hósdagur 4. mai 2017síða 24

FRÍGGJADAGUR 5. MAI 2017 SOSIALURIN 52 24 TVEIR IVASAMIR Steffan Løkin mátti av vøllinum við skaða í stórutá móti dystarenda. Hann hevði ilt aftaná dystin, men vónar at verða klárur til dystin móti Fraklandi. Tórur Jacobsen úr KÍ var ikki tøkur móti Skotlandi. Arbeitt verður við at fáa hann tøkan. Teir báðir eru áleypararnir í hópinum, so tað veru eitt sindur um skifting, um teir ikki kunnu spæla. Í ein tíma livdi dreymurin um fyrsta stigið í einum EM endaspælið. Tá samanumkom bleiv tað til fyrsta dystin í einum EM endaspælið, men hóast uppgávan bleiv loyst á skinsaman hátt, so standa vit eftir við ongum. Skotar vóru størri og sterkar TRÓNDUR ARGE Zagreb, Kroatia F øroyskur fótbóltur hevur skrivað søgu til EM endaspælið fyri U17 landslið hjá dreingjum, sum er í Zagreb í Kroatia. Føroyska liðið gjørdi at kalla alt tað, sum bar til í dystinum móti ósigraðu skotunum, men tað var ikki nokk. Allir møguleikar fyri at verða undirmettur rúka sama dagin, sum tú vinnur teg víðari til EM-endaspælið. Skotar vóru væl fyri­ reik­aðir og vístu onga náði í press-spælinum. Tað var eisini uppiborið at Skotland vann dystin, men tað er eisini ein sannroynd, at skotski venjarin, ”Scot” Gemmill, tóktist ein trýstur maður, tá klokkan gekk móti tím­anum og einki mál varð komið. Tíverri fyri okkum, so brast fyri nevn hjá skotum áðrenn klokkan kom um tíman. Nógv ivamál undan dystinum Føroyska liðið byrjaði ferð­ ina til Kroatia longu leygar­ morgunin. Fyrst var vant í Kastrup og síðani hevur liðið fyrireikað seg á várveðrinum í Kroatia. Tað hevur givið nakrar avbjóðingar, at lið­ skiparin, Fróði Rasmussen úr B36, umframt menn sum Luk­as Giessing, Gundur Ellings­gaard Petersen og Jógvan Petersen ikki vóru við vegna skaða. Teir hava verið partur av undankappingini. Afturat tí, so sótu vara­liðskiparin, Bárð­ ur á Reynatrøð og mið­ vallarin Magnus Holm Jacobsen uttan fyri við leikbanni. Hetta gjørdi millum annað, at Asbjørn Heð­ insson úr 07 Vestur bleiv fluttur á høgra bakk, meðan Sjúrður Pauli Nielsen úr NSÍ koma at spæla á einum eitt sind­ur óvandum vinstra bakki. Í miðverjuni valdu venj­arar­nir at seta risarnar báðar, Dann Fróðason úr 07 Vestur og Andrias Edmundsson í miðverjuna. Í málið kom Bjarti Vitalis Mørk úr HB. Tað bleiv eisini tíðliga greitt, at áleyparin úr KÍ, Tórur Jacobsen, ikki bleiv klárur til dystin. Tað er her við hoyra heima Stemningurin í hópinum er góður og tað merktist ikki á ungu monnunum hjá okkum, at hetta er fyrstu ferð nakrantíð, at eitt føroyskt landslið spælir í einum EM- endaspælið. Hóast skotar fingu ein framúr møguleika heilt tíðliga í dystinum, so vardi føroyska liðið væl. Bjarti Vitalis Mørk hevði onkra stór­bjarg­ing og risar­ nir í miðverjuni vunnu flestu av sínum tví­dystum. Undan dystinum var nógv fokus á vinstra vong­ inum hjá Skotlandi, Glenn Middleton. Hann hevur spælt á besta liðnum hjá Norwich og hevur verið framúr í undankappingini. Asbjørn Heðinsson fekk til uppgávu at dekka hann, og tað gekk avbera væl eftir umstøðunum. Tíverri fekk Asbjørn Heðinsson eitt heldur klossut seinna gula kort, tí tað avspeglar ikki góða avrikið hjá honum. Í fyrra hálvleiki pógvaðu ungu menninir hjá okkum, at teir hoyra heima í einum EM-endaspælið Knekka aftaná ein tíma Nakrar ferðir sleppa vit við skrekkinum, men ein tími er farin – og tjúgu minuttir eru eftir – kemur knekkið. Vit satsa í so nógv í verjuni og skotar sleppa til baklinjuna og skjóta bóltin innfyri til innksifta Innes Cameron, sum skorar. – Verjan spælir væl ótrú­ liga væl, men í hasi støðuni satsa vit og tað kostar, sigur Pól F. Joensen. Løtu seinni er mál­verjin óhepp­in og rakar ikki bóltin nógv væl, skotar eru knappir á bóltinum og skorar til 2-0. Løtu seinni verður Asbjørn Heðinsson útvístur og nú snýr tað seg bara um at halda tætt. – Vit spæla móti einum heilt ótrúliga sterkum liði í dag. Teir eru sterkari enn okkara á at kalla øllum pláss­um. Okkara dreingir gera tað til UG, men tað eru tvær villur sum skotar skora uppá. Teir hava bólt­ in nógv, men vit standa væl á vøllinum, sigur Pól F. Joensen. Í hálvleikinum er tó ongin munur á máltalvuni. – Í hálvleikinum føla dreingirnar, at teir eru við í dystinum. Vit hava verið í hesi støðuni fyrr, har vit eru trýstir, men skora. Tað skuldi so ikki verða í dag, sigur Pól F. Joensen. Fyrireika seg til Frakland Í hinum dystinum í bólkinum hjá okkumu hendi tað óvænt­aða, at Ungarn vann á favorittunum úr Fraklandi. Tað merkir, at fraklendingar eru trýstir undan dystinum móti Føroyum. Karvið hjá teimum er ein sigur. Føroyska liðið vandi ikki hósdagin, men gekk ein túr, har tað bleiv strekt út og gjørt eitt sindur av morgunfimleiki. – Vit hava valt ikki at venja dagin eftir dyst. Okk­ ara spælarar verða harð­ari koyrdir enn flestu av lið­ unum, sum vit spæla í móti. Vit hava bóltin minni og arbeiða harðari. Tí er meiri brúk fyri hvíld, sigur Áki Johansen, sum saman við Pól F. Joensen stendur á odda fyri U17 landsliðnum. Dysturin móti Fraklandi verður leygardagin klokkan 11. Rás2 sigur frá dystinum. TRONDUR@SOSIALURIN.FO U17 LANDSLIÐIÐ FALL VIÐ ÆRU Í ZAGREB Fótbóltur Dysturin hesa vikuna... Skrivaðu føroyska fótbóltssøgu í Kroatia