann hevur fingið gult kort fyri film. Kyndilskvinnur, sum just farna kappingarár vunnu greipuna, hava sett nýtt venjarapar til komandi kappingarár. Talan er um Flemming Raben og Christoffur Gert Nielsen. Flemming Raben hevur áður vant Neistakvinnur, meðan Christoffur Gert Nielsen, hevur vant yngri deildir hjá Kyndli. Heimsstjørnan, Zlatan Ibrahimovic, verður lagdur undir skurð, eftir at hann hevur meitt sær knæðið illa. Komandi kappingarár fer H71 eisini at hava lið í bestu kvinnudeildini í hondbólti. Tað er fyrsta ferðin at hoyvíkingar eiga manning í bestu kvinnudeildini. Føroyameistarin í badminton, Benjamin Gunnarstein, kann ikki umboða Føroyar á Oyggjaleikum. Hann er hálvur føroyingur, og hevur búð ov stutt í Føroyum til at hava rætt til at umboða Føroyar. Hann var tó við til seinastu Oyggjaleikir. ...við ítróttinum 5 SKJÓTIR Fimm skjótir spurningar til føroysk ítróttarfólk... Navn: Hanus Jacobsen Aldur: 31 ár Starv: Fótbóltsleikari / Víkingur Royn tína vitan um ítróttin her og nú! Svarini standa niðast til vinstru, men royn teg nú fyrst 1 Hvør KÍ leikari varð vístur av vølli til dystin móti EB/Streymi sunnudagin? 2 Hvussu kallast íslendski Swansea leikarin, sum sunnudagin skoraði útjavnandi málið móti Manchester United á útivølli? 3 Hvørjir føroyskir landsliðsleikarar spæla við íslendska felagnum, ÍBV? 4 Hvørji vóru vald til ársins leikara hjá monnum og kvinnum í hondbólti um vikuskiftið? 5 Hvørji vóru vald til ársins leikara hjá monnum og kvinnum í flogbólti um vikuskiftið? 6 Hvør Manchester United leikari varð útvístur í grannauppgerðini móti Manchester City í farnu viku? 7 Hvussu eitur føroyski landsliðsleikarin, sum mátti sita uttanfyri við leikbanni av sjónleiki? 8 H71 eigur komandi ár umboðan í bestu kvinnudeildini. Hvussu eitur H71 venjarin? 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! 1. Hørður Askha, 2. Gylfi Sigurdsso 3. Jónas Tór Næs og Kaj Leo í Bartalsstovu 4. Peter Krogh (H71) og Maja Dragoljubovic (Kyndil) 5. Trygvi Hansen (Ternan) og Anna Súnadóttir Hansen (Dráttur), 6. Marouane Fellaini, 7. Jóan Símun Edmundsson 8. Sonni Larsen, »Bag kulisserne: FCK i Champ­ ions League« er heitið á donskum dokumentari, har eitt filmslið hjá Viasat fylgir við donsku meistarunum frá byrjan til enda í Champions League-kappingini. Donsku meistararnir standa seg sera væl, og her verður hyggjarin boðin við á ta spennandi ferðina. FCK hevur givið filmsliðnum fulla atgongd. Tað merkir, at sloppið verður við í skiftirúmið, til taktikkfundir, til samráðingar og mangt annað. Hyggjarin slepp­ur so tætt danska liðnum, at hann nærum kennir seg sum ein part av hópinum. Tað er mangt og hvat, ið gongur fyri seg, tá ið fyri­reik­ ing­ar til eina so stóra kapping sum Champions League eru í umbúnað. Filmsliðið dugir so avgjørt sítt handverk, og tað er serliga forvitnisligt, at so mangar síður av Champions League- ævintýrinum verða lýstar. Ikki einans verður fylgt við leikarunum, men eisini for­ manni, venjara, liðleiðara, miðla­ fólk­um og øðrum. Stutt og greitt verð­ur ævintýrið lýst úr øllum ættum. Hetta er ein útmerkaður og væl frágingin dokumentarur, sum er væl hóskandi at hyggja eftir, nú Champions League- kappingin er nádd somikið langt. Harafturat er tað altíð forvitnisligt og helst eisini heldur sjáldsamt at fáa so gott innlit, sum ein fær her. Hygg um: Tær dámar FCK ella Champions League-fótbólt. Ikki hygg um: Tú ert einans áhugaður í fótbóltinum, og ikki tí aftanfyri. Hvussu er at hyggja: Tað er hugtakandi, at so nógv verður gjørt burturúr. Hvat sigur tú? Hesin dokumentarurin fær teg í rætta Champions League-hýrin! Fakta: Tað er Viasat, ið hevur framleitt hendan dokumentarin, sum er frá í fjør og er 46 minuttir langur. ★★★★★★ UMMÆLI Pætur Albinus ummælir ? Dokumentarurin: Handan leiktjøldini: FCK í Champions League