týsdagur 2. mai 2017síða 22

Mikudagur 3. mai 2017 · Nr. 51 22 Sosialurin Hugskot og viðmerkingar – send sms til 225000 Tróndur Arge - Zagreb, Kroatia Føroyski U17 landsliðshópurin tekur 20 spælarar, sum komandi dagar skriva føroyska fótbóltssøgu. Talan er um spælarar úr øllum land­ inum, umframt onkrar sum spæla í Danmark. Vit fara her at hyggja nærri at teimum tjúgu spælarunum, sum eru við til EM endaspælið í Kroatia. ÍTRÓTTUR HER ER EM-LIÐIÐ U17 til EM í Kroatia: Í dag er ein tann størsti dagurin í føroyskari fótbóltssøgu. Føroyar skulu klokkan 11 føroyska tíð spæla móti Skotlandi. Talan er um fyrsta dystin nakrantíð hjá einum føroyskum landsliðið til eitt EM ella eitt HM-endaspæl 1 - Bárður á Reynatrøð Føddur: 08-01-2000 Hædd: 184 cm Vekt: 83 kg Felag: Víkingur Pláss: Goalkeeper Spælir við 1. deild hjá Víkingi og hevur verið partur av U15 landsliðnum frá 2013 til 2015. Hevur spælt 17 U17 landsdystir. Í fjør var hann við FC Midtjylland í kapping í Týsklandi. Er varaliðskipari á U17 landsliðnum, men av tí at verandi liðskiparin, Fróði Rasmussen úr B36 ikki er við, so verður tað málverjin, ið hevur liðskiparabandið. Hevur leikbann fyrsta dystin. 2 - Sjúrður Pauli Nielsen Føddur: 18-04-2000 Hædd: 171 cm Vekt: 62 kg Felag: NSÍ Pláss: Verja og miðvøllur Hevur spælt 18 U-landsdystir fyri Føroyar. Er partur av spannandi árgangi hjá NSÍ og verður spáddur at hava eina bjarta framtíð á besta liðnum. Er ágrýtin, skjótir og kvikar føtur. Kann spæla á fleiri plássum. Var ikki við ”Elite Round” vegna skaða, men er við aftur nú. 3 - Andrias Edmundsson Føddur: 18-12-2000 Hædd: 192cm Vekt: 79 kg Felag: B68 Pláss: Miðvøllur og verja Ert að triði í røðini av Edmundsson beiggjunum. Er seinasta árið vaksin nógv og fekk sítt gjøgnumbrot til ”Elite Round” undankappingina á Kýpros, tá hann spældi á vinstra bakki. Er eitt sindur ólíkur beiggjunum Jóan Símun og Hákun, sum báðir eru framrættaðir, men hevur sína styrkju í kropsstyrkini, tó at hann eisini er sterkur á bóltinum. 4 - Dann Fróðason Føddur: 27-04-2000 Hædd: 191 cm Vekt: 87 kg Felag: 07 Vestur Pláss: Miðverji Enn ein risi á føroyska U17 landsliðnum. Hevur fast pláss í miðverjuni, men hevur eisini skotið fýra mál í 12 U17 landsdystum. Skal taka yvir stýringina í verjuni, nú liðskipari Fróði Rasmussen ikki er við. Er næst hægsti spælarin á liðnum. 6 - Magnus Holm Jacobsen Føddur: 23-05-2000 Hædd: 185 cm Vekt: 70 kg Felag: B36 Pláss: Verjukendur miðvallari Er ein av persónligheitunum og lyklaspælarunum á liðnum. Hevur longu fingið sínar fyrstu minuttir á besta liðnum hjá B36, og tað eru blivnir til 11 dystir á U17 landsliðnum. Er ótrúliga sterkur á bóltinum og er ikki bangin fyri at geva ilt av sær. Tað vinnur nógvar bóltar, men kostar eisini onkur gul kort. Hann hevur fingið fimm av teimum higartil og tað er mest av øll um U17 spælarunum í EM. Hevur leikbann til fyrsta dystin.