týsdagur 2. mai 2017síða 25

25 Mikudagur 29. mars 2017 · Nr. 38 Sosialurin Hugskot og viðmerkingar – send sms til 225000 Mikudagur 3. mai 2017 · Nr. 51 ÍTRÓTTUR Nú er bara eftir at bíða Síðani januar í fjør hevur U17 landsliðið arbeitt málrættað. Fyrst til innleiðandi undankappingina í Luksemborg, síðani til Elite Round í ár, og nú til EM endaspælið. Liðið hevur havt sína seinastu venjing undan fyrsta dystinum Tróndur Arge – Zagreb, Kroatia Føroyska U17 landsliðið hevði á middegi í gjár sína seinastu venj­ ing undan dystinum móti Skot­ landi, sum verður í dag klokkan 11. Venjingin var á Spansko leik­ vøllinum, sum liggur eitt korter ella so frá gistingarhúsinum í bussi. Tórur Jacobsen úr KÍ og Andrias Edmundsson úr B68 sótu uttanfyri. Tórur Jacobsen spælir neyvan í hesi kappingini, men vónin er, at tað ber til at fáa pínuna í hoftini vekk. Andrias Edmundsson hevur ilt fyri bringuna og vandi heldur ikki. Hann væntar tó at verða tøkur til dystin. Tað er ikki beinleiðis heitt í Kroatia, men dysturin verður spældur á middegi, so tað kann blíva ein líktil avbjóðing, um tað er klárur himmal og sólin stendur høgt. Tað er greitt undan dystinum, at Magnus Holm Jacobsen úr B36 og Bárður á Reynatrøð úr Víkingi ikki eru við vegna leikbann. Tí royndu venjararnir báðir, Áki Johansen og Pól F. Joensen, at telva til venjingina, so teir kundu finna fram til besta liðið. Skotski venjarin rósar føroyska liðnum U17 landsliðsvenjari hjá Skotlandi er Scotland “Scot” Gemmill, sum er fyrrverandi Premier League spælari í Nottingham Forest og Everton. Hann hevur eisini spælt á skotska landsliðnum og var við báðum ferðir, tá Føroyar fingu stig móti Skotlandi. – Eg var á bonkinum í hasum báðum dystunum, so eg minnist tað. Eg hugsi mest um hatta sum ein lívsuppliving, sum fótbólturin gevur tær. Tú sleppur at uppliva heimin, eins og U17 spælararnir hjá okkum gera nú, sigur Scot Gemmill. Hann heldur, at føroyska liðið hevur gjørt tað væl og eftir at hava sæð dystirnar, so er hann ikki bilsin av, at føroyska liðið nú er til EM endaspælið. – Eg eri ikki bilsin, tá eg siggi dystirnar hjá tykkum. Eg síggi eitt gott lið og veit at tað er ikki lætt at koma so langt í kappingini. Lið­ið hevur góðan liðanda, eru væl skip­ aðir og sinnaðir at renna fyri hvørjum øðrum. Tað er nakað vit tosa nógv við ungar spælarar um í dag. Tað er at vilja tað nokk og tað gera føroysku spælararnir, sigur Scot Gemmill. Venjarin hjá Skotlandi vil ikki koma ov nógv inn á hansara egna lið, men heldur seg til at tað er eitt lið. – Vit hava verið sterkir higartil, men nú verður tað torførari. Nú snýr tað seg ikki um tað, sum er hent, men um tað sum hendir. Vit spæla sum eitt lið, og vilja arbeiða sum eitt lið – eins og tykkar. Tað skal til fyri at vinna á betri mót­ støðu, sigur Scot Gemmill og leggur afturat: – Tað verður ein torførur dystur móti tykkum. Fyrsti dysturin í einum endaspælið er altíð torførur, tí bæði liðini eru væl fyrireikaði, men tað er ógjørligt at vita hvat fyri dystur talan verður um, sigur U17 landsliðsvenjarin hjá Skotlandi. Hann ynskir at hansara spæl­ arar bara skulu njóta at verða til EM, og at einki trýst er á teimum úr heimlandinum, um at klára seg væl. trondur@sosialurin.fo Skráin: 3. mai (kl. 11:00) Skotland – Føroyar Beinleiðis á Rás2 6. mai (Kl. 11:00) Frakland – Føroyar Beinleiðis á Eurosport 2 og Rás2 9. mai (kl. 15:00) Føroyar – Ungarn Beinleiðis á Rás2