týsdagur 16. mai 2017síða 11

11 Mikudagur 29. mars 2017 · Nr. 38 Sosialurin Hugskot og viðmerkingar – send sms til 225000 Mikudagur 17. mai 2017 · Nr. 57 ØÐU TIL L Í 2023 SUÐUROYARTUNNIL Suðuroyatunnil til bilar ella til tok Ongin avgerð er tikin um nakað sum helst og ein spurningur, støða skal takst til, er um ein Suðuroyartunnilin skal vera til bilar at koyra ígjøgnum, ella um hann skal vera til tok, sum bilar so koyra upp í Áki Bertholdsen Tað er ongin avgerð er tikin enn, um farið verður undir at gera knýta Suðuroy upp í meginøkið, ella ikki. Tað sigur Henrik Old, lands­ stýris­maður. Í aðrari grein her á síðunum greiða vit frá, at hann hevur biðið Løgtingið játtað 500.000 krónur til at gera nakrar fyrireikingar kann­ ingar. Ein Suðuroyartunnil verður minst 22 kilometrar langur av Sandi til Sandvíkar. Av tí at hann er so langur, hevur Landsverk mett, at tað helst verður neyðugt at gera tveir tunlar, har ferðslan ant­ in verður einvegis, ella har annar tunnilin verður ein rým­ingar­tunnil. Ein tunnil við rýmingartunli er nógv bíligari, tí trygdarkrøvini minka, men tveir tunlar við ein­ vegis ferðslu eru nógv tryggari, tí vandin fyri samanstoytti, har bilar koyra ímóti hvørjum øðrum, og rena á, verður burtur. Ein møguleiki er at gera tunn­ ilin av Sandoy, har hann so kemur upp í Skúgvoy og fer so aftur til Sandvíkar. Verður hendan loysnin vald, verður kanska bara neyðugt við einum tunli ímillum Sand og Skúgvoy. Sostatt er heldur ongin avgerð tikin um, hvønn veg, tunnilin skal liggjast, um talan skal vera um ein tunnil, ella um tveir tunlar við einvegis ferðslu og tað er heldur ongin støða tikin til, hvussu verð­ ur við rýmingartunli. Hetta eru nevniliga nøkur av viðurskiftunum, ætlaðu kann­ing­ arnar í ár skulu geva eina ábend­ ing um. Bilar ella tok Men Henrik Old sigur, at ein spurn­ingur, sum støða eisini skal takast til av tí at tunnilin er so langur, er, um talan skal vera um ein tunnil til bilar at koyra ígjøgnum, ella um talan skal vera um ein tunnil til tok at koyra ígjøgnum, har bilar so koyra upp í tokið, sum síðani koyrir ígjøgnum tunnilin. Eitt tok kann so eisini hava rúm fyri ferðafólki við ongum bili. Hetta er sama skipan sum er í undirsjóvartunlinum ímillum Ongland og Frakland. Hon er 51 kilometrar long og tað tekur 20 minuttir at koyra ígjøgnum. Landsstýrismaðurin sigur, at fer tað at gera tunnilin munandi bíligari, er tað avgjørt vert at taka til umhugsunnar Tað kundi eisini gjørt tað mun­ andi skjótari at ferðast, tí ein tok kann koyra væl skjótari enn ein bilur. Onnur mynd Í 2012 metti Landsverk eisini, at ein Suðuroyartunnil fer at kosta átta milliardir at gera, og einar 50-100 milliónir um árið at reka og halda. Men Henrik Old staðfestir, at hvat tunnilsgerð viðvíkur, er nógv vatn runnið í ánna síðani 2012 og hann væntar, at nýggjar kostnarmetingar og tíðarætlanir fara at geva eina heilt aðra mynd. Hann vísir á, at Suðuroy­ar­ tunnilin er sum Eysturoyar­ tunnilin og Sandoyartunnilin til­ samans og teir kosta onkustaðni ímillum tvær og tríggjar milliardir. Fast samband ímillum Sandoy og Suðuroyar verður góðar 22 kilometrar, men helst verður talan um tveir tunlar, ein av Sandi til Skúgvoyar og ein úr Skúgvoy til Sandvíkar, sigur landsstýrismaðurin TØL & UPPLÝSINGAR Henrik Old fer nú at seta kanningar í verk fyri at fáa tøl og upplýsingar á borðið fyri at vita, hvussu ein Suðuroyartunnil kann gerast – ella um tað letur seg gera yvirhøvur Tað er nógv, sum talar fyri, at hetta verður linjuføringin