týsdagur 9. mai 2017síða 4

Mikudagur 10. mai 2017 · Nr. 54 4 Sosialurin Hugskot og viðmerkingar – send sms til 225000 Vilmund Jacobsen Sýnisgluggarnir hjá MEST á Atlantic Fair í Klaksvík eru framleiðsluútgerð hjá fyri­ tøkuni í Runavík og skipa­ smiðju­parturin í Tórshavn og á Skála. Síðan Atlantic Fair var í Klaksvík í 2015, er nógv hent hjá MEST. Um­framt at fyritøkan enn mark­naðar­ førir seg við heimskendu fram­leið­arunum sum eitt nú Wartsila, Desmi og Rolls Royce, umboðar skipa­smiðj­ an eisini eitt nýtt krana­ merki, MelCal. Síðan MEST gjørdi avtalu um at umboða MelCal-kran­ ar­nar í 2016, eru 11 kranar seldir føroyskum skipum. – Hetta er eitt stórt tal, men hetta eru eisini dygd­ ar­kranar, sum vanliga verða brúktir innan frálanda­vinnu, sigur sølu- og markn­aðar­ leið­arin hjá MEST, Richard Mort­ensen. Hann vísir á, at MEST hevur avtalu beinleiðis við framleiðaran í Italia, og tí kunnu tey bjóða hesar kran­ ar fyri kappingarførar prísir. Sleipa og smíða Í fleiri ár hevur tað verið eitt ynski hjá vinnuni í Føroyum at fáa ein størri sleipara. Stjórin í MEST, Mouritz Mohr, sigur, at tað var við hesum í huga, at tey í fjør keyptu Samson, sum er bygd­ur á Damen-skipa­smiðj­ uni í Hálandi. – Samson, sum hevur tvær til tríggjar ferðir so stóra orku, sum aðrir sleiparar í Føroyum, hevur havt fleiri uppgávur í seinastu. Tað eru serliga tey stóru skipini, sum hava tørv á Samson. Talan er ofta um skip, sum ikki kundu lagt at bryggju, um Samson ikki var her, sigur Mouritz Mohr. Seinastu tvey árini hevur MEST staðið fyri bygging av flakum og tvíkiljum til ali­ vinnuna. Spurdur, um skipasmiðjan nú er á veg inn aftur í hetta at smíða nýbygningar, svarar stjórin í MEST soleiðis: – Tað er altíð spennandi hjá eini skipasmiðju og hjá okkara starvsfólki at fast­ halda handverkið og at vera við til at skapa nakað nýtt. At smíða tvíkiljur hev­ur frá okkara síðu ver­ ið eitt stig á leiðini at koma inn í nýbygningar aftur, og vónandi verður næsta stig­ ið nýggja hav­rann­sóknar­ skipið, sigur stjórin. Framtíðarútlitini MEST letur annars væl at undirtøkuni á messuni í Klaksvík. – Í 2015 varð okkara básur heilt væl vitjaður. Vit halda okkum hava ein viðkomandi boðskap, sum er, at vit í Før­ oyum eru kappingarfør við onnur lond. Vit hava luttikið á altjóða ráðstevnum í sein­ astuni og eru vorðin varin við ein vaksandi áhuga frá útlendskum reiðaríum og fyritøkum at samstarva við okkum – ikki minst, nú talan er um at fáa bygt eina høll omaná turrdokkina á Skála, sigur Mouritz Mohr, stjóri í MEST. FØROYAR ERU KAPPINGAR­ FØRAR VIÐ VEITARAR Í ØÐRUM LONDUM Skipasmiðjan MEST er við á Atlantic Fair í Klaksvík, og fyritøkan hevur veruliga gjørt seg út til messuna við ikki færri enn fýra altjóða undirveitarum á básinum. Boðskapurin er, at vit í Føroyum eru kappingarfør við onnur lond Føroya Mynda­ kalend­ari fyri 2018 er nú komin, og tað er Miðlahúsið, sum gevur kalendaran út. Hetta er sjeynda árið, at kalendarin er í Miðla­hús­ inum, men upprunaliga var tað Jákup Andreas Arge, sum legði lunnar undir Føroya Myndakalendara, sum hann tók myndir til og gav út í nógv ár. Tað er fotografurin, Jens Kristian Vang, sum nú eigur allar myndirnar í kalendaranum. Alt eftir árs­ tíðini, eru frálíkar myndir av bygdum og bygdaløgum. Tey, sum ynskja sær Før­oya Myndakalendaran fyri 2018, kunnu venda sær til Miðla­húsið á tlf. 341800 og kalendarin verður, sum dagarnir ganga, eisini at fáa í nógvum handlum kring landið. vilmund@sosialurin.fo Miðlahúsið við Føroya Myndakalendara 2018 Alt eftir árstíðini, er kalendarin prýddur við frálíkum myndum av bygdum og bygdaløgum TÍÐINDI – At smíða tvíkiljur hevur frá okkara síðu verið eitt stig á leiðini at koma inn í nýbygningar aftur, og vónandi verður næsta stigið nýggja havrannsóknarskipið, sigur stjórin í MEST, Mouritz Mohr Mynd: Vilmund Jacobsen