mánadagur 15. mai 2017síða 50

VIKA 20 • 15. MAI 2017 26 ÓKEYPIS LÝSINGARBLAÐ Hallur av Rana T á bátafólk, kampingfólk og aðrir gest­ ir seta kósina móti Bátastevnuni í Vest­ manna komandi vikuskiftið, er tað sekst­ anda árið á rað, at vestmenningar skipa fyri stevn­uni, ið er vorðin ein fastur táttur í føroyska summ­arinum hjá eini rúgvu av føroyingum. Ein av teimum, ið gleðir seg til stevnuna, er Pauli T. Petersen, borgarstjóri í Vestmanna kommunu, ið vísir á, at stevnan í eitt vikuskiftið megnar at seta fokus á bygdina á vestursíðuni á Streymoynni. – Bátastevnan hevur ein øgiliga stóran týdn­ ing fyri Vestmanna, tí hetta er ein av størstu stevnunum í Føroyum. Vanliga eru tað millum 3.000 til 4.000 fólk, ið vitja stevnuna, og hjálpir hon at seta fokus á Vestmanna í nakrar dagar, sigur Pauli T. Petersen. Talið av vitjandi er sjálvandi eisini treyta av hvussu veðrið skikkar sær, og seinastu árini hevur veðrið ikki verið av tí besta undir báta­ stevnuni, men borgarstjórin vónar, at tað vísir seg frá síni bestu síðu í ár. – Um veðrið er gott og streymviðurskiftini eru góð, so kann væntast, at eini 200 bátar koma til Vestmanna um vikuskiftið. Men hóast veðrið ikki hevur verið til vildar síðstu árini, so hevur bátastevnan kortini eydnast væl, sigur borgarstjórin. Stórt sjálvboðið arbeiði Nógv ymisk tiltøk eru á skránni teir báðar dag­ arnar bátastevnan er, og borgarstjórin vísir á, at tað einans ber til at hava eina slíka stevnu, tí tað eru fólk, ið leggja eitt stórt sjálvboðið arbeiða í at skipa fyri stevnuni. – Tað er Bátastevnanevndin, ið skipar fyri bátastevnuni, men heita tey á fólk um at hjálpa við ymiskum. So alt í alt eru tað umleið 200 fólk, ið veita eina hjálpandi hond, so tað er møguligt at hýsa bátastevnuni her í Vestmanna, sigur Pauli T. Petersen. Borgarstjórin sendir eisini eina serliga heils­an til fyrireikararnar av bátastevnuni. – Bygdaráðið vil gjarna takka fyrireikarunum av Bátastevnuni, tí hetta er eitt veldigt arbeiði, ið verður sett í verk á hvørjum ári. Ein slík stevna er til gagns fyri nógv fólk, bæði her í bygdini, men eisini aðrastaðni frá. Tað er ótrúligt, at man við sjálvbodnum arbeiði kann skapa so nógv upp á so stutta tíð, sigur Pauli T. Petersen. Met í ferðafólkum At vitjandi koma til bygdina er tó ikki ein óvan­ lig sjón hjá vestmenningum. Sum heim­stað fyri vælumtóktu túrarnar undir Vest­manna­bjørg­ unum telist Vestmanna millum tær bygdir her á landi, ið flest útlendsk ferðandi vitja. Síðstu árini er áhugin fyri Føroyum úti í heimi vorðin alsamt størri, samstundis sum talið av ferðafólkum, ið vitja oyggjarnar, er voksið mun­andi. Tað merkist eisini aftur í Vestmanna, upplýsir Pauli T. Petersen. – Í fjør settu vit met fyri tal av ferðafólkum, og tað sær út til, at tað ikki verða færri í ár. Eg trúgvi, at tey flestu ferðafólkini, ið koma til Føroyar, koma til Vestmanna fyri at royna túrin undir Vestmannabjørgunum, sigur Pauli T. Petersen. Kommunan ynskir tó at fáa meira burturúr ferðavinnuni, og í sambandi fer kommunan í næstum undir temadagar um ferðavinnuna í bygdini. – Vit ynskja at savna allar viðkomandi part­ ar og viðgera hvussu vit kunnu menna ferða­ vinnuna uppaftur meira í Vestmanna. Sum nú er, so kasta túrarnir undir Vestmannabjørgini pening av sær til restina av bygdini, men ætlanin er at fáa eina meira fjølbroytta ferðavinnu í bygdini, so vit kunnu skapa betri trivna í bygdini og størri inntøkur til kommununa, greiðir Pauli T. Petersen frá. Ymiskar íløgur Fíggjarliga stendur eisini væl til í kommununi, eftir at bygdaráðið seinastu árini hevur lagt seg eftir at rinda niður á skuldina. – Skuldin var rímiliga stór, men eftir nøkur ár eru vit nú niðanfyri eina hálva álíkning, og kunnu nú gera fleiri átøk, ið hava ligið á láni, sigur Pauli T. Petersen. Harímillum er ábøtur á Ovara veg, ið vænt­ andi verða lidnar í ár, Niðara vegur, ið skal gerast av nýggjum, ein nýggjur matsalur til skúla­næm­ ingarnar og eitt kreativt verkstað, umframt at peningur er settur av til at dagføra gomul spælipláss og byggja nýggj. Týdningarmesta nýggja íløgan tykist tó at vera nýggja útstykkingin, ið Vestmanna kommunu er farin í holt við. Eftir ætlan fer kommunan at bjóða út 22 grundstykkir, ið vónandi verða klár um hálvtannað ár, og vón­ ar borgarstjórin, at tað kann hjálpa upp á bústaðartrupulleikan í kommununi. – Vit uppliva ein stóran áhuga fyri at búgva í Vestmanna, men vit hava eisini stórar bústaðartrupulleikar. Um farið verður tvey ár aftur í tíðina, so vóru eini tjúgu hús til sølu í bygdini, meðan støðan í dag er tann, at einki hús til sølu, og eingin bústaður er til leigu, sigur Pauli T. Petersen og leggur afturat. – Vit teimum nýggju grundstykkjunum, og onkrum spennandi nýggjum leigumøguleika, ið arbeitt verður við, er tað okkara vón, at vit megna at loysa ein part av trupulleikanum. Tunnilin nærkast Seinni árini hevur møguleikin fyri einum tunli millum Vestmanna og Kvívík javnan verið nevnd­ur í almenna rúminum, og líkt er nú til, at ynskið hjá vestmenningurin verður eftirlíka. Í játtanarkarmunum hjá landsstýrinum er peningur nevniliga settur av til fyrireikingarnar til ein tunnil til Vestmanna. – Tað kunnu vit fegnast um. Nevnt verður at tunnilin til Vestmanna verður gjørdur eftir 2022, og í tíðarskeiðinum 2019-2021 eru 20 milliónir krónur settar av til at fyrireika tunnilin, sigur Pauli T. Petersen. Tunnilin fer at avloysa gamla landsvegin, ið borgarstjórin vísir á, kann vera lívshættisligur um veturin. – Tað eru ikki øll, ið føla seg líka trygg at koyra niðan á Høgareyn, tá veðrið er ringt. Um veturin, tá tað er svartakálk og vindhart, kann tað vera lívshættisligt at koyra har. So fyri teir 650 bilarnar, ið dagliga koyra til og frá Vestmanna, so verður talan um ein betri og tryggari farleið, sigur borgarstjórin. hallur@sosialurin.fo Bátastevnan setir fokus á Vestmanna – Bátastevnan hevur ein øgiliga stóran týdning fyri Vestmanna, tí hetta er ein av størstu stevnunum í Føroyum. Vanliga eru tað millum 3.000 til 4.000 fólk, ið vitja stevnuna, og hjálpir hon at seta fokus á Vestmanna í nakrar dagar, sigur Pauli T. Petersen, borgarstjóri í Vestmanna kommunu, nú skipað verður fyri bátastevnuni í Vestmanna sekstanda árið á rað. – Vit uppliva ein stóran áhuga fyri at búgva í Vestmanna, men vit hava eisini stórar bústaðartrupulleikar. Um farið verður tvey ár aftur í tíðina, so vóru eini tjúgu hús til sølu í bygdini, meðan støðan í dag er tann, at einki hús til sølu, og eingin bústaður er til leigu »Í fjør settu vit met fyri tal av ferða­fólk­ um, og tað sær út til, at tað ikki verða færri í ár. Eg trúgvi, at tey flestu ferða­fólkini, ið koma til Føroyar, koma til Vest­manna fyri at royna túrin undir Vest­mannabjørgunum« Pauli T. Petersen TEMA: BÁTASTEVNAN