mánadagur 8. mai 2017síða 10

Mánadagur 8. mai 2017 · Nr. 53 10 Sosialurin Hugskot og viðmerkingar – send sms til 225000 Seinastu árini hevur tað ikki verið óvanligt fyri amerikonsk umboðsfólk í Danmark at vitja í Føroyum. Áhugin fyri Føroyum tók dik á seg, eftir at fleiri lond fingu ein størri politiskan áhuga í arktiska økinum. Fyrrverandi sendimaðurin í Keypmannahavn, Rufus Gifford, var nakrar ferðir í Føroyum. Hann er nú farin úr starvi, men fyribils sendikvinnan, Laura Lochman, var í seinastu viku á vitjan í Føroyum og kunnaði seg um føroysk viðurskiftir. Sólvit E. Nolsø Laura Lochman var upprunaliga starvssett í fyrisitingini hjá sendi­ manninum í Keypmannahavn, Rufus Gifford, men í samband við stjórnarskiftið í USA í januar, fór hann frá sum sendimaður. Laura Lochman hevur síðan virkað sum sendikvinna, inntil sessurin verður settur av nýggjum. Hon er komin til Føroya at kunna seg um føroysk viðurskiftir og at tosa við føroyskar politikarar um hvørjar avbjóðingar standa fyri framman í politisku skipanini her heima. Legði merki til hvussu gott tit hava tað Eitt, ið nógv hevur verið tosa um, er búskaparliga støðan her heima. Laura Lochman sigur, at hon er veit, at tá ein búskapur, sum okk­ ara, í stóran mun er tengdur at einum náttúrutilfeingi, tá kann tað ganga skjótt hvønn vegin. Eitt tíðarskeið var hon aðalkonsul í Calgary í Kanada, ið er eitt av stóru í ídnaðarøkinum innan olju og gass. Eins og hjá okkum, so kann tað verða soleiðis, at í teimum góðu tíð­ unum gongur sera væl, meðan tað kann fella skjótt tá tíðirnar skifta. – Eitt tað fyrsta eg leggi merki til, er hvussu hvussu gott tit hava og hvussu væl tað gongur í Føroyum. Nógv ferðafólk koma hendaveg og nógv fólk koma in nog út úr handlum. Tit byggja stórar tunlar og nógvar stórar verkætlanir eru í gongd. Mann leggur merki til hvussu væl tað gongur, sigur Laura Lochman. Laura Lochman hevur verið á fundi við nógvar politikkarar her heima, fyri at kunna seg um hvat hendir í Føroyum. Hon leggur dent á, at túrurin er fyri at fáa kunn­ing og tí er hon varin við at gera viðmerkingar. Millum annað um stórmál hjá okkum, so sum fiskivinnunýskipanina. Tó vil hon siga somikið, at hon fegnast um, at stovnsrøkt er blivin ein partur av nýggju fiskivinnunýskipanini hjá landsstýrinum og tað er eitt øki, ið flestu flokkar kunnu semjast um. – Stovnsrøkt er umráðandi ikki bert fyri tykkum, men fyri okkum øll, tí tað eru nógvir stovnar, ið ferðast millum lond, so tað ávirkar okkum øll, sigur Laura Lochman. Arktis fær størri týdning Í nógv ár hevur verið ein øktur áhugi í økinum kring arktiska økin­ um. Serliga frá fleiri stórveldum so sum Russlandi og USA. Tað er í kjalarvørrinum av, at tað gerst alt meira atkomuligt norður til økið, í samband við at ísurin bráðnar meira og meira. Føroyar eru ikki uttan týdning í hesum sambandi og áhugin fyri okkum er eisini øktur seinnu árini. Fyri einum árið síðani var Ray Mabus, amerikanskur her­flota­ráð­ harri, á vitjan í Føroyum og fyri tveimum árum síðani var ein bretsk fregatt á vitjan í Føroyum. Jens Christian Svabo Justinussen, Ph.D í samfelagsvísindum, við­merkti tá, at tað var tekin uppá, at stórveldini byrjaðu at fáa áhuga fyri Arktis og Føroyum aftur. Laura Lochman játtar eisini, at Arktis hevur fingið ein størri týdning seinnu árini. – Tað verður størri dentur lagdur á politikkin í arktiska økinum og vit eru einki undantak í so máta. Amerikanski uttanríkisráðharrin verður við á komandi fundi í arktiska ráðnum, ið verður í Alaska og vit hava eisini eina skrivstovu í okkara uttanríkisráði, ið tekur sær av arktiskum viðurskiftum, sigur Laura Lochman. Trump staðfest sín stuðul til NATO Tað eru stórar politiskar rembingar, ið fara fram nógva staðni. Ikki minst í Evropa. Laura Lochman sigur, at tað verður fylgt væl við tí, sum fer fram, tí nógv av teimum londunum, ið nú uppliva tvørrandi politisk rák, eru samstarvsfelagar hjá USA. Amerikansi forsetin, Donald Trump, var undir valstríðnum til forsetavalinum, harðrendur í orð og tal mótvegis gomlum sam­starvs­ feløgum hjá USA, ið ikki tóku nóg stóra ábyrgd í altjóða politikki, men harafturímóti lótu USA sita eftir við rokningini. Hann segði fleiri ferðir, at tíðin var komin at endurskoða samstarvsavtalurnar við millum annað NATO. – Eitt er hvat hann segði undir valstríðinum. Eftirfylgjandi hev­ ur hann tó staðfest, at hann fram­haldandi vil samstarva við NATO. Hann hevur havt fundir við Stoltenberg (aðalskrivaran í NATO) og fingið váttanir fyri, at NATO ger sítt fyri at berjast móti til dømis altjóða yvirgangi, sigur Laura Lochman. solvit@sosialurin.fo Legði skjótt merki til hvussu væl tað gongur í Føroyum SENDIKVINNA