hósdagur 11. mai 2017síða 24

FRÍGGJADAGUR 12. MAI 2017 SOSIALURIN 55 24 FRAKLAND OG UNGARN VÍÐARI Tað stóð nógv á fraklendingum undan seinasta umfarinum í bólkaspælinum. Teir skuldu vinna á Skotlandi. Málið kom ikki fyrr enn í evstu løtu og aftur var tað Amine Gouiri úr Lyon, sum skoraði fyri Frakland, ið er víðari saman við Ungarn. Skotland vóru bara fáar minuttir frá at koma víðar, men mugu saman við londum sum eitt nú Italia og Føroyum. Við tárum í eygunum fóru føroysku U17 landsliðsspælararnir av vøllinum í Lucko í Kroatia. Ungarn vann seinasta dystin 4-0. EM-ævintýrið er av á hesum sinni, men heili sjey av spælarinum hava aldur til U17 landsliðið komandi ár TRÓNDUR ARGE F øroyska U17 lands­ liðið megnaði ikki at skriva fleiri kapittlar í ævin­týr­ inum um lítlu tjóðina, sum skakaði fótbóltsheimin. – Bragdið er at tit komu hertil, segði Steve (H?) Cooper, U17 landsliðsvenjari hjá Onglandi við føroysku venjararnar Føroyska liðið tapti sein­ asta dystin uppiborið 4-0, men hesa ferð vóru føroysku spælararnir meiri við. Eina løtu lúrdi vónin um eina endurtøku av dystinum móti Skotlandi, tá vit hildu fast í ein tíma. Hesa ferð spældi eydnan við okkum fyrstu løtuna, men tá Ungarn fyrst fekk mál, so knekkaði dreymurin og ævintýrið er komið at enda. Styrki, skjótleiki og bóltførleiki á muni Eins og í dystunum móti Skot­landi og Fraklandi, so var styrkin, skjótleikin og bólt­førleikin á muni. Spæl­ ararnir hjá Ungarn vóru størri, skjótari og væl betri á bóltinum enn okkrara. Tað hoyrir við til søguna, at tríggir bóltsterkir verju­ spælarar ikki eru við vegna skaða. Tað ger tað torførari hjá okkara at fáa spælt bólt­ in upp. Hinvegin, so má stað­ fest­ast, at føroyskur ung­ dómsfótbóltur hevur stórar avbjóðingar fyri framman. Vit hava nú lyft okkum frá niðasta bólkinum og heitinum sum pinkutjóð í fótbóltsheiminum. Verður tað í stødd, men ikki evnum. Hvørja ferð tað var ein at síggja til javn­ur dystur um bóltin, so vunnu ungarar nær­dystin. Tá rennast skuldi kapp, so vóru ungarar skjótari. Eisini vóru teir væl betri á bóltinum, har teir fluttu hann væl runt og vóru neyvir í avgerandi løtunum. Tvey skot á mál Tað hevur gingið illa at fáa skapt málmøguleikar til EM endaspælið. Hvørki móti Skotlandi ella Fraklandi eydn­aðist at fáa eina roynd á mál. Tí umhugsaðu venj­ ararnir at flyta skjótu og arbeiðssomu vengurnar, Tórur Jacobsen og Hanus Sørensen, fram í álopið. Heilt soleiðis bleiv tað ikki, tí Hanus Sørensen helt frá á vonginum, meðan Tór­ur Jacobsen fekk Stefan Rado­ saljevic í álopið. Serliga í seinna hálvleiki kom før­ oyska liðið betri við og vit fingu okkara fyrstu og ein­ astu skot á málið. Eitt frí­ spark frá Hanusi Sørensen og eitt skott frá Stefan Radosaljevic. Í fleiri førum kom vant­ andi evni til at halda upp á bóltin í kroystum støðum. Undantakið var Magnus Holm Jacobsen, sum hevur útmerkað seg í at halda upp á bóltin. Tað gjørdi í fleiri førum, at vit fingu bótin aftur í høvdið at kalla umgangandi. Tær ferðirnar okkara kláraðu at spæla saman hjálpti tað væl. Vit koma úr trýstinum og skjótt komu vit um miðjuna og fingu fríspørk og innkøst. Tað eru góðar keldur til góðar støður, men her haltaði so aftur. Vit fingu ikki fríspørkini inn fyri og mangan endaðu inn­køstini hjá ungarum. Vildu seta ordiligt punktum Føroysku spælarar ætlaðu at seta eitt ordiligt punktum fyri EM-ævintýrinum, men tað gekk ikki heilt, hóast tað ikki ber til at finnast at viljanum hjá dreingjunum. Teir góvu alt á vøllinum í Lucko, men enn eina ferð var tað ikki nokk til at gera nakað við útfallið av dyst­ inum. Tað vóru eisini nakrir vónbrotnir spælarar, sum fóru av vøllinum eftir loknan dyst. Ungarn vann dystinum við góðum álops­spæli, einum góð­um spælskipara og sterkari mið­ verju. Ungarar vístu í løtum hví teir vunnu á Frak­ landi. Teir frestu vóru tekninskt væl fyri og avbera skjótir á fótum. Tað skal tó eitt mál eftir horna til, fyri at Ungarn kom á odda. Fimm minuttir seinni var støðan 3-0 – og alt avgjørt. Sjey kunnu halda fram Sermerkt fyri føroyska U17 landsliðið er, at teir hava fleiri spælarar, ið hava aldur til U17 í eina undan­ kapping afturat. Teir Hanus Sørensen, Bjarti Vitalis Mørk, Sveinur Lava Olsen, Elias El Moustage, Sím­un Sólheim, Peter Berg­man Hansen og Gundur Ell­ings­ gaard Petersen. Tí hevur hetta liðið framvegis nakað at síggja fram til. Tað verður eitt før­ oyskt U17 landsliðið við nógv roynum, sum skal taka lut í komandi EM undankapping. Takk fyri hesaferð Ein partur av mikukvøld­ inum eftur dystin, fór við at takka fyri seg. Áki Jo­ han­sen sum venjari, Pól F. Joensen sum hjálparvenjari og Andrass Thamassen sum liðleiðari. Tað merkist væl í hópinum, at talan er spælarar, sum finna væl útav tí. Tað hevur heilt víst verið ein av orsøkunum til, at U17 landsliðið er komið so langt. Tað bleiv ikki til fleiri kapittlar á hesum sinni. Nú veit alt fótbóltsføroyar, at tað ber til at vinna seg til eitt EM endaspæl. Um tjúgu spælarar til samans vita hvussu tað skal gerast. Nú er at vóna, at avrikini seta síni spor í føroyskum fótbólti. Eitt er vist, tað var einki minni enn eitt søguligt bragd at koma til EM, men her brast dreymurin á hesum sinni. TRONDUR@SOSIALURIN.FO Fótbóltur Dysturin hesa vikuna... U17 til EM í Kroatia: ÆVINTÝRIÐ KOMIÐ AT ENDA – FYRI HESUFERÐ