týsdagur 16. mai 2017síða 12

Mikudagur 17. mai 2017 · Nr. 57 12 Sosialurin Hugskot og viðmerkingar – send sms til 225000 Í FÓTASPORUM LUTHERS At læra um uppruna er Sagt verður um Luther, at hann týddi Nýggja Testamentið úr frummálinum eftir einans 10-11 vikum og við teimum vánaligu umboðum, ið tá vóru, má hetta arbeiðið sigast at vera eitt meistaraverk Tað er 10. mai, og flogferðin úr Føroyum er byrjað. Lagið er gott, og fólk eru spent Hin 11. mai er ferðalagið í Eisleben. Vitjað verður, har Luther varð føddur og í Pæturskirkjuni, har Luther varð doyptur Orð: Vilmund Jacobsen Myndir: Nes Prestagjald Mikumorgunin hin 10. mai fór eitt ferðalag á 119 fólk úr Føroyum við kós móti Leipzig í Týsklandi. Hetta vóru fólk, sum ynsktu at gera eina ferð, har tey fingu høvi at ganga í fóta­sporum Luthers. Orsøkin til ferðina er, at tað í oktober í ár verða liðin 500 ár, síðan Luther byrjaði reformatiónina, nevniliga hin 31. oktober í 1517. Í Føroyum plaga vit at siga, at skifti frá katólskari til lutherska trúgv - trúbótin - fór fram í umleið 1540. Ein sløk helvt av teimum, sum vóru við á ferðini til Týsklands, komu úr Eystur­ oy, og annars vóru fólk kring um landið við á ferðini. At læra sín uppruna Tað var ein áheitan frá próvsti um at leggja høvdini í blot og finna upp á okkurt, nú hesin stóri merkisdagur - dagurin fyri reformatiónina og luthersku trúnna - er so nær. – Fólk høvdu høvi at tekna seg til ferðina, og eg haldi, nú ferðin er at enda komin, at hon eydnaðist væl. Tað sigur Ovi Brim, prest­ur, sum saman við Símuni Hammer, Dagbjørt Ólavsdóttir Hansen og Odvør Harryson líka sum vóru fyriskiparar av ferðini. Øll, sum vóru við á ferð­ ini - Í fótasporum Luthers - mundu vera samd um, at tað var nakað heilt ser­ stakt at ferðast og ganga í tí umhvørvi, har teir allir, Luther, Melanchton, Bugenhagen og Cranach, livdu og virkaðu. – Ikki minst áhugavert var at hoyra um røsku, væl­ skipaðu og arbeiðssomu konu Luthers, Katharinu von Bora, sum var manni sínum ein ógvuliga dyggur stuðul í øllum hansara arbeiði. Luther var sera virkin Ovi Brim heldur fyri, at tað at læra sín uppruna at kenna, ikki minst er at læra seg sjálvan betri at kenna. Hann vísir á, at reforma­ torarnir peikaðu á Jesus Kristus sum heimsins frels­ ara og høvdu bíbliuna sum avgerandi myndugleika í lívi og læru. – Millum mongu upplivils­ ini á ferðini var hugvekjandi at síggja arbeiðsrúmið hjá Luther í Wartburg, har hann eitt nú týddi Nýggja Testamentið til týskt - týska fólkinum og mongum øðrum til signingar og frelsu. Sagt verður um Luther, at hann týddi Nýggja Testa­ mentið úr frummál­inum eftir einans 10-11 vikum og við teimum vánaligu um­ boðum, ið tá vóru, má hetta arbeiðið sigast at vera meist­ ara­verk. Luther legði seg eisini eftir einari týðing sum sam­ svaraði við týska málið, og hetta hevði við sær, at Nýggja Testamentið kundi lesast av øllum. Føroysk gudstænasta Sunnudagin 14. mai endaði føroyska ferðalagið í Mariukirkjuni í Wittenberg við føroyskari gudstænastu klokkan 17. Tað var Ovi Brim, sum prædikaði. Mariukirkjan var sóknarkirkjan hjá Luther, og her hevði hann helst fleiri enn 2000 prædikur. Heri Tróndheim og Una Hansen vóru deknar við gudstænastuna, og organistar vóru Símun Hammer, Max Højgaard og Suni Hansen. Ovi Brim heldur fyri, at um vit skulu hava eitt satt trúbótarhátíðarhald til heystar, so eiga vit kortini ikki at peika á Luther, men á hin krossfesta og upprisna Jesus Kristus. - Hetta undirstrikar altartalvan í Mariukirkjuni í Wittenberg, har oman fyri talvuna stendur skrivað: “Tí at annan grundvøll kann eingin leggja enn tann, sum lagdur er, og hann er Jesus Kristus, sigur Ovi Brim, prestur.