týsdagur 16. mai 2017síða 18

Mikudagur 17. mai 2017 · Nr. 57 18 Sosialurin Hugskot og viðmerkingar – send sms til 225000 Eg vil heita á allar føroy­ ing­ar um at unna sær upp­ livingina at fara á KOKS Johan Mortensen V it eiga at vera sera errin av mat­stov­uni KOKS. Hon er – fyribils – hæddarpunktið av gastronomisku kollveltingini sum tók seg upp her í Tórshavn fyri sløkum 15 árum síðani. Matskráin á KOKS er einn sonn uppliving bæði fyri smakk og fyri eygað, eisini tá hon flytur mørk við »maðkum« í ræstari súpan – og faktisk smakka hesir mjølmaðkar væl! KOKS hevur eina Michelin stjørnu og hetta ger at matstovan er fullt bookað heila summarið við gestum úr øllum heiminum. Miðlarnir leggja dent á, at KOKS er gott fyri okkara ferða­vinnu og at hon dregur nógvar gastrofjepparar hendavegin. Alt gott um tað, men eg vil eisini heita á allar føroyingar um at unna sær upplivingina at fara á KOKS. At hava eina Michelin stjørnu setur sera stór krøv og er tað ein fragd at síggja, hvussu høgt støðið nú er á KOKS og hvussu væl og skjót serveringin er fyriskipað við tænarum frá alskyns londum. Karen og Poul Andrias eiga stórt rós uppiborið fyri teirra slóðbrótandi og kreativa arbeiði, og tey, saman við Johannes Jensen, hava gjørt KOKS til eina av bestu matstovunum í Skandi­navia. Føroyar eru vælsignaðar við heimsins bestu rávørum úr fjalli í fjøru og tað sprettur nú fleiri staðni uttan fyri Havnina. Eg kann nevna Café Fríðu í Klaksvík og matstovan Nólsoy, sum veruliga hava gjørt vart við seg. Tað er at vóna at KOKS eisini fer at kveikja áhugan hjá okkara pelagisku og alivinnu at gera meira burtur úr okkara fiskavørum – tað er sera sjáldan, at nakar tosar um eina smakk­uppliving í sambandi við okkara makrel, sild og alilaks. Vit tosa um nøgdir – aldrin um góðsku og smakk. Okkum tørvar ein altjóða kokka og tænaraskúla, upplagt hjá Tekniska Skúlanum í Klaksvík at viðka sitt virksemi. Okkara politiska skipan eigur at lurta eftir áheitanina frá vinnuni um betri sømdur. KOKS fer nú at byggja nýggja matstovu í Havn, og vænti eg at hon fer at fáa sína næstu Michelinstjørnu um ikki alt ov langa tíð. Tað skal undra meg, um vit ikki eisini fara at fáa eina Michelinstjørnu í Klaksvík. Tað er onki øki í Føroyum, sum hevur so stórt rávørutilfeingi sum Norðuroyggjar. Johan Mortensen HUGLEIÐINGAR KOKS Matstovan Roykt, føroysk rót