hósdagur 18. mai 2017síða 6

FRÍGGJADAGUR 19. MAI 2017 SOSIALURIN 58 6 SAMRØÐA Óvanliga atgongd at avmynda amerikanska forsetan Myndamaðurin Benjamin Rasmussen er vorðið eitt kendari navn, síðani hann fekk stóru uppgávuna at avmynda amerikanska forsetan fyri Time Magazine. Óvanliga forsíðumyndin av rygginum hjá Donaldi Trump og nógva atgongdin toymið frá Time óvæntað fekk í Hvítu Húsunum, hevur fingið nógva umrøðu. Hann greiðir frá, hvør hann er, hvar hann byrjaði og sjálvsagt eisini um stóra avrikið ANNIKA KUNOY IM – Eg havi ikki virðismett tað, fyrr enn eg eri vorðin eldri. Eg havi verið nóg longi í hvørji mentan til, at eg dugi at skilja mentanina úr rætta sjónarhorni, men tó eri eg altíð ein, ið kemur uttanífrá, sigur Benjamin Rasmussen, um tað at vera uppvaksin í Filipooyggjunum við amerikanskari mammu og føroyskum pápa. – Av tí at eg eri uppvaksin á Filips­ oyggjunum við amerikanskari mammu og føroyskum pápa, og nú havi búð í USA seinastu tíggju árini, so haldi eg, at eg síggi mentanir og støð á ein flótandi hátt, sigur hann. – Tað er ikki altíð skilligt, hvat er rætt og hvat er skeivt. Soleiðis sum menniskju eru, tað tey gera, og hvussu tey uppliva onnur menniskju er ávirkað av mentanini tey eru úr, greiðir hann frá. Jógvan Júst Rasmussen, pápi Benjamin, er klaksvíksingur og flutti til USA miðskeiðis í sjeyti­ árunum, har hann møtti konu síni. Tey fluttu til Filipsoyggjarnar at virka sum trúboðarar, tá Benjamin var eitt ára gamal í 1985. Hóast blandaðu mentanirnar í upp­ vøkstri sínum, so hevði hann altíð tað føroyska við sær á lívsleiðini. – Sum barn vitjaði eg í Føroyum um summuruni, gekk í 1. flokki í Føroyum og tosaði føroyskt við pápa mín. Umframt tað, so er tað ein líkskapur millum føroysku og filipinsku mentanirnar, har persónligt samband við hvønn annan er høgt í metum. Í amerikonsku mentanini viga onnur virði, so sum sosialur strukturur og reglugerðir meir enn menniskjalig sambond, sigur Benjamin Rasmussen. – Filipinarar halda ikki, at eg eri ein teirra. Nógvir føroyingar halda ikki, at eg eri føroyingur. At eg kenni meg sum amerikanara hevur meir við familjusambond enn tjóðskap ella mentan at gera, sigur hann, og leggur afturat, at hóast hann ikki kennir seg sum mentanarliga sum amerikanara, so er Amerika so fjølbroytt, at lætt er at fella til. Myndatøka er interaktivt Sum 18 ára gamal flutti Benjamin Rasmussen til USA, og fór tá undir at lesa til fotograf. – Sum myndamaður mást tú vera nærverandi, og mær dámdi væl ta interaktivu síðuna av fakinum, tí tú mást vera í løtuni saman við fólki. Eg eri vanur við fleiri tungumál, men tað visuella málið er universalt, og tað hevur førleika til at røkka tvørtur um mál og mentan á ein hátt, sum skrivaða orðið ikki hevur. Her hevði eg ein møguleika at skapa eitthvørt, sum byggir brýr tvørtur um mentanirnar eg eri uppvaksin við, sigur hann. Tá Benjamin var liðugur við útbúgving sína, fluttu hann og kona hansara Abby Kirkbride til Føroya at búgva í eitt ár. Eftir tað árið fluttu tey til Filipsoyggjarnar, og har fór Benjamin at gera ein yvirbygnað í fotojournalistikki. – Tað var hugtakandi at læra um fotojournalistikk í einum suður­ asiatiskum landi, sum fyrr hevur verið hjáland. Har merkir foto­ jornalistikkur nakað heilt annað, tí myndafólk koma úr øllum heim­inum til hesi londini, og siga soleiðis restina av heiminum, hvat tey skulu halda um landið. Yrkisleiðin sum myndamaður Eftir árið á Flipisoyggjunum og lokna útbúgving fluttu Abby og Benjamin aftur til USA. Tey búsettu seg í Denver í Colorado, har tey enn búgva. – Í hesum yrkinum er umráð­ andi at kenna tey røttu fólkini. Eg byrjaði spakuliga at arbeiða fyri tíðinda- og vikubløð í USA, SOSIALURIN 49 FRÍGGJADAGUR 28. APRÍL 2017 TRUMP HELT HURÐINI FYRI MÆR Mynd av forsetanum uttan fyri Hvítu Húsini, sum Benjamin hevur tikið fyri Time Magazine